|
ماهي القصيدة التي تعجبك من قصائد شعراء بني عزيز
حبيت ان اطرح موضوع تفاعلي واتمنى مشاركة الجميع بحيث يذكر كل عضو قصيدة اعجبته بشرط ان تكون من قصائد شعراء بني عزيز وتقبلوا تحياتي |
أشكرك أخي ماجد على هذه الفكره الرائعه والتي من خلالها نستمتع بقصائد ربعنا وبمشاركاتهم .. بالنسبه لي أعجبتني قصيدة الشاعر بدر بن حامد الطلاحبي والتي يصف فيها القهوه ويوصي فيها أحد أحفاده وهو سعود على ماأعتقد ... وأبي ابحث وأنقلها هنا ... |
هـنا يكمن الإبداع وتوجد الحكمة ... ياسعود شب الضو واشعل سناته=اطرح حطب سمره وخل سلمتها واحمس بعد تطيح كل اجمراته=حتى تجي شقرا غريبه صفتها لايقرب الشعله وتخلف صفاته=اما احترق ولا الهبوب الفحتها خله على كيفي وكيفك سواته=في دلة تطرب لشرب قهوتها فنجالها ترتاح له من حلاته=ان ساقوا الفنجال من مبهرتها ماها قراح من المطر وجهزاته=قطرة مطر من مزنة نزلتها على الهضاب اللي نظيفه قلاته=ماهو بخبرا وردها غثبرتها من هضبة حمراء رقوها رواته=قدامهم مافيه ورد ارهجتها واليا استوى الفنجال ياسعود هاته=بالدله اللي ليفها برقبتها وسوقه على اللي تعرفه ببركاته=ان جات حاجاته تعرف بركتها على الرجال مفتلين شنباته=اهل الصدور الواسعه من سعتها ان شافوا البردان ضفوا عباته=وليا بدت من قالة سمرتها اهمه جنود الحق واهمه دعاته=اليا تولت قالة عالجتها تلم شمل القوم قبل شتاته=واليا انعقد عسر الحبال انقضتها تنقض عقود الحبل من مبهماته=تنقض معاجزها بعد برهنتها بالحق تنقضها وبمعادلاته=وان كان دعوى فارغه همشتها وان مخط الدرب تطحن رحاته=ضد الطليب اقوالها ركزتها على يدين العارفه من قضاته=اهل الحقوق اللي كبيراً بختها وليا عصى ماهم بتحت ارحماته=ماهم تحت عجز العصي ورحمتها ان كان في فكره ينفذ خطاته=يلقى مجانين العرب وجهلتها لو يستغل العنف ومحاولاته=يلقى رجال فايقه مقدرتها تحكم له الدعوى مثل معجزاته=يبلش ماصرف شي من معجزتها مايدري الايام من وين جاته=ضده صناديد الرجال احكمتها احكام حبل البير على جباته=من خوف دلوه تنقطع بكربتها ياسعود جدك عود واسمع وصاته=ارفع مقام النفس عن مهزلتها ليا نزلت السوق ومجوهراته=اترك معادنها وخذ جوهرتها ترى الذهب موجود ومنوعاته=لاتنخدع في معدنه وذهبتها جالس خيار القوم واترك حتاته=واترك رجال ناقصه معرفتها قوم تعلج الهرج علجة غراته=جهالها تامر على عاقلتها ليا سمعنا الهرج ومنازعاته=قلنا جيوش المشركه دمرتها دايم قليل العرف تكثر وحاته=يحط صادرها على واردتها صوته يرج الروس بمهايتاته=تكسر الجدران بمهايتتها وليا جراله شي اكلك ابشماته=وليا تولت قالة مشكلتها تقرا الكتاب ولاتقيد باياته=حتى قوانين العرب ضيعتها اخذ الكلام اللي ثبات ثباته=حتى المذاهب والقيم ميعتها صديقها ماتعرفه من عداته=قشران واجواد العرب بالشتها كل مطرف للقرابه قناته=والا البعيد تخاف ماوردتها لو تنهر الرجال طش بعصاته=واستسلمت وعصيها سلمتها الشكل هذا مثل موته حياته=لازايده قوما ولاناقصتها من مثلهم لاتنتظر في حراته=ان كان مبرمت الحبال ابرمتها ينشب لسانه وان هرج في جماته=وتمرها الجابات ماثمنتها لو تنصحه قام وحذفك ابحصاته=وقدام فيده جابلك عازبتها اعتز برجالاً ثمينه عزاته=ان كان جارحت الشعور اجرحتها ليا رفع يمناه توجع هواته=وليا تكلم كلمته بثمرتها سيف تعدي عن نصابه شباته=ليا تنازل خبلها ورخمتها واختم كلامي بالسلام وصلاته=على شفيع الخلق يوم ابعثتها |
ياهني طيرن يعتلي فوق الامزان
بخفاف ريشه كل صبح وعشيه ماهوب مثلي تايه الفكر حيران دايم على المرقاب رجلي حفيه ياذيب وين اللي له القلب ولهان سوالفن بيني وبينه خفيه حبه حكمني حكم عنتر وركان يوم اللقا والحرب الجاهليه واحالي اللي كل يومن بنقصان واسبابها هجران جال الثنيه ياونتي يوم خزرتني بالاعيان اهتز ردفه والخطى له جريه اصفر عفر زينه به اشكال والوان يرخص له الغالي ومافي يديه مربوع طوله والعود رويان محلا نباه وهرجته لو شويه الله اكبر حكمة مدير الاكوان خفيف دم ونفس عنده رضيه غرو ماطب السوق مع كل دكان ماشيف بالشارع يباري خويه مزيد الرهيف |
مشكور الرهيف على الموضوع الرائع انا تعجبني قصائد الشاعر صالح بن سعد الرهيف ولاكن للاسف لاتحضرني بحاول ادور لكم قيصده في القريب العاجل |
صراحه اغلب الشعراء تعجبني قصائدهم كلا له طريقته واسلوبه الجميل الف شكر اخي الرهيف |
إضافة القصيدة ..
هلا باخوي واستاذي الرهيف مبروك عليك الشهر الفضيل بني عزيز شعار لاحصر لهم لكن هناك شاعر اعرفه وتعرفونه شاب استطاع اثبات نفسه ورسم لونه وشق طريقه يعجبني فيه صفى ذهن في تركيب الصور الشعريه رسمه امامك عينك واكثر مايرفعه تواضع وتعامله الذي يجبرك على احترامه وصراحة مع نفسه قبل الناس امسي عليه بخير هو ابونايف له قصيده مثبته السله النافعيه انا مااعرف النقلها الي يعرف يجيبه والله يعطيه العافيه الشاعر علي الريض سليت سيف له من العز حدين=من دافع الانصاف والعنصريه وقطعت عرق وسال دم الشرايين=وكتبت به في مدح ربعي هديه وإجتاحني مثل الحمم والبراكين=وسمعت من صوت العزاوى دويه ومرو على بالي قروم وشجيعين=وكني رقيت الغيم والجاذبيه وكني أشوف جدودنا شوف بالعين=كلن معه شلفاه والبندقيه وسجيت بزحول(ن) على الارض حيين=ياحي مجدا باقيا له بقيه وشعت بروق وعود الليل ليلين=وجلست لين الصبح بين عليه وأنا أستعيد أمجاد ربعا ميامين=وحسيت كن الشعر ماهو بليه لوني أقطف من ورود البساتين=وأنحت صخر وأطوع الابجديه شاعر ولي بالشعر صوت وميادين=وعلى طروقي غنت الراعبيه ياشعر يامخلي سروج المخلين=حاول تذكرني وصافح يديه عسا القصيد ان ماوفا للوفيين=تصبح فجوجه في ضلوعي خليه بني عزيز ويكفي العز تكمين=اختار حتى أصغر عزيزي سميه مازهملنا في جلود الثعابين=ومايرضعنا غير طيب وحميه عيال عز وكلبونا عزيزين=كذا خلقنا الله رب البريه ماني بشاكي لوعة الغبن والبين=وربعي هل الطولات والمقدريه ووالله ماخاف من الجفا والمعادين=وباقي عزيزي جوفه الروح حيه من حيث ماكنا تميل الموازين=بالحزم والوقفات والصامليه نجري الهايب ونحما المتلين=ولانخاف غير من الردى والرزيه لنا منازل في حدود السماكين=يامن بها الجالي من المكرهيه واليا بغيت من الحجج والبراهين=أنشد عن فعول العزيزي خويه أقسا من الفولاذ والين من اللين=دمثين الانفس سلة النافعيه مايعيبنا لو كلبونا فقيرين=فقرا بعز ولانمن العطيه أقسمت باللى نزل الفجر والتين=ان الكرم في أبسط عزيزي سجيه مثل الذهب لو يرخص الوقت غالين=أغلى عيار ومنتجاته نقيه نهذل على الفزعات مـثل السراحيـن=وناقف عن حـدود الخنـى والخطيـه وفوق البسيطه لامشينا سلاطين=وصدورنا من وسعها جرهديه متسامحين وصادقين ونزيهين=ولا نبدل النيات دائم بنيه مانجرح شعور الخلايق وصافين=يدري بنا علام غيب الخفيه نغضي عن الزلات مره وثنتين=والثالثه ردت برانا قويه من طبعنا لأمن مشينا معيفين=مانعود لو تعود هضبه طميه هاذى مبادينا من عصور وسنين=متجدده مع كل جيل وقفيه نقنع ولاكنا على الطيب شرهين=لوكان دونه حالت المهمهيه نعدل وترضينا الشيم والقوانين=بس أن فينا عصبة الجاهليه نموت لونا على العد ضامين=اذا مايقسم بينا بالسويه على تكاتفنا قديم امتواصين=دائم ولايحتاج أحدنا وصيه عفوا بقى للمجد فصل وعناوين=للديره الى من قديم محميه اللى ربو فيها عزازن كريمين=المعشبه بالمجد والشاعريه مع ذكرها سوالف عبير ورياحين=والهيل فالح وخنت الشاذليه عساك دائم مخضره ماتحيلين=لوكان كل الأرض تبقا سنيه وماتعدمين من الوفا والمحبين=وعسا المطر يسقيك صبح وعشيه تبختـري بالطـف والمـلح والزيـن =وانـا ببـادلـك الـغـلا والتحـيـه قولى كتب فيه من المدح بيتين=شعر(ن) تغنيه السنين المديه من شاعر(ن) صافي ضميره من الشين=من كان طفل وهو مفتون فيه وانا أعتذر عن كـل غلطـه وتدريـن=قد قيـل جـزلات القصايـد عصيـه تصافقت تشبه رياح الخماسين=لين طرقت نفد الفواد العذيه شخلتها مثل الدواء للمريضين=وصارت مثل طعم العسل في خليه ونقيتها نقوات وضحى(ن) مزايين=اليا دخلن بمسابق الافضليه مع راهي(ن) ثروة رصيده ملايين=وفكره نقى وعروق كفه نديه أغلى فئه خمسين صدق ومضامين=ووسومنا تبقا عليها جليه والبستها تاج الفخر والنياشين=وقدمتها باقات في مزهريه يفرح بها النشمي طليق الحجاجين=فرحه حجيج الله بعيد الضحيه وتزعل اللى فيه شكه وتخمين=ويقول هاذي قمة العنصريه مكتوبتن من دم قلب وشرايين=هديه مابغى وراها جزيه |
هذي قصيدة صالح الرهيف مرثيه في والده رحمه الله شيٍ بصدري مابغيت اتعريفه=ولكن باح وبيَّن الصدر خافيه من عاش في الدنيا وفارق وليفه=يشكي لغير الله محدٍ مشكويه واحالي اللي راح مثل السنيفه=من هاجسٍ بالصدر ماودي أبديه حاولت اكنه لين باين غريفه=يالعين هاتي ذارف الدمع هاتيه هاتي غثاريبه وهاتي نظيفه=فوق الخدود ومقدم الصدر صبيه صبيه ماهو عيب دمعه شريفه=على عزيزٍ دايم القلب يطريه عساه عند الله ذنوبه خفيفه=روضٍ من الجنه عطاهيه واليه عسى له الجنه منازل مريفه=يالله من شرب النبيين تسقيه أنت الرجا يالله وأنت الخليفه=يالله من حرة زمَهْرير تذريه وعسى السحاب اللي تلالا رفيفه=على حصاة القبر تمطر مداليه يوم إن ولد اللاش نفسه ضعيفه=نفسه على الهزله تطيعه وتهديه أبوي مايرضى لجاره كسيفه=جاره على طول الليالي يداريه عن غرة الجارات نفسه عفيفه=ماهو على الجاره كثيره مباديه درب الردى والبوق نفسه تعيفه=يعف عن درب الردى مايسويه ماهو بمن يضوي ليا شاف ضِيفَه=مايِّـلحْق اللي مايوده مشاريه وان كثرت الاشوار رايه عريفه=وأن كثرت الأشوار رايه يفديه |
تعجبني قصائد الشاعر نجى الماشي الله يرحمه ويسكنه الجنه وبالذات القصيده اللي يقول فيها
تلقى الفتى من اجاليسه واصاحيبه @ البوم للبوم والعقبان تنجالي واتمنى لمن يعرفها كامله تزويدنا بها |
وجدي عليها وجد من حد مظلوم ؛؛ صدر عليه الحكم ماهو عدالي رزن الرهيف فالمملكه واحد وعشرين مليون وامسيت ياوايل حزين لحالي عبدالله بن هلال يادمعة العين لاتفضحيني كافي جروح المحبه عذابي طير القوافي |
شكراً لك أبو حسام على هذا الموضوع
و شكراً لك لأننا قرأنا ابيات جزله |
شكرا للجميع على التفاعل بس انا نزلت الموضوع هذا لكي يطرح كل عضو قصيدة وليست ابيات لشاعر من بني عزيز تعجبه هذه القصيدة ويفضل ان يكون من الشعراء المتواجدين في المنتدى بعض الاعضاء يطرح بيت والا يقول انا تعجبني القصيدة الفلانية بدون ان يطرحها اتمنى التفاعل اكثر تحياتي |
**نايف الشوق**
لـبـيــهـــــــ،، لبيــــه ياعطــــره ودقت قلبـه لبيه مـن شوفـــه لقبل اشوفه لبيـــه ياصوتــه وطاري حبه لبيه يالحنا بوســـــط اكفوفه لبيــــه ياجمـــراً بقلبي شبه لبيه ياهمســـه وكل وصوفه صباحهــــا سكر وزايد حبه اما المسا يسعد ظلام رفوفه عفويــة المنطق سريعة نبه تنثر علي من الغلا وتحوفـه غنى الحمام اللي براس القبه وجتني تمايل بالغلا محفوفــه هليت بـه والرجـــل باول طبه كيف اتلفت والسما مكشوفــه اصيلة (ن) عقلي عطاها لبـــــه خيلاً على غيري مهي معسوفه اهــــديتهــــا قلبي كـــــذا تلعبه ون راح قلبي ماعليه حسوفــه ياكثـــــــر مافي خاطري يكتبه بس العلوم اسرارها مكتوفـــه لبيـــــه ياعطـــــره ودقت قلبه لبيه يا محــــلا حـــلاوة شوفه تحياتي لكم / نايف الشوق |
ابدااااااااااااااااااااااااااااااااااااااع والله احترت كل قصيده احلى من الثانيه ..يالبى بني عزيز والله
تقبلوو مروري .-- غلا العزيزي |
شكرا اخوي الرهيف على الموضوع الاكثر من رائع انا تعجبني قصيدة الشاعر فهد بن خالد العزيزي في قبيلة بني عزيز لسببين الاول لجزالتها والثاني لمناسبتها حيث تحداه شخص بانه يمدح قبيلة بني عزيز بدون لايذكر اولاد وايل او ابناء وايل لكن للاسف لا احفظ القصيده والي حافظها ينزلها لنا ومشكورين |
أعضاء المنتدى
السلام عليكم و رحمة الله و بركاته أهنئي الجميع باليوم الوطني و أطلب من العلي القدير أن يديم الأمن الآمان في بلادنا و أقدم العذر من الجميع لعدم التواجد لظروف خاصه و أشكر الرهيف على الطرح الجميل و الفكره الرائعه التي تجعل من الأعضاء متابعة شعار المنتدى و أطلب من الجميع التفاعل في هذا الموضوع و عن نفسي وجدت في هذا المنتدى أقلام رائعه و ليست بمجامله أقلام وضِعت للشعر الراقي و لكن أعجبتني كثير قصيدة المجاراه للشاعر الفريدي ( الرصيف الهادي) للمبدع سمو القاف الشاعر عبدالرحمن الرهيف و قصيدة المتألق أبن شداد الشاعر محمد بن شداد و ليس قصور في الشعراء المتميزين ، و قد يكون من سبب الأعجاب لأنها فاقت على القصيده المطلوب مجاراتها مع العلم ان قصيدة الشاعر عبدالعزيز الفريدي أعجبتني كثيير و قرأتها أكثر من مره لروعتها أخوكم و محبكم شاعر متقاعد |
انا اللي تعجبني قصايدهم كثر و اقول لهم الى الامام ومنهم
1- نجى الماشي الريض الطلاحبي 2- وولده علي نجى الماشي الريض 3- مزيد طلال الرهيف 4- رزن ماشع الرهيف 5- بدر طالع الرهيف مع الشكر والى الامام |
الرهيف موضوع جميل سوف اطرح بين الحين والاخر
قصائد تعجبني لشعراء المنتدى وشعراء القبيله ان شاء الله وهذه اول مشاركه اقتباس:
تحيتي الح ـب حاكم ـني |
اقتباس:
اللهم أحفظ طيف وأصلحها وبارك فيها ولوالديها واجعلها بارة ً بهم والله يفرحك فيها يابو عادل أعشق هذه القصيده بشكل خيالي واكرر قرائتها دائماً صح لسانك يابو عادل |
|
|
من شعراء القبيله الذين اعجبت بقصايدهم
الشاعر عبدالله ثواب المندهه الشاعر بندر عايض المندهه |
اقتباس:
أبدآآآآآآآع |
احسنت الاختيار اخي الحب حاكمني
تعجبني ابيات هذى الشاعر |
| الساعة الآن 12:37 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "