|
ياصاحبـي لاتشتكـي لـي مــن طـعـون=ســـــــود الـلــيــالــي والـــــــدروب وعــقــدهـــا خـــــل صــبـــورٍ والــمــثــل بــــــه يــقــولــون=مــــن عــــز نـفـســه يـالـسـنـافـي وجــدهـــا لاتبيـن أنـك مـن شقـى الوقـت مغـبـون=ولـيـاأدمــعــت عــيــنــك تــمــنــى رمـــدهــــا لاتـبـدي الـلـي بخـاطـرك كــان مكـنـون=ألا عـــلــــى الـــلــــي فــزعــتـــه تـعـتــمــدهــا دنيـاك كــم فيـهـا مــن الـنـاس مـحـزون=كــم واحــدٍ عـيـنـه شـكــت مـــن سـهـدهـا دنـيــا تـضـحــك عــيــن وتـبـكــي عــيــون=دنــيـــا وتـلــقــى الــمـــر يـســبــق شـهــدهــا بعض الليالي لوتجي لك على الهون=ســـــــــود الــلــيــالـــي مـــاتـــوفـــي وعــــدهـــــا ولافــيــه دارٍ تــرجـــي الـغــيــث ومـــــزون=ألا بــــحــــكــــم الله يــــــزلــــــزل رعــــــدهـــــــا ولاتـرجـي ألا مــن لــه الـنــاس يـرجــون=الـــلــــي رفــــــــع ســــبــــعٍ بــلـــيـــا عــمـــدهـــا اللـي خلـق كـل شـي فـي كــافٍ ونــون=نـــاسٍ رضـــى عـنـهــا تــــذوق لـسـعـدهـا وعليك باللـي فكـل لحظـة لـك يصـون=أبـــــــوك وأمٍ عـــشــــت طـــفــــل بـمــهــدهــا بـــرٍ بـهــم ينـجـيـك فـــي يـــوم يـحـصـون=كـل البشـر تحصـى ويحصـى عددهـا وعليـك برجـالٍ عـلـى الطـيـب يمـشـون=وأبـعــد عــــن الــلــي خــوتــه ماتـحـمـدهـا الـرجــل رجـــل بـكــل كـلـمـة ومـضـمــون=نــفــســه قـــبـــل كــــــل الــبــشــر يـنـتـقــدهــا |
جيت اودع حبي اللي مابقاله=غير دمعة في عيوني مستكنه عاشقك من سبتك منّسم حاله=والليال السود للماضي خذنه عاشقك ياما صبر للحمل شاله=ينتظر وعدٍ وعودك خالفنه لاقسى وقته وقف له وأرتكاله=ماهقى سود الليالي يغيرنه لين شافك ناسي وسالي وداله=أنصدم من شوفتك ثم خاب ظنه أعتقد مافيه واحد ماشكاله=في قصايد من قراها عذبنه من سمع قصايده واللي جراله=حن ودموعه بخده سابقنه والله أنه ماسكن غيرك فباله=يوم ترفات الصبايا يمتننه بس هالمرة ترى بعدك طراله=بعد ذكراك الجميلة ودعنه جيت أودع حبي اللي مابقاله=غير ونة بالحنايا مستكنه |
مخرج: " " " " " " فديتك يالعيون اللي بها خمر الغرام يذوب ...............فديتك يالعيون اللي على قلبي تسلطها فديتك ثم فديتك ثم فديتك بأول المكتوب ................فديتك كلنةٍ هاجت بصدري قلتع أقلطها " " " أقول ليه التغلي تقول دلوعه ...................دلوعة أمي وأبويه كيف تبغاني غصب أتغلى ونفسي حيل مرفوعه ....................أنا غلايه تعدى حشمة أخواني " " " " " إذا ماأنت بعلى قد الكلام اللي تقوله روح .................................تقول القول وتعوّد تبدل فيه ياكافي بداية حبنا ليل وقصيد وتريقه ومزوح .................................ونهاية حبنا ياصاحبي صافي على صافي " " " " " " خرووووووووووووووووووووووج |
|
|
|
|
|
حرام بالله انك شاعر من ظهر شاعر
عزالله انك متعب من يجي بعدك يتششدق بالشعر |
حفيد عـــامــرخوي الذيب
شـــاعر وتعجبني ابيــاته القاف مــاهو عليه اصعيب يجــيــد فـــنه وحــبــكـــاته اخلاق وشعر وبدع بالطيب بالطيب مرفــــوع رايـــاتــه اخوك الليث |
مدخل: " " " " " لولا الصبر ماأتحمل القلب طيشك ..................ولولا الغلا يمديك عندي ولا شي لاشك عيبي أني أعيشك .................ظلام في نوري وفي ظلمتي ضي " " " " " " " دخووووووووووووووووووووول |
اختي فجر: الله لايهينك أطراء جميل كجمال حضورك وشهادة شرفتني كثيرا لاخلا ولاعدم يالغالية لك كل التقدير |
أخوي الليث: الله يسلمك يالغالي أكبر شرف لي شهادتك واعتبرها وسام على صدر خصوصا من شاعر مثلك وأبياتك ستبقى بذاكرتي لاعدمتك ياابن العم كن بالقرب دوماً |
|
وفقة مع الذات " " " من واقع التجربة وأحساسي بدوري .........................أجمّل القاف لعله يجملني لاماكتبته أبرضي نزوة غروري .....................ولاني بناقص وشعري اللي يكملني |
ماكل رجالٍ له الطيب ملبوس=والطيب مايلبس على غير لباس
ولاكل ماقالوا له الناس منحوس=ماهو بشرط انه يجي دوم منحاس والجاهل اللي يقلب أذنابها روس=والعاقل اللي طرز العقد بالماس والناس والدنيا مصايب وكابوس=أجناس غير أجناس وأجناس لأجناس |
مخرج: " " " " " " " لوكنت تدري عن اللي صار بغيابك ...............................يمديك ماجيت تسأل وشهي أخباري أخباري الهم والتفكير بأسبابك ............................ وغيابك اللي يولع بالحشا ناري " " " " " " "خروووووووووووووووووووووووج |
مدخل: " " " " " " ياهلا باللي وحشني ...............ياهلا باللي أبيه ياهلا باللي حياتي ............كلها براحة يديه يابشر لاتعذلوني ...........أعشقه وأموت فيه وأدري أني وسط قلبه ........... بس مابين عليه " " " " " " " " دخووووووووووووووووووووووول |
البارحه مابين صدة زعلها=ومابين كلمة أف والخاطر العمس راحت وخلتني أردد جملها=حرام ماهو صح وأنا أنحمس حمس يوم أتذكر نظرة مع خجلها=صدت ودمعتها ألمست خدها لمس كن الخطأ مني وأنا محتملها=تطمس مشاريه العتب بيننا طمس أحساسها مفرط ولاهو جهلها=ماتحتمل كلمة أذا ماهي بهمس دلعتها من فوق تدليع أهلها=وأعطيتها بالحب حواسي الخمس ماأدري الغلا وألا دلعها قتلها=يوم أنها صارت لكوني كما الشمس قولوا لها ترجع علي بعجلها=قبل أنهبل وأصفق على الخمس بالخمس |
ضمني بالحضن عن برد الشتاء=و دفني لاصارت الدنيا جليد ضمني بيدين مليانه دفا=أعطني حبك وغيره ماأريد لامتى بصبر حبيبي لامتى=وانت جارحني بطبعك ياعنيد؟ مااهتنى نومي ولا جفني غفا=اشتعل بركان واشواقي تزيد ياخسارة كان وقتي ماصفى=كان فرقنا الزمن وش نستفيد؟ |
يامشتكي جور الزمن دون مطراش =ذكرتني هم السفر والمطاريش أنا أشهد أنك ماتشكوى على ماش=شكواك حطت وسط قلبي مناقيش أدري بمنهو سارق القلب وأنحاش=الله يعينك ما بها زود تفتيش الحب سلطانٍ على القلب لا هاش=الحب سلطان القلوب الهشاهيش وأنته شكيت لواحدٍ فكره أنداش=من ود حيٍ يملك الحسن والطيش خده كما البراق وأبيض من الشاش=وصوته يسبب للعقل خط تشويش العين حورا فوقها عكش الأرماش=لاسلهمت ينوشك الموت تنويش الجيب دالع وأبيض الصدر لعّاش =والنهد بأول زمته ما بعد نيش أنعم من الديباج والجسم هشهاش =أهدف حشا ما كنه يذوق للعيش عليه لمحات المها فز منحاش=متذيّرٍ من صوت بندق دراويش توه صغير ولا بعد جرب وعاش=وقتٍ يجره بالهوى والتباليش همه يتابع حلقه لطاش ما طاش=ولا قلت أحبك يأخذ الهرج تطنيش ما يدري أنه دون كل الملا خاش=بأقصى معاليقٍ لشوفه معاطيش لوينشري بفلوس دفعتها كاش =لو أغترب لديار حمر الطرابيش |
مخرج: " " " " " " ويش أسوي في زماني؟؟ حظ طاح .. ولا استراح اللي يعاني.. يازماني يازماني لاتبعثر هالأماني.. مضوي بدنياي شمعه لاتطفيها عشاني.. خلها توضي دروبي لاتخلي الحزن ثوبي والله يكفي يازماني أشتكيك ولادروبي كل هالعالم مشاغل بس أنا لي هم شاغل أحرق من أجله سنيني وتنتثر دمعات عيني وأحترق حسرة ولكــــــــــــــــن من درابي يازماني يازماني مابقالي غير من يعلم بحالي أطلبه وأرجيه ربي وأحدٍ بالكون عالي " " " " " " " " خرووووووووووووووووج |
مدخل: " " " " " " " " يفداك قلب معذبه كثر الأشواق .........................وتفداك عينٍ ماأهتنت بالمباتي ياللي ذبحني الشوق من كثر ماأشتاق ..........................ياللي مكانك مايسد بحياتي " " " " " " " دخوووووووووووووووووول |
وقفة : " " " نفسك أذا طعتها ودتك للشينه .....................وليا عصيت الهوى نفسك تودبها العقل وهبة ورجح العقل يازينه ....................يميّز الرجل والحكمة يجود ابها |
واقع: " " " " جامل ونافق وكذب طبطب وليّس ......................تمشي كويس وتضحك لك على عالم هذي نصيحة صديقٍ طبعه خسيّس .....................ياليتني من صداقة بعضهم سالم |
مخرج: " " " " " " " الحب ماهو موت ياقايلٍ مووووت ....................................الموت والله لافقدت الحبايب " " " " " خرووووووووووووج |
مررت هنا و جدت درر
|
مريت وشفت وقلت عاش الفتى عاش
عساك في دنيا الســـــــعاده لنا تعيش اخــــوكــ اللـــيـــث ـــ |
مدخل: " " " " " " " " أغيب وأرجع لك ولوغبت ماغبت ......................دايم معي من وين ماأمشي خويي تدريبي أني منجرح منك ماطبت ..................... ولاقلت لك عالج جروحي تعيي " " " " " دخووووووووووووول |
شموخ عزيزي: مرورك هنا شرف لي لاعدمتك تقديري لك |
اخوي اليث: عطرت صفحاتي بحضور المميز كن بالرب دوما |
دخيلك بس يكفيني جروحٍ مابرت للحين=سكاكينك على قلبي مابين اليوم والليله وربي مابقى فيني سوى ونة ودمعة عين=أبي حيلة عشان أرضيك ولكن مامعي حيله أضحي بكل مأملك وأعود فارغ الكفين=بعد وقتي معذبني تجي وتزيد تنكيله يصيح بداخلي طفلٍ شكى ظلم الزمان سنين=تعود كسرة الخاطر ووقته ذوقه ويله تبسم حظه وشافك وحط بدنيته ثنتين=الأولى حبك يحفظه ولايرضى بتبديله والأخرى يمشي بدربك مادام تشيله الرجلين=وعاهد واقسم بربه غلاك بقلبه يشيله دخيلك مابقى غيرك أمل لاتحد لي السكين=مادامك واقفٍ ضدي دخيلك منهو أشكيله |
كنت هنا أبحرت بحر وسرحت دهر في طيات هذه المدونة الرائعة
هنا وقفت كثيراً ،، وتنهدت طويلاً ،، وتأملت مليلاً تقبل مروري أخوك : سمو الذات |
اخوي سمو الذات: لقد أستضاء متصفحي بسطورك ولي الشرف بمرورك لك مني أوفر الشكر والتقدير |
مخرج: " " " " " " " " " هاذي حروفي على صدر الورق جاتك ...........................................تنبيك عن ماخفى في داخل أعماقي شوقٍ لبسمتك ولضحكتك وسكاتك ...................................... ولعيونك اللي تبعثر خافي أشواقي " " " " " " " " خرووووووووووووووووووووج |
ما شاءالله تباركـ الله
هنا وجدت الشعر و سيكون تواجدي في مدونة حفيد عامر الشعريه كتبت فأبدعت فأمتعت تحياتي لشخصكـ الكريم |
حفيد عامر
الله يعطيك العافيه شعاري أنا لا للمجامله تجولت في مدونتك الراقيه و لم أجد شعر و كان عنوانها مدونتي الشعريه تجولت من قصيده في قصيده و لم أجد الشعر بل وجدت لمعة حروف تلا مسنا أين ما أتجهنا لله درك على الروعه التي وجدناها حبي و تقديري |
الله على الابداع يابو مرزوق مهما كتبت فيك شاهدتي فيك مجروحه ودايم نترقب جديدك وتقبل مروري
|
حفيد عامر
صح لسانك تعجبني كلماتك وشاعريتك فأنا من اشد المعجبين بك وبقصائدك واتمنى لك التوفيق والنجاح دوماً مدونه رائعه متابع لك يا حفيد عامر الح ـب حاكم ـني |
من العايدين
الليث عبر للمعايده وكل عام وانت بخير |
تسلم انااملك على المدونه العطره بما تكتب وابدي إعجابي بالمدونه وتستاهل التقدير يامميز تحياتي لك نايف الطلاحبي |
كنت هنا ،،،،
|
تسجيل دخووووووووووووووووول: " " " " " " " تقول أبي من داخل القلب بيتين .............................وأقول قلبي لك عليه الضمانه أن كان مايغليك مثل الشرايين ........................... نذرٍ عليّه لا أقطعه من مكانه " " " " " " " دخووووووووووووووووووووووووووول |
باقات من الورود لكل من مر بمدونتي ألف شكر من القلب لكم ودي |
ياللي نويت فراقنا خاطري طاب=بانت عيوبك قلت تبغى فراقي لاتحسب أني ميتٍ فيك منصاب=قلبي على شوفتك ماهو شفاقي من يوم مابدلت خلان بأحباب=ماعاد لك شيٍ يزيد أشتياقي ظنيت فيك ولكن الظن بك خاب=ولاعاد ترجي من ورايه تلاقي لالاتقول أبغاك في كلمة عتاب=لالاتقول أنك على العهد باقي نفسي عزيزة مادنت عند الأجناب=وعلى الخديعة مامشت يوم ساقي لي قيمتي مابين صدقان وأقراب=واللي سواتك بشره بالفراقي |
ياظريف الطول ياعنق الظبي=ياعيون الحر ياسيد الجمال آمري باللي تبينه واطلبي=ماعليك ألا التأمر والدلال أرسميني وأنضميني وأكتبي=بيت شعرٍ ماهوى غير الخيال بيت شعرٍ مانضمه الأكلبي=من شفاتك همسته تشعل جدال أنتي الموال عودي وأذهبي=وأن بغيتيني أنا روح وتعال وأن بغيتي تعرفين لمطلبي=مطلبي حبك ولو كان أحتمال وأن بغيتي من كلامي تعجبي=أنطقيني بين معقول ومحال من خبر قناص يسبيه الظبي؟=روّح القناص من صيد الغزال! |
يأجمل ذنوب عمري يابعد حالي=يأحلا خطية بدون أقصد أسويها يأعذب لحن لارقص قلبي لموالي=يأغلى قصيدة تعاندني قوافيها يالمهرة اللي تشوق كل خيالي=ماطاوعت للعنان وسرج راعيها فعيونها للغلا مسكن ومدهالي=وفي خدها للهوى وردٍ مخاويها في طبعها للشقى حلٍ وترحالي=ومن الوفاء نابعة كلمة مباديها هاذيك دايم وهي تطري على بالي=قصايدي تنكتب من شانها فيها لو تبتعد عن عيوني قدرها غالي=ولو قابلتني غلاها مااوريها أخاف منها تمل بكثرة أقبالي=ماأشوفها لين تبدي لي ترجيها عشان تدري أنا وشلونها حالي =والثقل صنعة وأنا لازم أسويها |
غبتي وغاب بغيبتك طعم الأيام=رحتي وراحت فرحتي من حياتي غبتي وأنا أدري غيبتك جبر وأرغام=حكم القدر يأخذ أعز أمنياتي غبتي وحسّت وحشتك حتى الأقلام=والشعر حس بوحشتك ياغلاتي مالي بعد فرقاك ياكود الأحلام=ودمعة حزن هلت على ذكرياتي هي حالتي مابين همٍ على هيام=وأسمك يمر ألفين مرة بشفاتي حسبي على حظٍ تعثر ولاقام=حسبي على من أحرموني غناتي يكفي أحبك موت مع طول الأيام=حبٍ شريف ألين تقضي حياتي |
قالوا تحبه قلت لالا ماأحبه=أموت بترابٍ تدوسه خطاويه قالوا تبيه وقلت محتاج قربه=قالوا توده قلت أنا ميتٍ فيه قالوا مكانك قلت أنا وسط قلبه=قالوا مكانه قلت رمشي يغطيه قالوا تأكد قبل تمشي بدربه=قلت الأكيد أني أحبه ومغليه صعبة أصدق هرجكم فيه صعبه=قالوا مريض وقلت طبي بآياديه قالوا لي كبه قلت وشلون اكبه=هو الوحيد اللي على الناس مبديه ياعاذلين القلب عن زود حبه=ماني بسامعكم ولا الهرج موحيه |
الخاطر اللي تعمس من سواليفك=قرر على البعد وجروحه يداويها ماعاد يرجي حلومٍ عاشقه طيفك=ماعاد يرجي من القصة تواليها ياما تركتك تلاعب بي على كيفك=وكم كذبةٍ من غلاك أسكت وأمشيها تعبت مليت من كثرة تصاريفك=مليت حبٍ حروفه كنت مغليها ضاع الأمل بالشتاء وأوعدتني بصيفك=ودليتني دروب تاهت بي خطاويها وعند النهاية وقفت فوجهي بسيفك=واليوم راجع لغلطاتك تسويها أعلم ترى اليوم ماأشتقت لسواليفك= وجروحي اللي مضت قررت اداويها |
لاطاح حظك ودك تجيب غيره=والحظ طاح وباقي الحيل منهد سلمت لك قلبي على غير سيره=وعشقت أنا عيونك على غير مقصد كانت علومك في غرامي كبيره=وكانت علومي كلها محمل الجد كانت أماني رحلتي بك غزيره=وكانت عيونك ترسم أحلام للغد يشهد على حبي خفوقي وطيره=وكتبت قافٍ بالغلا جاك يشهد مجنون حبك مادرى وش مصيره=تلعبه أشواق المحبه بلاحد ساكن بديرة وأنت ساكن بديره=وأشغلت بالي بين لقياك والصد جاتك رسايل من جنابي كثيره=والمشكله حتى الرسايل بلا رد |
