|
مـــرثيــــــــــه
السلام عليكم ورحمة الله وبركاته هذهِ مرثيه في ابي : سعود ميشع العزيزي رحمه الله اربع طعش عشره ثنين وثلاثين كواني بقلبي ثمانين كيه مرحوم ياللي مات في يوم الاثنين مرحوم يارع العلوم النقيه يابوي ياريف الضعوف المساكين يابوي لك مني سلام وتحيه جاني خبر موتك سوات البراكين قالوا ترى والدك جته المنيه حكم القدر يابوي مافيه رايين حكم القدر لله رب البريه الدمع سال وفاض من محجر العين والصبر زال ولابقاء مقدريه يبكونك الاجناب والربع الادنين ويبكيك ذيبٍ قام يدوي عويه وابكيك انا يابويه شهور وسنين لو ان دمعي مايردك عليه ياشين وقتٍ يوم جونا معزين وقت الضحى ولا بوقت العشيه يالله ياخالق بنآدم من الطين اغفر لبويه كل ذنب وخطيه وثقل ميزانه يوم رجح الموازين وعطه كتابه في يمينه عطيه ووسع بقبره وكسه من الرياحين واكتبله الجنه بعيشه رضيه وختامها ياهل الوفاء قولوا آمين سبحان ربٍ مرسل ألنا نبيه أرجـــــــوا الدعـــــاء لـه أخوكم : عبدالرحمن سعود العزيزي |
هذي القصيدة أنشاالله من بر الوالدين الله يرحمه الله يرحمه الله يرحمه كل الشكر ابو معاذ |
اخي عبدالرحمن
رحم الله والدك وادخله فسيح جناته قصيده مؤثره وعلى الزين المرحوم سعودبن ميشع |
اللهم آمين الله يرحم والدك .. وصح لسانك يابو معاذ على هذه الرائعه |
أخـــواني : محمد الذيب والليث ودكاك تشكرون جزيل الشكر على هذا المرور الذي اسعدني لكم مني كل الشكر والتقدير والاحترام تقبلوا تحياتي ,,, |
الله يرحمه ويرحم اموات المسلمين صح لسانك اخي عبدالرحمن |
الله يرحم والدك ياعبدالرحمن وجميع موتى المسلمين |
الله يرحمه ويرحم اموات المسلمين وصح لسانك
|
أخواني : العزيزي المغترب و رادار الشعر ومشهور العزيزي جزيتم خيرا على هذاالمرور الطيب لكم مني كل التقدير والاحترام تقبلوا تحياتي ,,, |
صـــــــــــــــح لســــــــــانك اللـــــــــه يصبــــــــــــــــرك وعليك بالدعاء له واللــــــــه لا نمـــلك إلا الـــــــــــــدعاء له بالــــــرحمـــه وأن يجعـــــــــل قبــــــــره روضــــه من رياض الجنـــــــــــه |
أخـــــــــي : الوايلــــــــــي الله يجزاك خير ويعطيك العافيه ويرحم شيابك وجزيت خيراً على هذا المرور الطيب ولك مني كل الشكر والتقدير والاحترام تقبل تحياتــــي ,,, |
الله يرحمه ويرحم اموات المسلمين ويسكنه الجنه وصح لسانك </b></i> |
أخي : سفير المهد جزاك الله الف خير ورحم الله والديك جزيت خيرا على المرور الطيب لك كل الشكر والتقدير والاحترام تحياتي لك |
الله يرحمه وابوناصر فقيد الجميع ويستاهل دواوين من الشعر ماتكفي في رثائه
|
اخي : الواثـــــق جُزيت خيراً ورحم الله والديك وانت تستاهل كل خير لك مني كل الشكر والتقدير والاحترام مرورك اسعدني تقبل تحياتي ,,, |
صح لسااانك يا ابو معااذ قصيده معبره تجعلك تعيش معها جوها الشعري الحزين رحم الله والدك واسكنه فسيح جنااته مرحوم ياللي جيرته فوق عشرين...... عام وجيرته فخر ليه يكفــــيه عن كــل المخاليق ثنتين.....حياة عز ومات موته هنيه..( بأذن الله) وصح لساانك يالقرم تحيتي لك |
صح بدنك يابو شااهر تسلم والله يمينك ورحم الله والدي ووالديك وجميع المسلمين والمسلمات الاحياء منهم والاموات [color="royalblue"]مرحوم ياللي جيرته فوق عشرين...... عام وجيرته فخر ليه قدرك يابو شااهر على الراس والعين يابن الرجال اهل الوفاء والحميه مرورك اسعدني ياراعي الجزلات يابن السلاطين يالصاحب اللي ماتجيب الرديه لك مني كل الشكر والتقدير والاحترام تقبل تحياتي ,,, |
| الساعة الآن 06:44 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "