بسم الله الرحمن الرحيم
السلام عليكم ورحمة الله وبركاته
بصراحة بعد نجاحكم الباهر وأثبات قوتكم الشعريه يابني عزيز لقصيدة الفريدي بعنوان الرصيف الهادي جعلتوني اراهن عليكم في جميع المنتديات وجميع الشعراء على قوتكم الشعرية ومن باب أعطاء المنتدى نشاط وقوة أتيت بقصيدة للشاعر بدر صالح الوتيش والمجال مفتوح للمجاراة ونبي نشوف أبداعاتكم ومجاراتكم لاأبن عمكم ولاتحرمونا منكم ومن جديدكم

ياصاحبي ياحسين إن كان تقدر= تصيح في قحطان وأصيح في مطير
ماشفت نور العين من سبعة أشهر = وياكثر ماعنيت له من سوابير
وجوابهم واقف على الباب عسكر = والناس في مجلس أبوها مزابير
أحدن يبي شرهات وأحد يتغفر = وأحدن كذا دايم مخاوي الخطاطير
وأسوارها من خمسة امتار وأكثر=تخنق جميع البيت مثل الأساوير
والعسكري دايم على السور يفتر =وفي كل ركن منصبين الشراشير
ومن غير هذامافيه شي (ن) بيذكر=ألا قبل يومين في حزة عصير
يوم أنفتح شباك مبطي مسكر = ثم فاح عطرن عطر الجو تعطير
ماقصدها للناس تفتن وتشر= بانت وهي ماغير بتشرق الطير
طيرن حسين الوان مخضر محمر = طير الدلع ماهو بطير الصقاقير
والعسكري نبه بصوت المكبر= وحنا وقوفن قدم طيرك مفاغير
ومن بعد مانبه وهدد وحذر = قامت حواجزهم علينا مداوير
ولو بقول الهرج تراه يكثر= هاتك محاضر ثم هاتك تقارير
لاكن صحيح الصدق . تراك تعذر = تستاهل الشوفه قيود ومناشير
قلت اقدر على جور القيود اتصبر=وأبرك تحت ضل السيوف المشاطير
ألا لعين الترف لايمكن اقدر = أدمعه وانا خسرت المخاسير
ترف(ن) وقع في يديه قلبي معثر=ومن وين ما أسيره مايقبل السير
وآآآ حضي اللي بكل شي مسكر =وياحضكم يا اهل القلوب المفاتير
اللي يجي حبه مزاج وتخير = وأن أعسرت هاذي يدور لها غير

الله الله يالوتيش قصيدة جميله وجزله وتستحق من يجاريها ...


سلمت يمناك وأستئذنك بتنسيق القصيدة ...

صح لسان شاعرنا بدر
ماهي غريبه عليه هذي الجزاله
وهو ولد الشاعر الكبير صالح سعد الرهيف

الأروع مروك يالمغترب ولاعدمناكـ

المشاركة الأصلية كتبت بواسطة الوتيش (المشاركة 94080) اهدا من اخوك الليث (بتصرف) كم ف القصيده شفت بيتن مكسر يبي لها ياصاحب حسين تجبير لكن حاول مره اخرى وكرر ويبي يزين الحال عقب التعاسير اقترح ان يكون طلب المجاراه من الشاعر نفسه ولايقوم اي عضو بطرح قصيده لشاعر اخر ويطلب مجاراتها كما فعل اخونا في قصيده الرصيف الهادي او مثل هذه القصيده لكن مثل طريقه سمو القاف حينما طلب مجاراه لقصيدته وهذه فكره رايعه يعطيك العافية على أنتقادك لكن أذا فيه بيت مكسور قوله لنا عشان نجبره </i> </b>

ومـن غيـر هذامافيـه شـي (ن) بيـذكـر ألا قــبــل يـومـيــن فــــي حــــزة عـصــيــر
ثقل ولوقال الشاعر من غيرذا مافيه شي ن بيذكر

الليث صح لسانك وانتقاد في محله
لاكن بحكم ان القصيده ليست منقوله من شاعرها يمكن يكون الخطى في النقل
لاكن الشاعر بدر صالح شاعر متمكن والقصيده هذي دليل على جزالة الشاعر
وانت عارف اخوك الوتيش الله يهديه الاملاء عنده رايح ف الرحله