المشاركة الأصلية كتبت بواسطة محمد الذيب (المشاركة 118702) مالك عندي الإ ثلاث كلمات أنت مثقف رائع

وين أنت ياللي قطّع القلب فرقاك=ياللي ذبل ورد الحياه بغيابك
وين أنت ياللي كل مافيّ يبغاك=حتى الثرى مشتاق رشت سحابك
دايم على بالي خيالك و ذكراك=لا مانسيتك يوم قفت ركابك
ماأنساك لو تبعد عن العين ماأنساك=بعدك حبيبي في عيوني إقترابك
ياأغلى من العالم هذولا وذولاك=ياللي بقلبي مدهلك وإنتسابك
أشربك بعروق الغلا لين تضماك=وأضماك بعروق الغلا من شرابك
يعني كذا أسّكر إليا حل طرياك=وأطرد ورى طيفك وأدوّر سرابك
يا أكبر ألغاز الزمن كيف أبقراك=عجزت لا أفهم في طلاسم كتابك
لبى عيونك( لا) لبى محيّاك=حتى ثيابك إيه لبى ثيابك
لبيك من راسك اليا حد ماطاك=لبيك من بابي اليا حد بابك
ياصاحبي صاحبك للوصل ناداك=إرجع عليه ولاتزوّد صوابك
هذي يميني حطها وسط يمناك=وإطلق قيود أرواحنا للتشابك