|
ديوان الشاعر نايف بن معلي العزيزي
السلام عليكم ورحمة الله وبركاته
اولى مشاركتي هنا هذي القصيدة المتواضعه اتمنى ان ترتقي لذائقتكم يا ضعف قلبي كيف خلاها تفــكر بالرحيل..... ويا قـو قلبه كيف يقـوى للفراق وكيف راحت والله اني كنت احسب ان المفارق مستحيل..... يوم شفت بروق وصله في سما الخفاق لاحت كـنـت اظن انه مـعـي وافـي ولا مـثـله مثيل..... لين راحـت والمـعـاليق استـباحت ثم صاحت ايــه راحـت كيف راحت ليش تنكر للجميل..... الجـميل اللي حـمـام الورق من روعته ناحت كــيــف ما قـدر غـلا قـلـبـن لغـيـره ما يميل..... لعـنـبـو حـي الـمـشـاعر ليتـها منه استراحت كـيـف يجحد ويتـناسى عشرة العمر الطويل..... يــوم شبـيـت الـمـحبـة فـوق خـفـاقـي وفاحت راح قـلبي والـغلا والـولف والحب الاصيل..... والله اعلم وش بقى لي في خفوقي يوم راحت يوم راحـت والله انـه ما بـقـى عـندي حصيل..... ما بـقـى الا دمـعتـن جيـت اتحاشاها وطاحت |
ديوان الشاعر نايف بن معلي العزيزي
السلام عليكم ورحمة الله وبركاته اعود اليكم من جديد بهذه الشيله وهي من قصيده جديده اتمنى ان تحوز على رضاكم وترتقي لذائقتكم اشكر المنشد/ سعد العزيزي والمصمم/ سامي المطيري ولفضل بعد الله يعود لهم في انتاجها ودي لكم جميعااا http://www.youtube.com/watch?v=3um8BKqxXlQ |
ياديرتن لا شمال ولا جنوبيه( اخوكم نايف معلي العزيزي)
[CENTER]
السلام عليكم ورحمة الله وبركاته هذه قصيده غزليه والظاهر فيه ناس قلبها خضر مثلي اتمنى ان تحوز على رضاكم .. طبعا القصيده قديمه شوي 1 ياديرتـن لا شمـال ولاجنوبـيـه.....يشفق لها القلب وانا ازريت لا انساها 2 سبعين كيلو تمـام مـن السورقيـه.....فاللوحه اللـي ورى قـران يقراهـا 3 من دونهـا سبـع لفاتـن وحفريـه.......وان كان ماتفطـن لخطـك تعداهـا 4 يسكن بها اللي عليه الـروح مبريـه.....اللي برى الروح في حبـه وخلاهـا 5 قفا به الوقت وظـروف اجتماعيـه.....وامور عن ذكرها قلـت اتحاشاهـا 6 وانا ظروفي ماتسمح لي على الجيـه....لو كان جيتك شف الـروح ومناهـا 7 غالي وله فالظماير جمرتـن حيـه...جمرة غرامه ونار الشوق تحماهـا 8 مشتاق لك شوق ماخذ كـل مافيـه.....والعين تسهر لذيـذ النـوم جافاهـا 9 شنت هجوم الغلا بجيـوش حربيـه......واتحلت القلب جعلـه مـن فداياهـا 10 وشلون اقاوم وانا روحـي هواويـه.....لا والله الا هـلا واهليـن حيـاهـا 11 ماجات ليه سلـف ماجـات عاريـه.....جتني سبب طيبها من طيب مجناهـا 12 اثنين خمسه سنة عشريـن هجريـه.....احلى ليالي سنين العمـر واغلاهـا 13 فالسادسه حسب توقيـت السعوديـه......تم المواجه مابيـن القلـب واياهـا 14 واخذت معها ثمان سنيـن وشويـه.....اطيـح لفراقهـا واقـوم لرضاهـا 15 والمشكله روحت من عقـب حوليـه.....من دون سابق خبر ينـذر بفرقاهـا 16 راحت وقفت وانا عيونـي شقاويـه.....ولا اصعب من فراقها ياكود لقياهـا [/center] .................................................. .. اخوكم نايف معلي العزيزي |
على طاري جديدك( اخوكم نايف معلي العزيزي )
السلام عليكم ورحمة الله وبركاته اعتذر عن الغياب اعود لكم بهذه القصيده كتبتها في موضوع بيني وبين احد الاصدقاء والقصيده تتكلم عن نفسها على طاري جديــدك والهواجس ما عــلاها قصور....... لكني مبــطي واحاول اذكــر لــونه وشكله يقــولــون الشعر محتاج فكــره مبــدعـــه وشعـــور...... انا لوجيت ابى افــكر شعـوري ماتحرك له مشاغــل وارتبــاطات ومــواعـــيدن تــهــد ضهــور.......ونفسن من صـــواديــف الــزمــن بالله متكله ياهاجس ماهــي بلحــية بسط والا فــرح وسرور........مادام ان الوضع هــذا كذيا ويش نضحك له مضالك يا هجوسي يارفـــيق الدرب سبع شهــور....... ولا يعرف يعبــر عن خفوقي غيرشرحك له لا تنــحى للقــطـاعه والقطــاعه تهــدم المعـمــــور........مصـــيـــرك لو تحاول تبعد وتبطي مردك له تزهب واخذ من شاعرك هرجن يكشف المستور........ولالك عن رفــيـقن ما يهزك غير ذكرك له عليه من الوفا والطيب ياهاجس ما يبني قصور.... ....وعليه من الرجاله والطــناخــه ما يحـــدك له قوي عــزوم فالــموقف وفالمجلس حكيم الشــور.....واسالــيـــب الكـــلام اليا هـــرج مـما يشدك له من رجـــالن صــنــاديــد وقــروم وفــعلهم ماثور.......عــزيـــز النـــفس والمجنى ويستاهل مراحك له ليا جـــيتــه وقابــلته تـــركد لا يــضـيــع الدور.... ....وخــصـه بالسلام وكيف حالك وانت عينك له ياتركي والله اني عــارف انــي ماني بمــعذور........وقــولــي بالزيـــاره ما تـــغيـــر عند خبرك له لكن اصبــر وبالـدنيا بن ادم منــهــي ومــامــور........واذا صــكــت عليه صــدوفــها ماغير ربك له .................................................. .................... |
شموخ وعزه صوتيه ( نايف معلي العزيزي)
السلام عليكم ورحمة الله وبركاته اعود اليكم بهذه القصيده الصوتيه ... سبق ان نزلتها نصيه اشكر من الاعماق المصمم سامي المطيري اتمنى ان ترتقي لذائقتكم تحيتي للجميع http://www.youtube.com/watch?v=f6L86nqq_EA |
عوجات السنين ( نايف معلي العزيزي)
السلام عليكم ورحمة الله وبركاته اعتذر عن الغياب وذلك لظروف اجبرتني على الغياب لفتره اعود اليكم بهذه الابيات المتواضعه اتمنى ان ترتقي لذائقتكم يالذيب لاتـــكثر علي التناشيد=صاحـــبك عوجات السنين غدرتبه يردها من حيد وتـزيد من حــيد= حـتــى ان تـــيــاراتها روحــتبه شاش الــفكر لمجـــابهتها تراديد=والــروح باللي عندها جابهتبه وابطو وهم في معركتهم صناديد=لين انهكت بالحال وازداد خطبه وكثرت يابو تركي علي المواعيد=والحــال عادة ماوعــدتـبه وفــتـبه في مستوى واحد ولا انقص ولا ازيد=واقف في موقف حالتي ما رضتبه وانا على وضح النقى مقــدر احيد=عن الطـــريق اللي خطــانا مشتبه من عادتي ماانظر تـــجـاه الهرابيد=ياكــــثــر من يـــنظر لـــهم واحــدرتـبه اللي ليا طاح الخوي عندهم عيد=بــدال مـــاهـــم يــــفــزعـــون افـرحتبه صلف الهبايب جات من غير ما اريد=تــــهب خفـــاقي مساء واسرحتبه يـــم الديــار اللي لـــنا عندها ميد=عــشر ســـنوات ومـــيدنا ما درتبه فـــيـــها من التاريخ مجد وشواهيد=وفـــيها من افـــعال الوفا ما رهتـبه فيها يـــسر الحــال عقب التناهيد=وفـــيها ومـــواقف خالـــده سجلتبه يحدنـــي عنـــها ظـــروف وملاهيد=ولـــــو الــــعذر فالـــبــــعد ما عذرتبه ................. نايف معلي العزيزي تحياتي |
ياعبيد( اخوكم نايف معلي العزيزي)
السلام عليكم ورحمة الله وبركاته هذه قصيدة وجهتها للمنشد عبيد ميشع العزيزي للرد على بعض المسائل المنشد عبيد قام وشال القصيده بصوته الرائع وهي قيد التنفيذ حاليا وان شاء الله تنزل قريباا اترككم مع القصيده كتابيا.... اتمنى ان ترتقي لذائقتكم ياعبيد جر الصوت يابن الاجاويد...........للشاعر اللي منتدب لك قصيده جره وانا بقول حييت ياعبيد... ...........وتقول لي ياجار فرصه سعيده اليا سمعتك ترفع الصوت وتعيد... .......ينصاع قلبي لو حياته عنيده ياعبيد نايف له صدور ومواريد........... خطرن على قلبي تقطع وريده من عام الاول كل ما اجابه تزيد...........صلفه هبوبه والاصابه سديده ما ينعشه ياعبيد غير الصناديد............ اللي يعدون الصداقه عقيده اللي مخاوهم معزه وتمجيد...............تفخربهم وقت الليال الشديده لاجيت واحدهم تحس البلد عيد............انا اشهد انه لا نصيته وليده وواحدهم اليا غاب ضاقت بك البيد ........ قليل في حقه مقولة فقيده وانا ليا هبت هبوب الملاهيد..............على الضلوع المسنيات الهميده مديت شوفي في طوال الشواهيد.........اللي تقرب كل هقوه بعيده الرجل ما ينظر لهرج الهراميد..................لو طولت ما نقصت من رصيده يشوم عنها ماهو محصلن فيد... ..............لا صار يطردها عدوه يزيده ياعبيد مالك فالطويله مقاصيد.................. القصد واحد والمشاعر عديده تريد وانا اريد والعالم تريد... ..................لكن ربك يفعل اللي يريده ..................................... وسلامتــــــــــــــــــــــكم |
شيلة ( ياعبيد ) اخوكم نايف معلي العزيزي
السلام عليكم ورحمة الله وبركاته كما وعدناكم اعود اليكم بهذه الشيله لقصيدة ( ياعبيد) اتمنى ان تحوز على رضاكم كما لا يفوتني ان اشكر المنشد عبيد العزيزي والمنتج المصمم سامي العزيزي http://www.youtube.com/watch?v=35rkS...qLNfrQhsrtq5qf للتحميل http://arabsh.com/videos/0a31464a/شي...عزيزي-flv.html |
بيض الله وجهك اخوي نايف وبيض الله وجه المنشد عبيد العزيزي كلمات ذات معاني عاليه وانشاد عال العال تشكرون جزيل الشكر وعلى القوه ان شاء الله تحياتي واحترامي وتقديري لكم ,,, |
يامرحبا يا ابو معاذ ووجهك ابيض يالغالي وجودك شرف كبير بالنسبه لي تقبل تحيتي لشخصك |
اخوي نايف بن معلي
صح لسانك على القصيده الجزله وسلم صوت اخونا عبيد على الصوت العذب والشيله المميزه |
السلام عليكم ورحمة الله وبركاته هذه ابيات قصيرة كتبتها ايام كنت خارج المنطقة للظروف العمل قبل سنتين اتمنى ان تنال اعجابكم اي والله اني مسافر نــاوي الروحه ..... لو كان شوقي على المجلاس يحداني ودعـتــكم والخواطر حيل مجروحه ...... والجــرح الاكــبــر علي فراق خلاني القلب من كثر شوقه مستمر نوحه ...... مانــافس الشــوق غير دموع الاعياني ياللي لك ابــواب قـلبي دوم مفتوحه ...... عســـــاك فــدوة معــالــيـقي ووجداني القــلـب فيما يحـسه ما اسعفه بوحه ..... على الذي جاه مرسولي ولا جاني لو انسياب المشاعر فيك مفضوحه ..... يـــفـــز قــلــبك تجــاهي ما تحــراني تعـــال دام الامور اليوم مسموحه ....... اخــــاف بــكــره تــدورنـي ما تلقاني |
اخاف بكره تدورني ماتلقاني
الله الله عليك يانف عزف على الاوتار بنص فاخر مشبع بالجمال رغم قصر القصيده الا ان كل بيت فيها عن قصيده صح لسانك بحجم السماء |
الطريس يامرحبا وياهلا حضورك فخر لنايف واعتزاز تحيتي لشخصك الكريم ... لاهنت |
صح لسانك
|
الحرف الشامخ اشكرك على المرور
تحيتي لك |
انتظرو قصيدة الاعتذار
|
ونحنا بانتظارك يابن معلي
حياك |
الاعتذار
السلام عليكم ورحمة الله وبركاته هذه قصيدة وجهتها الى احد الاصدقاء المقربين اتمنى ان ترتقي لذائقتكم ...... قبل يضحك الصبح وعلى حزة الاشراق.......... وعلى حزن ليل(ن )مقفي(ن) يندب فراقه نصيت القريحه واستهاضت من الاعماق.......... ولانـــي مضـــريها على قلـــة الفـــاقه وتوكلت باللي يشرح الصدر لامن ضاق.......... ولاخـــاب ظـــن الـلـــي تــوكل بخلاقه يهون ويروح الضيق لو ضاقت الافاق .......... لكن البــلا في ضيــقــة القــلـب وارفاقه انا والله اني مثل منهو كسير الساق.......... ليــامـن جبــر ســـاقه رجع وانكسر ساقه يقولون صاحبك المقرب على الاطلاق.......... تكدر ضمــيــره منــك ومقــفــل اخلاقه الا يا رفيق الطيب والعفو والاخلاق........... علـــيــك المـشــاعر بالمـعــاذير منساقه بجاه الولي سبحانه الواحد الخلاق ........... وجــاه الرجــال اللي لها النــفــس تواقه سحايب عذر لك يارفيق الوفا تنساق......... وفي ذمــتــي للغـيــر ماهي بمنساقه عساها تعود في مقاديمها البراق ........... ولا يــنــفــصـــل عنــــها رعـدها ودفاقه |
اخوي نايف
لاعدمناك وسلمت يمناك كفو ياشاعرنا |
السلام عليكم ورحمة الله وبركاته اطرد سراب اللال في رجوة اللال.......واصبحت اغيّب في رجا الوصل وافيق فرقــاك شمس وجيــتك فيّ وظلال....... وشوفتــك غيــث لمجــدبــات المعاليق ياللي فراقــك طال ومعاندك طال ........ وانا من الـثـنــتــيــن ذابــحـني الضيق مــغــير اغــني للمـعــاليق موال .......... واجــر من ضيــقي طوال الطواريق تعال شوف الحال يا بهجة الحال ........ من عقبكم تسرح وتضوي على الريق ياشين حظن لا حضر لازمه مال....... وانا على رجــوى حصـــول التــوافيق وياشيــن تاثــيــر المحــبه برجال ....... اتــورده للضــعـف لـو دونــه طويق وياشينها لاصرت فرصه للانذال ........ تغــانــمــوها بالنــــمــــم والتـلافيق يكــثر على المــيـل والود لا زال ........ من دونــه ابــواب القـطاعه مغا ليق اصبر وغير الصبر مافيه محوال ....... مصيــر بــراق الوصل مزنـه يويق لو الفرج عند المخــالــيــق ما قال........ مير الفـــرج من عنــد رب المخاليق .................................................. ........................ اخوكم / نايف معلي العزيزي |
اليا نويت الفراق الله يسهلك..... والله يستر عليك ويستر احوالك ان رحت منته معقب ما يسجلك... وان جيت منته محصل غير منزالك.. ان جيتني عشت في ظلي وفي ظلك.... بعيش وان رحت لا هذا ولا ذلك. . لك الغلا والوفا والشوق في حلك... ولك التوافيق نطلبها بترحالك، ،انا يورالي ان الروحه احسنلك،، ..والا انت والله مدري وش يورالك، ،كذا كذا الحب لاعزك ولاذلك،، ...يمد حبله ويوميبي على جالك.. اي والله اغليك واقدرك واجلك،، ..ويفز قلبي على الطاري ويعنالك. . واليا تماديت في طيشك وفي غلك .. احسب حسابك ولا تجني على حالك. . كم مره انبهك عنها وابينلك،،..ان الصبر راح وان الحال يرثالك، ،ركبت راسك ولافكرت في خلك،،...وحذفت نصايحي في سلة اهمالك، ،والحين لو قلت برجع قلت ياحلك.... ترجع على ويش فال الله ولا فالك. . الوصل ودان وبله كيف ما علك..... يومن يبرق على راسك ولا نالك.. ان كنت مشتاق شوقك ليه مادلك،...،تقول فالبال... فرقا العين من بالك،، ماعندي الا شطر بكتبه وارسلك...... 0اشوالي انفذ اللي فيه واشوالك.. اما من الشوق واللهفه تجي كلك.. ...والا توكل عسى الله يستر احوالك |
اخي نايف سررت بماوجدته من شعر حقيقي في ديوانك اتمني لك التوفيق وكل التحابا لك
|
الكف الندي ... مرحبا مليوون وتواجدك يسرني كثيراا واعتز في شهادتك لاهنت |
السلام عليكم هذي بويتات بسيطه عسى تنا ل على اعجابكم....... علموا عنق الغزال يخاف ربه.. .....................كاسبن ذنبي على كل التفاته لايعرضني على العشق ومهبه.. ........................ويتذرى بالبراءه في سواته… المشاعر قبل شوفه مستتبه.. ..........................مير فزت من هناديبه وجاته… احسبني قافلن باب المحبه.. .........................لين قفى ووقفت دونه عباته قلت ياقلبي لاتاقع في مطبه.. ..........................قال يازين المطب وياحلاته… قلت ياقلبي وش اللي ماتحبه.. ........................قال فرقا اللي حياتي من حياته…. .................................................. ........ |
السلام عليكم بي نطلع من الغزل شوي ... مالنا عن الغزل محوال هههه تمايل معاليق الحشا مع هبوب النود .............................ليامن قطع مسرى الهواجيس مغباشه .. على بنت ريح مذعّره بنت حشمة عود ...........................على الهقوه الهقوه وللجد شواشه .. تورّد على عدن صفاوته دون حدود ............................تقول الثرى ماطبه الماء ولا ناشه. شربت الشوارد شرب رشاش للبارود.. ................................ليا ثار كلن عقبها طش رشاشه.. وتعوّد مقاريد السوالف على المقرود.. ................................وماكان خلف الشاشه يصير فالشاشه.. تهيضت من شعرن عليه الجزال شهود.. .................................وانا لاتهيضت اسحب الفكر بفراشه.. ومن باب حبي للفضول وضرم مجحود... .............................هواجيسه لبعض الطواريق نهاشه.. على المعترك سقت القدم وابذل المجهود.. .................................والافكار شرسه والهواجيس ومنداشه.. ليامن طلعنا بالسلامه ما نبغى فود.. .......................عظام العرب صلبه وانا عظامي هشاشه.. اخيل الخيال اللي بروقه بدون رعود.. ..........................وصلفه هبوبه والمزابير رهاشه.. يصلني نسيمه والمطر وقعه المعدود... .............................يسر النظر من ناس ماهي بغشاشه.. والا يالهوى التقليد يكفيك دبل كبود.. ..............................مشاعرك جياشه وفرحتك منحاشه.. وبيض السحاب اللي ليا اقفى يعوّد سود.. .................................تهب الهبوب وتفسخه فسخ دشداشه... يدور الكلام ولابه اللي بلا منقود... ..................................وكلن مع العالم يقديه ما حاشه. .................................................. ................... .........نايف معلي العزيزي... |
