المشاركة الأصلية كتبت بواسطة برق الظلام (المشاركة 137501) دائما متميز أخوي ماجد مررت بين أروقة المنتدى وأحببت السلام عليكم اتمنى ان تكون بخير

الحمد لله قلبي محسن النيه=دايم وانا اعطي و لافكرت في ذاتي
أعامل الناس بإخلاص ومثاليه=ياكثر ما اكتم عن المخلوق مشكاتي
ومن شافني قال ياسعده ويا هنيه=ماهو بداري عن همومي وآهاتي
اشوم نفسي عن الهفوات والسيه=وأرفع عيوبي و أحاول أجمع شتاتي
و أحاسب النفس بالروحه وبالجيه=أخشى هوى النفس يلحقها ملاماتي
وإن شفت ناس بنقل الهرج مبليه=حمدت ربي على نعمة معافاتي
وليا طلبني رفيقي وانتخا فيه=جيته من أقصاي أطوي له مسافاتي
وإن ضاق صدري وزادت في الحشا كيه=سألت ربي يخفف من معاناتي
والنفس بالكون مأموره ومنهيه=ولابد ما قدر الرحمن ما ياتي
ويالله يا عالم باللي قسم ليه =تغفر ذنوبي وتجبر كل عثراتي

لو ضاقت الدنيا على راعي الطيب=يبقى شذى طيبه على الناس طايب

طاحت دموع الغرام وقلت وش حدك=يادمعتى لاتنزلين ومنزلك غالى
قالت مكانى خلقة الله على خدك=والاعيونك مكان لصاحب غالى