|
قصيده مطروحه لنقد الرجاء التفاعل من الاعضاء
وينك عن العين غايب يانظر عيني=يالغالي اللي جروحي منك اقدّرها أدخل على الله حبيبي لاتخليني=النفس في غيبتك ماشيّ يصبرّها شف حالتي مكتئب واقراء عناويني=ركز وحلل سطوري ثم فسرها عنوان حبك طغى كل المظاميني=وهاذي حروف الغلا عيونك تناظرها ياسيدة عشقي الاول وحشتيني=الله يسامح ظروفك غصب نعذرها وانا أعرفك زين ماتقدر تجافيني=تذكر ليالً مضت بالود نسهرها يارونق من البهى بين المزايني=تطرق رموش الغنج والله مخدرها يامهرةً مااسرجوها للمياديني=دلوعةً عند ابوها مايكدرها ياشمعةً بالوله تظوي دواويني=وياأجمل عبرات شعري لو أكسرها لو عشت بي جرح ماابغى احداً يداويني=ياأول جروح العشق تبقى وأخرها |
ابن شداد سؤالي الاول / هل القصيده لك وملاحظتي/ على الثقل الي في الشطر الثاني من البيت الاخير وتعليقي/ قصيده جميله جدا ولك اجمل تحتي وتقبل ملاحظتي لانقدي |
ابن شداد
عز الله إنها قصيده جزله و حبت أخالف اخي العزيز النايف بن علي المغيبي على الملاحظه و أقول بأن الثقل في ألف أجمل و لكن الألف هنا لا تنطق شعرياً تكون يجمل مع مد الميم و لكن ملاحظتي أناء هي وانا أعرفك زيـن ماتقـدر تجافينـي ثقل في هذا الشطر و لو قلت و أعرفك أنا زين ما تقدر تخليني كسر الرا |
هلا اخوي نايف يامرحبا شرفتني القصيده لي وجديده
ملاحظتك في محله لاني نزلته خطا مطبعي ولا هو ياوال جروحي ياحبي وانته اخرها واشكر تفاعلك مع الموضوع |
ياهلا ومرحبا فيك ياسمو القاف شرفتني وانا ماطرحت الموضوع هذا الا عشان استفيد منك ومن امثالك في تطوير نصي اشعري
ملاحظتك فاتت علي وانت قنصته مشاءالله عليك والله يعطيك العافيه لكن لي طلب عندك سمعنا جديدك واشكرك على تفاعلك مع الموضوع |
ابشر بسعدك أخوي أبن شداد ما طلبت شي
و قريباً إن شاء الله و سأرسل رساله لك بذلك |
ابن شداد صح الله لسانك على القصيده الرائعه |
الرائع هو مرورك يامرحبا مليون باخوي العزيزي المغترب شرفتني في متصفحي
اشكرك على مروررررررررك |
مرحبا فيكم |
تسلم يابن شداد أدخـل علـى الله حبيبـي لاتخلينـي في غيابـك النفس ماشـيّن يصبرّهـا |
انتقدهذه القصيده بالكامل وهو انني سبق وأن قلت (شدة وابن شداد شد القافي -يازين طرقه لنظم قيفانه)
مــــــــــــــــــــــــــــــــــــــــبــــــــ ـــــــــــــــــــــــــــــــــــــــدع وبيـــــــــــــــــــــــــــــض الله وجهك |
الاخ ابن شداد
اولاً صح السانك ثانياً انا حاولت انقد القصيدة حسب معرفتي ( ولست باشعر منك ولا اعرف منك ) لكن جمال القصيدة اغراني على قراءتها اكثر من مرة وحاولت ان اكتب ملاحظاتي وهي قابلة لصحة والخطاء وتقبل تحياتي وينك عن العين غايب يانظر عيني ......... يالغالي اللي جروحي منك اقدّرها أدخل على الله حبيبي لاتخليني ......... النفس في غيبتك ماشيّ ( ربي ) يصبرّها شف حالتي مكتئب واقراء عناويني ...... ركز وحلل سطوري ثم فسرها عنوان حبك طغى كل المظاميني ...... وهاذي حروف الغلا عيونك تناظرها اعتقد اذا ماني غلطان تقصد طغى بكل المظاميني بس الوزن حدك على حذف الباء ولو قلت /// عنوان حبك لغى كل المظاميني ياسيدة عشقي الاول وحشتيني ....... الله يسامح ظروفك غصب نعذرها (بيت روعة ) وانا أعرفك زين ماتقدر تجافيني ....... تذكر ليالً مضت بالود نسهرها يارونق ( يا اية ) من البهى بين المزايني ...... تطرق رموش الغنج والله مخدرها يامهرةً مااسرجوها للمياديني ....... دلوعةً عند ابوها مايكدرها ياشمعةً بالوله تظوي دواويني ....... وياأجمل عبرات شعري لو أكسرها( تحلى القصائد في عينك لو نكسرها ) (ان كنت لي جرح) ماابغى احداً يداويني ....... ياول جروحي ويغلاها ويأخرها |
صح لساانك يابن شداد
ابيات رائعه يا بو راشد ومعجب بك وبقصائدك تحيتي الح ـب حاكم ـني |
مرحبا فيك اخوي الرهيف ملاحظاتك في محله اشكرك على نقدك البنا واسلوبك ارائع في المدح القصيده وذكر البيوت المميزه واثناء عليه هذا هو النقد ليه بعض الاعضاء اخذين فكره غلط واشكرك اخوي الرهيف |
ياالربع وان كان ابن شداد يوحيني
الليث جازت له الابيات وشــــاعرها فى الذاكره باقيه لــــــو مرت اسنيني ومن زود شوقي ردودي قمت اكررها اخـــوكــ الليث ـــ |
يـــامـــهـــرةً مــااســرجــوهـــا لـلـمــيــاديــنــي دلــــوعــــةً عــــنــــد ابــــوهـــــا مــايــكــدرهـــا يي يي يازين هالبيت زيناه صح لسان يابن شداد |
صح لسانك يا بن شداد
قصيده جزله ... ويكفي انك طرحتها للنقد وتتقبل النقد بكل صدر رحب هذي تدل على ثقتك بنفسك |
مرحبا فيكم الحب حاكمني الليث عالي الهمه فجر نايف الشوق حياك الله مروركم في متصفحي شرف لي ومنورين |
اقتباس:
|
صح لسانك يابن شدااد قصيده جزله ودنا نشوفك على الساحه
|
| الساعة الآن 01:39 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "