ياراعي الناقه سلام وتحيات=من شاعرن زين المعاني عسفها
لاعاش من ينكر زبون المهمات=اللي على روس الشواهد خطفها
يافارقن بالشعر جالك علامات=أبيات شعرك ماركة ونعرفها
يامعودن نفسك لكسب الجميلات=كل البشر تشهد لمنهو شغفها
والبيرق اللي راح مابه طماعات=نفسك بدونه تعتلي في شرفها
حزت الرضا غصبن ولاهي جمالات=والناس تحذف بالردى من حذفها
كل شي بين للبشر وأنت بالذات=كشفت آلاعيبن ماأحد يكتشفها
رايتك بيضاء يوم غيرك برايات=سودن تسود وجه من يلتقفها
جاتك بيوتي عبرت عن خفيات=من شاعرن جزل القصايد نصفها
مطيري ومن قومن تروم الطويلات=قومن تعز اللي لجى في كنفها
وجدي خوي الذيب في ماضين فات=ذبح ذلوله للخوي وأنتصفها
وياراعي الناقه عدتك الملامات=من شاعرن زين المعاني عسفها