|
أعوى عوى الذيب الاشهب وهرف هرافه واعدى معاديه وطرش مـع مطاريشـه واسمى مماسيـه واشـرف بمشرافـه واضوى مضاويه واغبش مع مغابيشـه الذيـب مبـداه و هرافـه و مـذلاتـه ومسراه وعواه ودورته علـى العيشـه |
سلام وثني على الحضار جزل السلام = على جميع الحضور أعممـه وانشـره يعم كل الحضور ضيوف واهل المقام = اللي لهم في ضميري قيمـه ومقـدره تقدير عادل وابوعادل حضوري لـزام = من طيبهم حفلهم واجب علي احضـره اهل الوفا والكرم والطيب والاحتـرام = عن حفلهم ما معي صده ولا معـذره انا وهم اخويا تقريب عشريـن عـام = وانا وهمه سوى في العسر والميسـره تقدير جيره وخـوه للرجـال الحشـام = اللي تعـز الخـوي والجـار وتقـدره من روس قومٍ لهم فالمجد ذروة سنـام = لهـم تواريـخ بالامجـاد ومسطـره مطير حمر النواظر محتميـن الجهـام = رجالهم لا قـدم مـا يلتفـت لظهـره يقوله اللي يحب النـادر مـن الكـلام = يحب جزل القصيـد الطيـب ونـدره من غامد اهل الشجاعه والكرم والحسام = اهل الوفا والدخل والطيب من مصدره من غير زودٍ على كل القبايـل كـرام = كـلٍ فعولـه يعددهـا ولـه مفخـره واخر كلامي ومقصودي ومسك الختام = صلاة ربي علـى اللـي للهدى قـدره محمد المصطفى المبعوث خير الانـام = الصادق اللي لنا ديـن الهـدى يسـره |
نشدني صديق قـال حبـك و رى مـا بـان = ورى في الغزل مـا لـك بيـوت مسويهـا ولا لك غـزل يالقـرم بسـم الله الرحمـن = ورى كـن مـا تذكـر هنـوف مهاويـهـا و أنا أقول قلب ما يحـب الهـوى غلطـان = و أبشـرك و الله مـن هنـوف مصافيهـا و بأعلمـك و أنـت تعـوذ مـن الشيطـان = دام النشـامـى تستمـعـنـي بأذانـيـهـا أنا حـب لـي حـب تولـع بهـا العربـان = عيـال النشامـى اللـي طـوال يمانيـهـا أحب الرجولـة و الرجولـة لهـا سيسـان = ترى ساسها لا طـاب يرسـي و يرسيهـا و أحب الكرم و أهل الكرم و الكريـم معـان = كريـم و نفسـة للمواجـيـب مصخيـهـا و أحب أشتـري عـود أزرق مـن الدكـان = و أطيـب رجـال سيـرت لـي و أقهويهـا و أحب الدلال الصفر من صنعـة الرسـلان = ليـا دارت المجلـس و مـا جوبهـا فيهـا و أحب الحرار اللي لهـا فالعشـى برهـان = تقضض علـى جـول الحبـاري و تدميهـا و أحب الحصان اللي سبق و الحصان حصان = و أحـب الذلـول اللـي تقـدم براعيـهـا حسينت حلايا ما لهـا فـي الحـلا لأثمـان = خطات الأصيل إليـا فرحـت وجـه قانيهـا و أحب الجيوش إليا رزمت داخـل الميـدان = إليـا قادهـا القايـد و هــرول يباريـهـا و أحب الصحاري خص لا شبعت الحيـران = لا بكـر الوسمـي و زانــت مراعيـهـا و أحب الحلال إليا أنتشـر داخـل الصمـان = قطاعـيـن ذود و الـمـواتـر بتالـيـهـا و أحب البيوت اللـي تظلـل بهـا البـدوان = عيـال الجـزيـرة ساكنـيـن براضيـهـا و أحـب الخيـال المـد لهـم لنهمـر ودان = و أحب الفيـاض اللـي تناسـف علاويهـا و أحب أمزع رجلي و أشرف على الجيـران =و أمد النظر فاللي عسـى المـزن يسقيهـا و أحب الجيوب اللي تمرهـد مـع الخليـان = تعانـق طيـور الجـو تمشـي مماشيـهـا و أحب الرفيق اللـي وقـت الشدايـد بـان = رفيـق الرفيـق و رفقتـه مــا يخليـهـا و أحب الخوي اللـي تجـي كلمتـه ميـزان = وزن كلمتـه لأجـل الرجاجـيـل تغليـهـا و أحب القصيد اللي يحكـم علـى القيفـا ن =و أحب الصفوف اليا أستـوت قـدم واليهـا و أحب السوالف وآتسمـع مـن الشيبـان = أليـا وردوهـا بيضـت وجــه راويـهـا و أحب المثايـل لا ضربهـا مثـل راكـان =و أحـب العلـوم الطيبـه و أفتخـر فيهـا و أحب القصير اللي يبيـن لـك الصفطـان = مثـل جيـره كـل المخالـيـق تطريـهـا و هي قصـرت محمـد لا عـدت الجيـران = لـه قصـره مـا جالهـا اللـي يحاليـهـا حيـاه المهـادي للمفـرج جمـل زومــان = زحول الرجال اللـي بقـى ذكـر ماضيهـا و أحب الهنوف اللي لها في الحشى مسكـان = فتـات علـى السنـه عــزاز موطيـهـا ستيره و لا تحرص علـى فتحـت البيبـان = و لا تلتفـت للـي يبـي يلتـفـت فيـهـا |
تجنب صديق السوء واصرم حباله *** وإن لم تجد عنه محيصاً فداره وأحبب حبيب الصدق واحذر مراءه *** تنل منه صفو الود ما لم تماره |
لا تصحب الكسلان في حاجاتـه *** كم صالحٍ بفساد آخـر يفـسـد عدوي البليد إلى الجليد سـريعةٌ *** والجمر يوضع في الرماد فيخمد |
وصاحب إذا صاحبت حراً مبرّزا *** يزين ويزرى بالفتى قـرنـاؤه |
إذا ما أتت من صاحب لك زلة *** فكن أنت محتالاً لزلته عذرا |
وليس أخي من ودني بلسانه *** ولكن أخي من ودني وهو غائب ومن ماله مالي إذا كنت معدماً *** ومالي لــه إن أعوزته النوائب |
وإذا صاحبت فاصحب ماجدا ذا حياء وعفاف وكرم قوله للشيء: لا، إن قلت لا *** وإذا قلت: نعم قال: نعم |
( ومن لم يغمض عينه عن صديقه *** وعن بعض ما فيه يمت وهو عاتب |
| الساعة الآن 01:32 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "