يا حميد دن معجمات المسامير=مصمم الشاصين شغل النصارى
الله يجيرك من صدوف العثابير=وعساك من سوء المنايا مجارى
أبتل عليه وبتله للمناعير=وسلم وخص كبارهم والصغارى
ملفاك بيت هلال عيد الخطاطير=ورشيد لالبسن عليه الغثارى
ود الجواب وقرر الهرج تقرير=وتفقده عن كل عيب وعوارى
وحنا بعد مقياضنا اللي ورى النير=كان بتل دربه على ما توارى
مضيتلي معهم مقيض ومصافير=وربيع قدمه لين يبس الخضارى
خوه على قيمة محبه وتقدير=والله على ما قيل شاهد خيارى
وفاضوا مع الشعبه بملح ومغاتير=وحنا حدانا الدرب عنهم يسارى
وقفيت والعبرات مني شخاتير=والقلب لو أدراه ما ينتدارى
قلبٍ موسر مع هل الطيب توسير=وأن فارق الطيب يصيبه غيارى
عسى لهاك الربع نور ومسافير=بجاه ربٍ حط ليل ونهارى
العاقلين الكاملين المناكير=عيال حرٍ ذاخر له حرارى
ربعاً على أولهم سيوفٍ بواتير=لطامة العدوان ستر العذارى
وأن حل فالقالات ورد ومصادير=يوخذلهم عند الصعوبات شارى
راياً يفك مشربكات الشناكير=وعلمٍ يوقع له بصدق وقرارى
والمعذره لن كان فالقول تقصير=واستر عن النقصان والاقتصارى

هكذا تكون الرفقه والعشره بين النشامى والطيبين ..

الله يرحمهم ويغفر لهم وجعل مسكانهم جنة الخلد ..



وسلمت يمناك ياسمو الذات على تلك القصائد في الرجال الغانمين والتي نتشرف بسماعها منك

الله يرحم شاعرها
وسبعة انعام في من قيلت فيهم القصيده
سلمت ياسمو الذات على النقل

المشاركة الأصلية كتبت بواسطة ابن شداد الطلاحبي (المشاركة 99745) صح السان الشاعر عويتق الصواني رحمه الله انه اشهد علم من اعلام بني عزيز رحل وبقي شعره ياستاهل ابوتركي وابوعبدالله الله يطول اعمارهم على الطيب وعلم الزين ولولا فعلهم اطيب ماذكرهم واشكرك سمو الذات

المشاركة الأصلية كتبت بواسطة عــاشــق هــبــاء (المشاركة 99748) هكذا تكون الرفقه والعشره بين النشامى والطيبين .. الله يرحمهم ويغفر لهم وجعل مسكانهم جنة الخلد .. وسلمت يمناك ياسمو الذات على تلك القصائد في الرجال الغانمين والتي نتشرف بسماعها منك

المشاركة الأصلية كتبت بواسطة الليث (المشاركة 99755) مضيتـلـي معـهـم مقـيـض ومصـافـيـر وربـيـع قـدمـه لـيـن يـبــس الـخـضـارى خــــوه عــلـــى قـيــمــة مـحــبــه وتـقــديــر والله علـى مـا قـيـل شـاهـد خـيـارى وفاضـوا مـع الشعـبـه بمـلـح ومغاتـيـر وحنا حدانا الدرب عنهم يسـارى وقـفـيــت والـعـبــرات مــنــي شـخـاتـيــر والــقــلــب لــــــو أدراه مــــــا يــنــتــدارى الله يرحم شاعرها اثرت في هالبيات هذي اكيد رد عليها ابوتركي حبذا لووفيتنا برده اخوك الليث