تحية طيبة للجميع ياحبيبي ما يفيد الا المجامل.......الصراحه فالزمن هذا عماوه يمكن اني فالهوى ماني بصامل....داخلن دنياه من باب الفضاوه تدري ان الحب ناتج عن عوامل ..... من فراغ القلب والا من شقاوه اما انا قــلبـــي مهملني وهامل.....اثرت فــــــيه الحضاره والبداوه من العذوبه فارغ وخالي وخامل...... والليونه مـــالها عنده حفاوه بالشــقا والهم قلبي فل كامل..... كل عــــام من الشقا ياخذ علاوه وكانك تــقـــول المحبه بالتعامل.... والــــوفا واللين وابعاد القساوه قوم عــطني يالغلا تامين شامل.... للشقا وامشي معك زي الحلاوه ........................................ نايف معلي العزيزي |
السلام عليكم ورحمة الله وبركاته كل عام وانتم بخير ..... ومن العايدين .... وعيدكم مبارك هذه ابيات بسيطه بمناسبة العيد ..... العيد حل وشوفتك تعتبر عيد.......... يعني اجتمعتوا واصبح العيد عيدين العيد عاده يجمع اقريب وبعيد......... الله يعيد ايامه شهور وسنين العيد فرحه واستعادت تقاليد.......... وشوف الاقارب والاهل قرة العين غيم السعاده بالفرح عانق البيد......... والعيد غيث وفرحته كالبساتين يوم اعلنوا بالعيد قام الصناديد.......... واستقبلوه من السعاده ملبين ياعيد عدت وياعسى دايم تعيد........... ابعودتك تجمع شتات المحبين .................................................. ............... |
السلام عليكم ورحمة الله ابيات متواضعه عسى ترتقي لذائقتكم توكل بالولي خل الاوادم ما وراها فود .......... لو انه قال ادبرها في وجهي ما يدبرها اعرف اللي مجرد هرج واللي يبذل المجهود....... واعرف اللي ماقدرها واعرف اللي يقدرها واعرف اللي ليامنه تعذر قلت له معذور........ واعرف اللي تعذر ما تعذر ما يعذرها لكن ارضى على الواقع ولا تزعل من المنقود......ونصيحه لا تحاول كل هرجه لك تفسرها ترى طرد الكلام ان كان ما نقصك مابه زود........ يجرك في متاهاتن ماتقدر تصل لاخرها وكثر المال في مايغني ضعيف النفس والمقرود..... وقل المال في عيال الشجاعه ما يفقرها والا ياصاحبن دونه جبالن شامخه وحفود........ اقدم لك سلامي من مشاعر منت خابرها ما اقول ان الخطا مسموح اقول ان البراء مردود.... ومعاريف الرجال لبعضها تدمح معاثرها تميل اغصان وتميل الطيور اللي عليها ترود..... ومع الايام تابس والزمان الصلف يكسرها لكن الطير ما يبلش يحصل غير عوده عود........ تسندها الهبايب فوق الاغصان وتحدرها وانا لامن كسرت بخاطر الصاحب ماهو مقصود...... لو ان بعض الرفاقه ودي اكسر خواطرها |
اليا نويت الفراق الله يسهلك..... والله يستر عليك ويستر احوالك ان رحت منته معقب ما يسجلك... وان جيت منته محصل غير منزالك.. ان جيتني عشت في ظلي وفي ظلك.... بعيش وان رحت لا هذا ولا ذلك. . لك الغلا والوفا والشوق في حلك... ولك التوافيق نطلبها بترحالك، ،انا يورالي ان الروحه احسنلك،، ..والا انت والله مدري وش يورالك، ،كذا كذا الحب لاعزك ولاذلك،، ...يمد حبله ويوميبي على جالك.. اي والله اغليك واقدرك واجلك،، ..ويفز قلبي على الطاري ويعنالك. . واليا تماديت في طيشك وفي غلك .. احسب حسابك ولا تجني على حالك. . كم مره انبهك عنها وابينلك،،..ان الصبر راح وان الحال يرثالك، ،ركبت راسك ولافكرت في خلك،،...وحذفت نصايحي في سلة اهمالك، ،والحين لو قلت برجع قلت ياحلك.... ترجع على ويش فال الله ولا فالك. . الوصل ودان وبله كيف ما علك..... يومن يبرق على راسك ولا نالك.. ان كنت مشتاق شوقك ليه مادلك،...،تقول فالبال... فرقا العين من بالك،، ماعندي الا شطر بكتبه وارسلك...... 0اشوالي انفذ اللي فيه واشوالك.. اما من الشوق واللهفه تجي كلك.. ...والا توكل عسى الله يستر احوالك |
السلام عليكم ورحمة الله وبركاته هذه قصيدة وجهتها الى احد الاصدقاء المقربين اتمنى ان ترتقي لذائقتكم ...... قبل يضحك الصبح وعلى حزة الاشراق.......... وعلى حزن ليل(ن )مقفي(ن) يندب فراقه نصيت القريحه واستهاضت من الاعماق.......... ولانـــي مضـــريها على قلـــة الفـــاقه وتوكلت باللي يشرح الصدر لامن ضاق.......... ولاخـــاب ظـــن الـلـــي تــوكل بخلاقه يهون ويروح الضيق لو ضاقت الافاق .......... لكن البــلا في ضيــقــة القــلـب وارفاقه انا والله اني مثل منهو كسير الساق.......... ليــامـن جبــر ســـاقه رجع وانكسر ساقه يقولون صاحبك المقرب على الاطلاق.......... تكدر ضمــيــره منــك ومقــفــل اخلاقه الا يا رفيق الطيب والعفو والاخلاق........... علـــيــك المـشــاعر بالمـعــاذير منساقه بجاه الولي سبحانه الواحد الخلاق ........... وجــاه الرجــال اللي لها النــفــس تواقه سحايب عذر لك يارفيق الوفا تنساق......... وفي ذمــتــي للغـيــر ماهي بمنساقه عساها تعود في مقاديمها البراق ........... ولا يــنــفــصـــل عنــــها رعـدها ودفاقه |
صح لسانك يابن معلي
راقت لي هذي الابيات كل الشكر |
الاخ والشاعر القدير نايف معلي صح لساااااااااانك على هذه الرائعة ألجززززززله لقد طربت لها المسامع وانفتحت لها القلوب كما هي عادتك دائماً. ولا غرابه في صياغتك المترابطة للمواضيع. تقبل مرور أخوك ابوعادل
|
اشكركم على المرور اخواني وبيارق هذا الصرح وتشرفت بحضوركم ودعمكم ولا تفيكم كلمة شكرا ولكن ما بالقلب اكبر من تعبيره بالكتابه دمتم بود |
ابيات في صفوة الخلق عليه افضل الصلاة واتم التسليم الهاجس اللي واهــجه هاج واهتاج....... حي الهجوس اللي توهج وهجها هزت وفزت واستــعـزت بالانتاج.... .....انتــاج بــكر الهاجس اللي نسجها الطف من النسمه على سلك ديباج.......واشــد واعنف من عواتي عججها ياللي بيدك الضيق وبيدك الافراج.......... عنـــدك مفــاتيـــح الكروب وفرجها يامولجن صبح الهدى عقب الادلاج.......... شــق البسيـــطه والجهـاله فـلجها للجرح شرح وللمرض طب وعلاج.......... وللـــحــق شمسن ليلها ما ولجها فالغار والا ليـــل الاسراء والاعراج.......... جــات الرســاله والحقيقه بهجها اوصابــها الهادي شريــعه ومنهــاج.......... وتبــت يديــن اللي جهل ما نهجها بالسلم وان صارت وغى مابه احراج..... ...يقـــطع جذور الشرك في معتلجها مهما يوجـــه لك من اعدائك ازعاج........... ثبّـــت نفــســـك فعلهم ما زعجها شفيــع الامه سنــتــه للبشـر تـاج ............ تقصم ظهر زيف الجهاله حججها الطيّــــب الطــاهر ذرى كل محتاج........... شفــيـــع يوم النــاس يكثر لججها العـــادل اللي للــعدل نــور وسراج .............رجــله على درب العداله سهجها الصادق المعصــوم للنــور مخراج........... من غيـرك اسسس للخصال ونتجها منك الامانه شيدت صرح وابراج.............. فيـــك الــولي كل الشـمايل دمجها صـــلاة ربــي عد ما كــبر الحاج .................. على النبي شمس النجاه وهجها |
يابرد الطويلين..... يابرد الطويلين السلام وعساك بخير.......... ويذكرك ربي بخير يالمربعانيه اسلم واودع واتعذر عن التقصير.......... وكلن حسب نيته والنيه النيه ما احب الشتاء لكني اعاند التفكير.......... لأن اغلب افكاري مراويح صيفيه تجيني كذا متحمسه واتحمس مير.......... تعوّد تواليها على طاق طاقيه تطيّر مع العجه وتجتاحني واطير.......... واعانق زحل وانا على الارض رجليه ورجعنا على الواقع نهار الربوع عصير........ كذا فجاءة اليا اني بوسط السورقيه وعودت للالحان اغنيبها والطير.......... يغني معي كنه يعرف الهجينيه احب الشعر خلقه ولي في مساره سير......... ازيد المبدّع واستمع للعليميه ولولا غلاة اللي يبادلني التقدير.......... وحاجات في نفس العزيزي خصوصية ما صغت المشاعر شعر في غاية التعبير.......... تركت العلوم تحوم والبير مغطيه سقى الله ذكرى صاحبن ما يرد غير........... كريمن تسامت به عروشه وكرسيه عليه الخفوق يسوقه الشوق سوق بعير........... وجرد الظلوع يهبها الهم عصريه تعال ولا ابي لايامك الماضيه تبرير.......... ليا جيت يشفع لك غرامك عن السيه |
ما احب الشتاء لكني اعاند التفكير.......... لأن اغلب افكاري مراويح صيفيه رائعة يابن العم رائعة يابن العم رائعة يابن العم تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
تطيّر مع العجه وتجتاحني واطير.......... واعانق زحل وانا على الارض رجليه
ورجعنا على الواقع نهار الربوع عصير........ كذا فجاءة اليا اني بوسط السورقيه وعودت للالحان اغنيبها والطير.......... يغني معي كنه يعرف الهجينيه احب الشعر خلقه ولي في مساره سير......... ازيد المبدّع واستمع للعليميه الله درك يابن معلي |
خوي سالم...... الليث لاهنتم على المرور والله اني يشرفني يالغالين وانتم الداعم لي بعد الله شكري وتقديري لكم |
السلام عليكم ورحمة الله وبركاته بويتات نتمنى ان تحوز على رضاكم (دوبك على القلب يامزيون) دوبك على القلب يامزيون ...................... ماهو على البعد متعود علقته بحبك المجنون ................... يادوب يادوب متجود يومي به الشوق كالعرجون ...................والبعد كل ماله يزود تعبت ابرر واقول يمون ...................ياخذ له ايام ويعود وابطوا وانا اقول ما يبطون ................لامرسل لي ولا روّد قدام لا اعرفك مابي لون ................اقود طابور ما اقوّد واليوم عند الهوى مرهون ................ ووجه البخت نحس ومسود البعد جرحه كما المطعون .....................يبطي على القلب ما هوّد ............................... وسلامتكم ........... |
حينما يكون للإبداع أوجه متعددة وألوان أحلى من ألوان الطيف يقف الإنسان أمامها بصمت دون تعليق خشية أن لا يفي حق ماُكتب من وصف رائع وبارع شاهق وفاخر... هنا التميـــــــــــز وهنا إثراء الجميــــــــل والجديد نعم هنا الشعر الأصيل والهاجس الرائع والحضور المرحب به والقصيد الذي يستحق الحفظ والاستشهاد به والتأمل في معانيه الجزلة وصح لسانك اخوي نايف كتبت فأجزلت وشرحت فأحسنت وتقبل مرور واعجابي اخوك واصل عزيز |
يامرحبا مليون وحياك ربي يا واصل عزيز والله ان مرورك في ديواني فخر واعتزاز لي شهادتك وسام وشرف يشهد الله وكلامك دافع لي ويشد من ازري دمت ذخرا وداعما تحيتي لشخصك الكريم |
ابيات عسى تنال الاعجاب
ياحبيبي لا تكاثر علي الاتصال.......... من تجاهك يشرح الصدر لو مكالمه صوتك اللي كالنسايم طراه وشرح بال........ المشاعر لألتقاط النسايم والمه انت للفرحه ياروح السعاده راس مال.......... وانت للقلب المتيم مداه وعالمه اقبل وتسلم معاليقي من الانفعال........... والله انها دون شوفتك ماهي سالمه اعشق احلامي لأن اغلب احلامي محال.......لين تبقى عالقه فالعيون الحالمه دايما جو الهوى ما يعرف الاعتدال.......... والعواذل ظالمه واللليالي ظالمه لاتحسب ضلوعي تعشق مع الهم القتال........ والله ان ضلوعي اطلق ضلوع مسالمه وانت ياكل الغلا شد محزمك وتعال ............ خافقي شمس الوله غيرت معالمه وكان ماهي حاصله لا مجي ولا اتصال...... والله لاجري مع حقوق الانسان مكالمه .................................................. ....................... |
على وين ياحبٍ تربيت بالاعماق..... على وين ياللي فيك الاشواق مرهونه على وين ياروح الحشا منوة المشتاق..... على وين ياللي ضمك القلب بركونه على وين لاتكسر غصون الوصل بفراق..... وتترك خفوقٍ فيك ماباح مكنونه الا يا عذاب القلب يابلشة الاشواق..... والا ياعنا مشاعرٍ فيك مجنونه ياويلي من الفرقا صعيبه ولا تنطاق..... طلبتك تراجع والشياطين ملعونه يضيق الصدر يازين وتقفل الاخلاق..... ولا سر نايف غير شوفتك بعيونه يقولون كيف الكون واسع وصدرك ضاق...... واجاوب واقول انك فضا الخافق وكونه عطيته غلا مافيه مثله على الاطلاق....... وتربع على قلبٍ يقدره ويصونه لكن الزمن لمعاند اهل الهوى تواق...... يدور ويغيّر حاله وينقلب لونه الا يالغلا والحب والولف والاشواق.... عساكم فدا اللي ما تهنيت من دونه .................................................. ..... |
عسى العلوم جداد يا حزة عصير .... مبطي وانا ارد العلوم القديمه ماجاني اللي قلت له يامساء الخير..... حتى الهواء نفسه يكرر نسيمه اهيم مع شعري وصلف التفاكير.... ........واجابه الدنيا بقو العزيمه اسايس المهبول واقدي صغير.......وافهم من اصحاب العقول الفهيمه صحيح ماني تاجر ولاني امير........... رجل ليا ضاقت تلقى الخريمه ترى الغنيمه ما تجي بالدنانير...... .........العافيه والطيب راس الغنيمه واللي لصلفات الزمن ماهو بعير............... النار ماتلقى تعب فالهشيمه الجود ماهو في يدين الهوامير .............. الجود والله فاليدين الكريمه احذر تعلقها بعذر المقادير...................... صحيح لكن العواقب وخيمه واللي عن الواجب يدور معاذير.................خله وقول امك تراها عقيمه خاو الرجال الطيبين المناعير.................... اللي مخاوهم معزه وشيمه واللي ماقدر خوتك يا عسى خير................ ماوقفت الدنيا ولاهي جريمه عرفت معدنهم على اقل تقدير.................واخذت من عرف الهلامه قسيمه ولاجات للنوماس مانومسك غير................ رجل ليا جات المواقف صتيمه وراع الردى لو حاول يعدل السير ................ تبقى النوايا منه ماهي سليمه الحثل مهما فاح لابده يحير ........................... في قاعة الدلة ولا منه قيمه وانا هجوسي ينشرح حزة عصير..... ..............ولاضاقت اخلاقه يذب الخريمه |
اخوي نايف معلي
مررت على ديوانك لارتشف من رحيق طرحك العذب مايروي ذائقتي الشعريه وجدت الحكمه وقوة المعنى والكلمه في جنبات ديوانك سجل اعجابي واعتبرني متابع رسمي |
اخي نايف
يرتاح بالي لاجيت وشـفـت ديوانك حلو المعاني بها واسـجـل اعجابي صح البدن يابوشاهر واعتلا شانك نفخر بمثلك مــع الاقراب واجنابي يشهد منيع الله بماهاضت اشجانك الشـاعــر اللــــي نتابع له ولاغابي |
هلا هلا مليووون يالطريس حياك ربي والحمدلله على عودتك مجددا شرفني مرورك كثيرا ويشهد لله اني فرحت بوجودك وعودتك تحيتي لك |
يالليث يامرحبا اهلا وقيفانك... تاخذ من القلب موقعها وتنسابي... مرورك اكبر فخر ليه علشانك... رجلٍ لبست المراجل لبس جلبابي... صح الله لساني وصح الله لسانك... يا اعز واحب واغلا واطيب اصحابي |
سلم على المهد لامن هب نسناسه.......... تقول يشفط هموم الصدر شفاطي في مرقب تلعب الراحه على راسه......... ياجعل يفداه من يجلس على الشاطي الهم والضيق والهوجاس واحساسه...... ......في قمته مالها مجلس ومقلاطي اسج عن وقتي المشؤوم واتعاسه.............اللي مزاياه نلقطها بملقاطي لو تعصر الخير ما يملالك الطاسه............ والشر كادت فتوقه كل خياطي وصدور الاصحاب فيه اضيق من الكاسه.... ......واغلبهم وجيههم تدعو للاحباطي لوتكتب افعال طيبك ملي كراسه............... محدن عطاها وجه لا جالك اغلاطي يهرج بها عند ميقافه ومجلاسه.................ويقوم في نقلها ابو وجه مطاطي الطيب رافع يداه ويلفظ انفاسه................ غطى عليه المجامل والتعباطي الوقت هذا ما يبغى عرف ودراسه............ اسهل من النوم من عقب التمغاطي يمكن في لحظه يقال ضعيّفن باسه............. لو انه ابيض وجه واصطى من الصاطي ويمكن في لحظه يقال اغلا من الماسه............لو انه اكبر فتى مهايط وخراطي يعني تبى تعيش حط شوية سياسه............... وخلك مع ايا طرف ماشي ومتعاطي اللي يجي لك وفاء سلم على راسه............. واللي يبى يهف جعله هفة مقاطي |
| الساعة الآن 10:07 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "