كلماعديت في الحـيد المنايـف =يستريح القلب من همـه شويـه
ونوب احول منه وانا منه عايف=مايسوي لـي كثيـر ولا بليـه
ابدع القيفـان وجـر الحسـايف=واستعيد الي مضى صبح وعشيه
ماتوجد فوق منبـوز الردايـف=ياحسوفي يالرجال اهل الحميـه
كل مذكرهم يلوف القلب لايـف=كن وسط القلب نارن مجثويـه
البقـى لله ولا العمـر طايـف=ماعلى الدنيـا ضمـان ولاعليـه

اخوكم الشاعر نايف علي المغيبي

صح لسانك اخوي ابو علي
جزل وكلمات قمة في الروعة والجزالة

ومن لا يتوجد عليها إلا من انشغل قلبه بما هو أعظم وأكبر
جزل ومبدع

شوقتنا لقصائد وكلمات فطاحلة الشعر القدامى رحمهم الله فقد ذكرتنا بأحاسيسهم وبصمتهم الشعريه التي كنا نراها دائما بقصائدهم فقد كان لها طابع وفكر خاص وجدت شي منه بهذه القصيدة الجزلة

صح لسانك اخي نايف

قصيده جزله وذات معان رائعه

سلمت اناملك على هذا الطرح