تسجيل خروووووووووج: " " " " ماهي قمر ماهي ملاك... جمالها سمّه هلاك.... أقول أنا لعيونها.... روحي أنا وقلبي فداك.... ماتنوصف في زينها... ودفى حنان ايدينها... وشلون بأوصفها وأنا... أضيع بس فعينها... ورد الشفايف لاحكت... لساني وخفاقي سكت.. الكلمة بشفاها تذوب... وأذوب أنا كل مااضحكت... هي غايتي هي منيتي... وأحلا غرام بدنيتي... هي ملهمة شعر الهوى.... وأغلا بشر حبيبتي... " " " " " " " خروووووووووووووووووج |
الباذخه يالـــذيب جتــــني مغيره
يسلم خوي الذيب من قال له جد |
اخوي : حفيد عامر خوي الديب
مدونه رائعه والابداع هنا تقبل مروري والى الامام |
تسجيل دخوووووول: " " " " " " ياللي غلاتك صنتها وسط الأعماق ................................ أنا أشهد أني في محبتك هالك أغليك لكن وقتي مسبب فراق ...............................وفرقاك علة والدواء في وصالك " " " " " " دخوووووووووووووووووووول |
الليث: مرورك يشرفني لاعدمتك تقبل تقديري |
أخوي معلا: حضورك في مدزنتي شرف لي لاعدمتك |
تسجيل خرووووووووج:
" " " " " ماهي بسيطة أترك الحب وأروح ...............................ولاهي بسيطة عيشتي دون شوفك أنت الهوى أنت الغلا وأنته الروح ............................. وأنا الجنون اللي تغلغل بجوفك " " " " " " خرووووووووووووووووووج |
وأنا الجنون اللي تغلغل بجوفك
صح السانك يا حفيد عامر خوي الذيب |
تسجيل دخول: " " " " " ليه دايم كلمتي أشره عليه ...................ليه دايم كلمته لاتفك باب ليه لا أخطى قلت يانفس أعذريه .................ليه غلطاتي تجي كبر الهضاب " " " " " " " " دخووووووووووووووووووووووول |
أخي عمر رهايفه: نورت متصفحي بأحرفك كن بالقرب دوماً تقديري |
يابنت لاتبكين والدمع همال=خوفا من الفرقا وسود الليالي الوقت مايصفي على كل الأحوال=وياما يفرق بين غالي وغالي كم من حبايب حبهم بالزمن زال=وداست ظروف الوقت حب الغوالي وأصبح غلاهم بس ذكرى على أطلال=وجروح ماتمحى لو الوقت طالي لكن خذيها عهد من راس رجال=أنك بوقتي عشقتي راس مالي تبقين لو دار الزمن كل الآمال=وتبقين من عمري عدد مابقالي أفديك بعيوني وبالحال والمال=حبي لك أكبر من حدود الخيالي ولو أبعدتني دنيتي والزمن مال=أنتي بقلبي شايلك ياحلالي |
تسجيل خرووووووووووج: " " " " " " ياقلب لاتحزن ترى....... تموت ماترضي الورى........يكفي بكيت لحزنهم........ بالله منهو بك درى؟؟ " " " " " " خرووووووووووووج |
ابداع لحد الثماله اخوي حفيد عامر
متابع لمدونتك باستمرار لـــ استمتع بطرحك الرائع صح لسانك بحم السماء قصده جزله من راس جزل |
| الساعة الآن 09:04 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "