قالوا علامك معظم الوقت ساهي=وش فيك غارق في كثير التفاكير
حنا نعرف انك شديد انتباهي= فيك اختلاف وهات لنا التعابير
قلت ايه ما تدرون وين اتجاهي=انا صعود وظنكم في محادير
ماني من اللي يرغبون الملاهي = انا اعشق الاذواد ورد ومصادير
وانا اعرف الجابه ولاني بفاهي =واثبت ليا صارت سموم ومعاصير
عرفي مكفيني ولي عقل راهي =واعز نفسي عن كثير المعاذير
طبعي كذا ما احب كل الدواهي= اللي على الاعشاش مثل العصافير
لا تسالوني ليه بالله ماهي= تلك الحقيقه يالرجال المناعير
ترى خويي مثل ذيب الاباهي=ياعنك ماخاوي ياكود المشاهير
ومن لا يعز النفس لا شك تاهي=ماهو محصل كود ذل ومخاسير

المشاركة الأصلية كتبت بواسطة سفير المهد (المشاركة 5131) ابو سلطان يعطيك العافيه قصيده جززله عرفي مكفيني ولي عقـل راهـي=واعز نفسي عن كثيـر المعاذيـر طبعي كذا ما احب كل الدواهـي=اللي على الاعشاش مثل العصافير

المشاركة الأصلية كتبت بواسطة واصل عزيز (المشاركة 5204) صح لسانك يا ابو سلطان وتسلم على ??? ومبدع والشاهد الله وزودني بجديدك وابداعك تحياتي لك وإلى ابداعك واصل عزيزي

المشاركة الأصلية كتبت بواسطة الفارس (المشاركة 5206) ما شاء الله عليك يا ابن جميل شاعر ومبدع يعطيك العافية سلمت ولا هنت كــُـن بخـيـــر أخــي

المشاركة الأصلية كتبت بواسطة حامد رضا (المشاركة 5227) اللة اللة ماشاللة على هذي الرائعه يا بو سلطان وينك عنى من وقت واللة العظيم انها قصيده جزله ومن شاعر جزل وعسى اللة يعافيك ويكثر لنا من امثالك وتقبل تحيات ابو عبداللة وسلم على سلطان