|
اللي عنده قصيده الشاعر علي الريض يجيبها هنا
من هن نبدا
هذي قصيده للشاعر الرائع المبدع دائما علي الريض في مطير وقيلت هذي القصيده في احدى احتفاليات قبيلة مطير ارجوا ان تحوز على اعجاب الجميع: لعل هالليله نعدي على خير ***من واحدٍ جر الحكي وابتلانا خبلٍ يسولف دون منطق وتبرير ***يالله من ظلم العباد تحمانا مايدري انه يكبر ان قال يامطير ***مير ان مدحنا بطيب والا هجانا حنا مطير الله خلقنا مشاهـــيــــر***من جدنا الاول اليااخر نمانـــــــا عشان هذا ماولد بينا صغيــــــر ***ماينجبن الا المطنخ نســـــانــــا رضيعنا اشرس من كليب والزير ***وكبيرنا له بالمجـــــره مـــكـــانـــا كلام جاهلنا كنوز ودنانيــــــــــر ***وكلام عاقلنا عقــــود وضــمانــــا حنا ترانا غير وفعالنا وغيـــــر ***طلنا على كل الطوال ورقاااااانااا حنا الكرام الطيبين المسافيــــر ***عن ساقط العالم نكرم لحــــــانااا الصادقين الصاملين المناعير ***حنا لميلات الزمان ارتكااااااااانا يوم الضعوف يحسبون الماخسير***بعنا بسوق الطيبه وشتـــــرانــــا لنا مع الامجاد ورد ومصادير ***وماتمطر الا بالمكارم سمــــــانــا نمشي بشرع الله عباده وتكبير ***وفي هدي خير الانبياء اهتدانـــا مافوقنا الا الله ولي المقادير ***تبت يدين الي يبا مســـتوانـــــــا نشوش للمعروف ونطول ونجير ***ويامن بنا الخايف لامنه نصــانــا ليا كسرنا وين للكسر تجبير***ونزيله الي مامشاء في هوانـــــا ولله لو انا نبي نهمش بلير ***لنهمشه ونحط واحد حــــدانــــــا نعامل الطيب بحشمه وتقدير***ومن جالنا يبغا وفانا لقــــــانـــــا نبطش ونعفي ونتفرد عن الغير ***ماتلحق طوال الليالي مدانــــــــا ابسط رجل فينا يعادل طوابير ***وليا وقف يرهب جحافل عــدانـا حنا ستر للمترفات الغنادير ***لبشوتنا هيبه تكمل ذرانـــــــــا تفخر بنا جل البكار المعاشير ***وترعى بامان ٍ تحت فيّـة عصانا تفخر بنا صفر الدلال المباهير ***والعود الازرق ماشتهر لين جانا تاريخنا ماهو كتابه طباشير ***تمحى اساطير الزمن ماانمحانا والحين جاي تذمنا ( ياعصيفير ) ***ياصعب هوزتنا على من بـــغانا بكره يجون منفخين المزامير***كم واحد يجيك يلهث ورانا والمعذره لاصار فـ المدح تقصير ***ما الحق مدى ربعي طوال اليمانا ومن زعل من قولي عساه بزمهرير ***ويعيش في باقي حياته مهانا وبعض الليالي ماتعدي على خير ***من واحدٍ جانا وبيّح خفانا **** من غير قصور في القبايل الباقيه |
سلم نقلك يالبنيد
وصح لسان الريض |
يعطيك العافيه اخوي البنيد
والنعم في مطير كاافه~قصيده جداا رائعه وابدع فيها الريض ومن اجمل واروع ماسمعت للريض رثائيته في والده رحمه الله~وانا لا اتابع شعره للامانه ولكنه غني عن التعريف وشاعر متمكن نتمنى له التوفيق.. مشاركتي هي عن مرثيته في والده رحمه الله وجميع موتى المسلمين~ http://www.youtube.com/watch?v=qwF6RRaxHO0 |
اقتباس:
بيّض الله وجهك والله لا يهينكي ويعطيك العافيه .. وجعلنا مانخلا منكي اختي الغيد |
اخوي البنيد
صح نقلك وصح لسان الشاعر على الريض |
ويتجدد إبداع شاعرنا بهذه الأبيات الغزلية:
الفكر سجاته قديحه وبارود =لا عنت أفكار القريحه قدحها والحزن تحت ضلوعي العوج موجود =نزل بفيضة خافقي ما برحها لاذعذعت باعلى مراقيبها النود =هب القلق والضيق غصب ولفحها تأخذني الأيام واغيب واعود =من غاص فبحور المحبة سبحها لعيون من فيها عن أمثالها زود =شيهانة الزين ربي ملحها سلمتها قلب ومواثيق وعهود =وشعر ليا هاضت شجونه مدحها |
اخوي البنيد
لله درك على متابعة شعر شاعر القبيله على الريض صح نقلك وصح لسان الشاعر علي الريض |
هذه القصيدة للشاعر/علي الريض
قالها في الراوي منيف الشويب يا كثر شين في الحشا ودي أبديه ===== أطلق عصافير المحبه وأقوله وأطرزه بأغلى التعابير واهديه===== بأغلى درر مرجان شعري ولوله شاعر ولي من قمة الشعر عاليه===== لوالشعر ماينحسب لي بطوله لأكن اقدر قيمته واعتني فيه===== واعرف تاريخه ودارس فصوله أطول عسراته وارتب قوافيه=====والجزل صعب ولايجي بالسهو له ماني مثل خبل يخمه ويخطيه=====جاهل وتسمع له عقول مهبوله واليوم انا من صادق القلب أغنيه=====للوافي اللي نادرات فعوله لمنيف صقر اقدم اجمل معانيه=====يوم ان له في الطيب صوله وجوله اقسم قسم بالله اقدره واغليه===== ولا بغي لمدحي من صديقي عموله ياكم حلمت بمثل شرواه اخاويه=====حلم يراودني وأنا بالطفو له والحين لامن جاني اسمه وطاريه=====افز له واذكر معان الرجوله تنبت بساتين التواضع على ايديه=====وتزهر نواوير الفرح من وصوله حر تبشر بالعشاء من تعليه=====وغيث تبشر بالحيا من هطوله بحر الكرم للجود باني موانيه=====يبهج صدور المعسرين ان عنوا له عجزت مدري كيف وشلون اسميه=====حتى المدح ما يقدرانه يطوله يالله من شر المخاليق تحميه=====ومن نزوة القلب الغثيث وفضوله ويالله ياربي تطول لياليه=====وتنزله بالاخره مع رسوله |
قصيده رائعه من روائع الشاعر علي الريض المطيري اتمنى ان تنال على اعجابكم..
البارحه طاب المساء والمساء غير *** الـبـارحـه لــيــل الـحـبـايـب لـحـالــه الـبـارحـه لــيــلآ يــــزف التـبـاشـيـر *** لمتعـب الـلـي شــاف حلـمـه وجـالـه يالغـايـب الـلــي جايـبـتـك المـقـاديـر *** اللـي رجـع مــن غربـتـه وارتحـالـه رتب لـك الصبـح النـدى والعصافيـر *** ورتـب لـك النـجـم المـوايـق هـلالـه وجيتك أشيل الـك العتـب والمعاذيـر *** وشعـرآ اليـا قلتـه تـرى طــاب فـالـه الله كـــم خــــان الــكــلام التـعـابـيـر *** أصمـت ويصبـح كـل علمـي جهـالـه اخـذت فــي لـجـة عيـونـك مشـاويـر *** وأخـذت مـن ضحكـة ثمانـك أثمـالـه سولـف وطـش العـلـم لـلـي مـداويـر *** عـن قصـة البـرق الرهيـف وخيالـه سولـف وخـل حكايـة الوكـر والطيـر *** هــذا عـشــق هـــذا وهـــذا شـكـالـه عـذره يقـول أنـه معـي دايـم أصغيـر *** وعـذرة يقـول أن الحـلا رأس مـالـه وسـريـت كـنـي كاسـبـا لــي مغاتـيـر *** أو مـغـتـرب عـــود لـديــرة اعـيـالـه نسيـت أقلـك شـي تصبـح علـى خيـر *** لا:تصبح علـى قلبـي وتشـرب دلالـه |
|
قصيدة : حياة جديدة للشاعر : علي الريض العزيزي
اتمنى أن تحوز على رضاكم وإستحسانكم الحياه الجديدة الليل روح وانهزع بي جريده ............ والصبح مابيّن على روس الأطلال وانا شريط الذاكره قمت اعيده ............ واشوف وش لون انقلب حال عن حال ذكرت من كان الترف وصف بيده ............ واليوم صارت بالملايين تختال كانت فقيره في الحياة الزهيده ............ محرومة(ن) من لعب واحلام الأطفال كانت فرح قلبي وهمه وعيده ............ لاشفتها شخصت بشماغ وعقال ولاشفت نفسي تقول .. شـ هالوليده ............ واقول ياربي متى اصير رجال كانت تقول اكتب لعيني قصيده ............ واقول بكبر واكتب الشعر واختال واكتب لعينك كل يوم(ن) جديده ............ قصيدة(ن) تحفظ على مر الأجيال كانت فريدة حسن فعلا فريده ............ يرقص لها قلبي من الجال للجال كانت تقول أمي تراها شديده ............ وابوي مات ولاذخر عقبه عيال مير اعتبرني من خواتك وحيده ............ أبيك تشري لي خواتم وسلسال وانا فقير ٍ مامعه في رصيده ........... من كثر فقره .. صدق مايملك ريال كنت اعتبر يوم ان الليالي عنيده ............ واقول باكر ينقلب حال واحوال وفعلا تعيش اليوم عيشه سعيده ............ تزوجت واحد من رجال الأعمال هو عندها خاتم .. وهي مثل سيده ............ تملك لها فله وسايق وجوال من بعد ماغابت سنين ٍ عديده ............ قابلتها وانا على الفقر لازال سألتها .. وش الحياة الجديده ............ قالت نسيت اسمك ولا انته على البال ورجعت اطالع صورتي في الجريده ............ مافادني شعري بعد صرت رجال وسلامتكم هذي القصيده للشاعر الكبير علي الريض |
قصيدة قصة مراحه
نامت عيون المريح ولا لقا السهران راحه والليالي المؤرقة بالحزن لبسته سهرها . . بات في صدر الشقا والصبر وعزومه كفاحه عارف الأيام ما يسلم بن آدم من خطرها . . وجر صوته من صميم القلب وأعلنها صراحه لا بكا لام العيون ولاهدى قام وشكرها . . آه ياشين الحشيم اليا سقط وأعلن مطاحه لو عذر بعض الوجيه وجيه ناسٍ ما عذرها . . والهنوف اللي لها في الصدر مرقاب وبراحه كل عرقٍ من عروقي صار هو مجرى مطرها . . وعلمتني كيف صارت ضيقة المسلم مباحه لا تساوت ضيقتي ورضاي دئم في نظرها . . وعلمتني كيف يقسا الحب لا جرد سلاحه وعلمتني كيف أبشرب ملحها وأشرب كدرها . . هي غدت لي في بحور العشق مجداف وسباحه وهي قصيدة حب عذري بس وين القا بحرها . . بعدها من راح مافكرت وش قصة مراحه كل ما غابت أعد أيام عمري وأنتظرها . . في ليال البعد أقول إنه عزا قلبي جراحه كل ما شط النوى وأبطت عليه في سفرها . . جادل تشرب قراح الحسن مدري هي قراحه كل ما لدت علي بعينها قلت اختصرها . . كنها ليلٍ فهق فجره وبين لي صباحه وكنها قمرا بعد نام الشفق بين قمرها . . أن تغشّاها الهوى مالت مثل غصن بواحه وإن تعداها الهوى طالت وزمت له نحرها . . إن صفا لي بالها ما ضاق بال ولا مسّاحه وإن حدتني للجفا والضيق عودت لصورها . . يا بعد كل القصيد ويا بعد كل الفصاحه ويا بعد كل الغلا والحب يالسود وحورها . . كان شعري ما وصفها باتركه وأكسر جناحه واقطعه قلبي إذا في يوم سج ولا ذكرها . . والقصيد إن ما حداك لضيق ما جاب لك راحه والليال المؤرقه بالحزن طاولني سهرها . |
علي الريض : أه من طيش القصيد
أه من طيش القصيد ومن شقاه ومن هبالـه ............... واه من شيٍ يحد النفـس وازعلهـا عليّـه شاعرٍ لا ضاق صدره من زعل طوح عقالـه ...............وجر دلوه من قليب الشعر واخرجها رويّه له ثلاث ايـام مـا ذاق المنـام ولا هنالـه ...............كل ماغمض جفن عينه تبعد عـن خويّـه قلت في نفسي ومن ضيم الزمان وسؤالـه ...............ليه لامن ضقت ما اجر اللحون السامريّـه لا ذكرت الشايب اللي كنت انا اصغر عياله ...............كنت احس بقيمتي عنده واحس ابمقدريّـه كنت انام بوسط بشته واتفيـا فـي ظلالـه ...............كان كله لي لحاف وعن سموم الفيـض فيّـه كنت اعرف انه يعاني بس يكتمهـا بحالـه ...............اعرف رجلٍ صبور وضيقتـه دايـم خفيّـه اذكر انه يوم ناداني وهـو جالـس لحالـه ...............قال ياذخري تعال اعطيك من عندي وصيّه واذكر انه صد عني بس مدري وش طرالـه ...............كان مـاوده يبيـن لوعـت الايـام ليّـه اذكر انه قالـ لاتاخـذ الدنيـا جهالـه ...............التجارب فالحياه وكـل نفـس إلهـا منيّـه والابن آدم لا تعافا والزمن طاف وصفالـه ...............لا يحسب ان الليالـي كلهـا دايـم هنيّـه ياوليدي والجمل لامن برك للحمـل شالـه ...............والرغى عقب الهدير يضعف النفس القويّـه ياوليدي وان فعل بك طيب لا تنسى الجماله ...............كان ماتقدر ترد الطيـب لا تجـزاه سيّـه ولا تمن الليا عطيت ولا تدور لـك جزالـه ...............ولا تدور من ضعيف النفس جود ولا عطيّه ولا تصير المنخل اللي تجتمع فيـه الحثالـه ...............ولاتصير الخايب اللي خوتـه دايـم رديّـه عقبها من يوم سافر كنت افكر وش جراله ...............كنت احسبه راح طرقي واثرها روحه مديّه يوم روح كل عرقٍ فـي معاليقـي بكالـه ...............كنت امش الدمع من عيني واقول الله وليّـه كنت اقول انه يعود بس خانت بـه ليالـه ...............اه من قل العزى للحين افكـر فـي مجيّـه والله انه في جنوب القلب مدري في شمالـه ...............لين اموت ونار بعده في حنايا القلب حيّـه اتخيل صورتـه فالحلـم واناجـي خيالـه ...............واتمنـى جيتـه لابـارو الاقـراب فـيّـه ليت ابويا حي يرزق لو انـا ميـت بدالـه ...............والله اني ما اتحسف لو غدت عمري ضحيّه ياعسى مزنٍ يلوح البرق في مقـدم خيالـه ...............يسبقه ريح المطر وتبشـر الـدار السنيّـه تدفعه صلف الهبوب وصاخب الرعد ايحداله ...............ويتسابق للثـرى همـال غيثـه وابرديّـه ياعساه لقبر ابوي يصب سيله فـوق جالـه ...............لين يصبح من بعدها القبـر كنـه مزهريّـه وياعسى الله يرحمه ويسكنـه دار العدالـه ...............وياعساه بجنه الفردوس يسكـن مـع نبيّـه قلتها وانا اتجمـل بالصبـر واقـول دالـه ...............لو ان حزني ماتكفيـه الحـروف الابجديّـه واه من طيش القصيد ومن شقاه ومن هبالـه ...............يكشف اسرار القلوب وينبش جروحٍ نديّه |
لشاعر الرائع / علي الريض
بعد ماطالني ليل الهجوس وطال بي مسراه = سريت وزان لي نظم القصيد ووزن قيفانه عساي اكتب كلام مايخيب ظن من يقراه = وعساي اجيب من بحر الشعر لوله ومرجانه انا العبد الفقير اللي رجاه وعزته بالله = إله مايخيب اللي طلب عفوه وغفرانه وأنا اللي حده الوقت الردي يالين جاب اقصاه = زمان ماصفط لي غير تعذيبه وحرمانه وانا الصب العليل اللي طواه البعد لين اشقاه = نسى ظلم الزمان ولانسى تجريح خلانه اشوف العشق يكبر في الضلوع ولا قدرت اقواه = رعت ذوده مداهيل الخفوق وعشب صمانه سبايب مترف ماداج في روض الحشا حلياه = ملك تاج المحبة واعتلى عرشه وسلطانه عليه من البها هيبة شموخ وطلة تزهاه = وعلي من الشقا سقم الجروح وعين سهرانه اليا منه تبسم شب قنديل الغلا بشفاه = ولا منه تجهم ضاقت الدنيا على شانه ترك لي في غيابه طعنتين ودمعتين وآه = متى ينهي حضوره سيرة الحرمان واحزانه له الله لانسى حدب الضلوع ولاذكر مرباه = ولي الله لاذكرته والغلا يرجح بميزانه |
فمن قصيدة يقول شاعرنا:
يالله بوجهك يا عليم النوايا =عن ما قف الحقران والذل والضيق ومن زفرة منها تضيق الحنايا =ومن فجعة منها عيوني غواريق ومن قصيدة معبرة أخرى يقول: اجامل الصبر والأيام تعصاني =بالله قلي وش اللي معجبك فيني فقير يوم أن عز النفس ماغناني =كم قلت للفقر عز النفس مغنيني وكذلك قوله: كم واحد ما شتمته لاجل ما عطاني =وكم واحد ما مدحته لاجل يعطيني يقلقني الذنب لامنه تغشاني =يالله من الذنب والغفلة تنجيني ما فيه صوت يشتت عني احزاني =الا ابن اشريم لا أم المصليني |
الشاعر : علي الريـّــض المطيري
البارحـة رأسـي علـى الكـوع راكيـه*** يـوم إن صـار الضيـق دوبـه ودوبــي والجفـن .. كـن النـوم للسهـر حاديـه*** خاويت قوم من هجـوس وسـروا بـي ياليـت حزنـي دمـع وأضـيـق وأبكـيـه*** ويا ليت حزني ذنب .. وأرجع وأتوبي الـلـي نسـانـي جـعـل ربـــي يـجـازيـه*** واللـي ذكرنـي مـا سلـم مــن ذنـوبـي و قلـبـي الـلـي طــاوي الـهـم طـاويـه*** الله كــــم ضــاقــت عـلـيّــه دروبـــــي و قرّبت من شعري وهاضـت قوافيـهعليـه*** مــع بصـمـة كـلامـي إسلـوبـي يـا راكــب الـلـي نــازح البـعـد يدنـيـهكـنّــه*** إلـيــا روّح مــــراح الـهـبـوبـي عليـه مـن رمــز الجميـحـي مـواريـه***و مطـرز إسمـك فـيـه تطـريـز ثـوبـي جمـس مخـزّن مـا غفـل عنـه راعيـه***رافـيـه عــن لـعـب الخـنـا واللعـوبـي يـوم إنتـهـى عـمـره وطـاحـت ليالـيـه***مـع باقـي التركـة .. شـروه الجلوبـي وإشتاقـه الـلـي طـامـع فـيـه شـاريـه***مـا قـال غالـي المـال فيـه محسـوبـي الــلــي حــمـــاره تــقـــل دمّ مـذكــيــه***مــن حـايـل يبـغـى بـهــا ســـدّ نـوبــي الـلــي جميـحـيـات سـقـفـه وعـالـيــه***نــار وشـبّـوا فـــي حطـبـهـا شـبـوبـي إلـيــا نطـحـتـه تـقــل كـأنــك تـبـاريــه***يـشـبــه لــوجــه بــــواردي يـحـوبــي كـأنـه إلـيــا قـفّــى يـشــادي تـمـدريـه***و ذيـب يحـوف البـدو وقـت الغروبـي مــن داخـلـه شـيـراز بالـعـز كـاسـيـه***مـا خـاب مـن يركـب ثميـن الركوبـي ملمـس درقسونـه إلـيـا قـمـت تلـويـه***أفضـل مـن المرعـز لجـاه النصـوبـي وإليـا إشتغـل سلفـه ولـجّـت محانـيـه***هـديــره يـرســل للعـشـايـر هـبـوبــي وإليـا مشـى خطّـه وطـالـت مماشـيـه***زمـــا تـقــول مـعـلـق فـــوق طـوبــي وإليـا سـرى ليـلـه وزانــت مسـاريـه***يكشـف سنـا نـور الشـمـال وجنـوبـي ما يتبعـه راعـي المهـر لأجـل غاليـه***لو كـان يجلـس طـول عمـره عزوبـي و ( دريوله ) لو ما لقى مـن يخاويـه***ماهـو مـن الطـرقـة جــزوع هيـوبـي يــــا سـايـقــه تـكـفــى وبالله تــودّيــه***لـسعـود بــدر وخـبّـره عــن شحـوبـي هــاك الكـتـاب وسـلّـم سـعـود بـيـديـه***نبضـي وضيقـي بعـد مـا ضيـقـوا بــي وإلا بـأسـمّـعــك الــكــلام ومـعـانـيــه***غنّـه بصوتـك يــوم صـوتـك طـروبـي ودّه لـأبـــو وايـــل قـلـيـل المـشـاريـه***الـطـيـب الـصـافـي قـلـيــل الـعـيـوبـي فـديـتـه الـلــي مــــا تـغـيّــر مـبـاديــه***ما هـو بـ( ثلـج مـاه لأضحـى يذوبـي) لا مكسـبـي دنـيــا ولا مـــال أبـرجـيـه***ولا أشكـى مفـارق غالـي ومحبـوبـي يا سعود قالوا شـيء مـا ينحكـى فيـه***أهــل الـهــروج منفّـخـيـن الـذروبــي سفهت بعض الهرج مـا كنّـي أوحيـه***يا سعود كـم قالـوا بعـدك وحكـوا بـي الـلــي إلـيــا جـيـتـه كـبــار عـزاويــه***أدري إلـيــا قـفّـيــت قــطّــع جـنـوبــي والصاحب اللـي كنـت أعـزه وأداريـه***يحسـب نجاحـه مرتبـط فــي رسـوبـي يـا سعـود قـل لـه لاهـي عنـه ناسـيـه***لا نيـب فـي صوبـه ولا هـو بـصـوبـي خـلاص دزيـت الرشـا مــن عـراويـه***مـا همّنـي لـو الـرخـوم هـرجـوا بــي مـا زادنــي لــو يمـدحـون المسافـيـه***نفـضـت مــن بـعـض الأوادم جيـوبـي يـا الله يـا اللـي بـارد الـمـزن ينشـيـه***يـهـلّ بـأمـرك وبــل سـيـلـه صـبـوبـي تمـهـل لأبــو وايــل بعطـفـك وتحمـيـه***مـن طعنـة الـغـادر وهــرج الكـذوبـي يــا سـعـود مــا للهم شــيء يـداويــه***إلا مـــواصـــل طـيـبــيــن الـقـلــوبــي هــذا قـصـيـدي يـــوم تـمــتّ معـانـيـه***عليه مـن بصمـة كلامـي .. إسلوبـي |
لعل هالليله تعدي على خير***من واحد جر الحكي وابتلانا
خبل يسولف دون منطق وتبرير***يالله من ظلم العباد تحمانا مايدري انه يكبر ان قال يامطير***مير ان مدحنا بطيب والا هجانا حنا مطير الله خلقنا مشاهير***من جدنا الاول الياخر نمانا عشان هذا ماولد بينا صغير***ماينجبن الا المطنخ نسانا رضيعنا اشرس من كليب والزير***وكبيرنا له بالمجره مكانا كلام جاهلنا كنوز ودنانير***وكلام عاقلنا عقود وضمانا حنا ترانا غير وفعالنا وغير***طلنا على كل الطوال ورقانا حنا الكرام الطيبين المسافير***عن ساقط العالم نكرم لحانا الصادقين الصاملين المناعير***حنا لميلات الزمان ارتكانا يوم الضعوف يحسبون الماخسير*** بعنا بسوق الطيبه وشترانا لنا مع الامجاد ورد ومصادير*** وماتمطر الا بالمكارم سمانا نمشي بشرع الله عباده وتكبير*** وفي هدي خير الانبياء اهتدانا مافوقنا الا الله ولي المقادير*** تبت يدين الي يبا مستوانا نشوش للمعروف ونطول ونجير***ويامن بنا الخايف لامنه نصانا ليا كسرنا وين للكسر تجبير*** ونزيله الي مامشاء في هوانا ولله لو انا نبي نهمش بلير*** لنهمشه ونحط واحد حدانا نعامل الطيب بحشمه وتقدير*** ومن جالنا يبغا وفانا لقانا نبطش ونعفي ونتفرد عن الغير*** ماتلحق طوال الليالي مدانا ابسط رجل فينا يعادل طوابير*** وليا وقف يرهب جحافل عدانا حنا ستر للمترفات الغنادير*** لبشوتنا هيبه تكمل ذرانا تفخر بنا جل البكار المعاشير*** وترعى بامان تحت فية عصانا تفخر بنا صفر الدلال المباهير***والعود الازرق ماشتهر لين جانا تاريخنا ماهو كتابه طباشير***تمحى اساطير الزمن مانمحانا والحين جاي تذمنا ( ياعصيفير )***ياصعب هوزتنا على من بغانا بكره يجون منفخين المزامير*** كم واحد يجيك يلهث ورانا والمعذره لاصار ف المدح تقصير***ما الحق مدى ربعي طوال اليمانا ومن زعل من قولي عساه بزمهرير***ويعيش في باقي حياته مهانا وبعض الليالي ماتعدي على خير***من واحد جانا وبيح خفانا |
السلام اخوي معلا البنيد ابيض الله وجهك على ماقدمت من درر ابو نايف
واطلب من اخواني المشرفين تثبيت المتصفح وحبيت اهدي لكم من ابداعاته شاعرنا المحبوب http://www.youtube.com/watch?v=8JTQJHc90Po |
اخوي : ابن شداد الطلاحبي
وجهك ابيض وهدا اقل ما نقدمه الى ابونايف اخو وعزيز وغالي |
ويـقـول مــن قصـيـدة أخــرى:
ما بغيت أنصاف الايـام والدنيـا حطـام ولا رجيت من الليالي سوى عطف الرحيم والتفاتـت واحـد بالغـلا لابـس وسـام الله اللي قدره بالحشاء وأصبـح حشيـم فالخفوق اللي كسر للغلا بيـض النعـام للنديم اللـي تبـرا مـن طعـون النديـم وفـي الحكـمـة يـقـول شاعـرنـا: ما يدحم الصعبات أبـو جنـب اصخيـف كنـك ليـا مـدحـت غـيـره تـذمـه الطيـب جـم مـا نقصـوه الغـواريـف تـروي مـواريـده وينـبـع مجـمـه ومـن إبـداع هـذا الشاعـر قـولـه: شعـر تمجـده الاسـامـي والالـقـاب وشعـر يخلـد فالسنـيـن الاسـامـي والا أنت يا شعري لـك قلـوب واحبـاب وعليك بصمـه مثـل بصمـة ابهامـي وأخـيــرا يـقــول شـاعـرنــا: بعدك مـا أطلـب مـن الأيـام تنصفنـي حتى لو انـي اشـوف بعينـي اجحافـي لكن تدري وش اكثـر شـيء يوسفنـي لاشفت مبـدع ولا حصـل لـه انصافـي |
أبيات من قصيدة للشاعر علي الريض المطيري أرجو أن تنال إعجابكم .
يا سعود قالوا شيء ما ينحكى فيه *** أهل الهروج منفــّـخين الدروبي سفهت بعض الهرج ما كنـّـي أوحيه *** يا سعود كم قالوا بعدك وحكوا بي اللي إليا جيته كبار عزاويـــــــــه *** أدري إليا قفــّــيت قطــّــع جنوبي والصاحب اللي كنت أعزه وأداريه *** يحسب نجاحه مرتبط في رسوبي يا سعود قل له لاهي عنه ناسيــــه *** لا نيب في صوبه ولا هو بـ صوبي خلاص دزيت الرشا من عراويه *** ما همـّـني لو الرخوم هرجوا بــي ما زادني لو يمدحون المسافيه *** نفضت من بعض الأوادم جيوبـــي شعر علي الريض المطيري ابونايف |
حنا مطير الله خلقنا مشاهير
من جدنا الاول لاخر نمانا عشان كذا ماولد بيننا صغير ماينجبن الاالمطنخ نسانا كلام جاهلنا كنوز ودنانير وكلام عاقلنا عقود وظماير وعذروني على التقصير |
|
أبو نايف غني عن التعريف وكل جديد لدى ابو نايف متميز
كل الشكر لك أخي معلا علىفتح هذا المتصفح و بإذن الله لنا تواجد لكل جديد لبو نايف |
وشلون انقلب الحال ***الليل روح وانهزع بي جريده
والصبح ما بين على روس الاطلال ***وانا شريط الذاكره قمت اعيده واشوف وشلون انقلب حال عن حال ***وذكرة من جاه الترف غصب بيده واليوم صارت بالملايين تختال ***كانت فقيره بالحياه الزهيده محرومةٍ من لعب واحلام الاطفال ***وكانت فرح قلبي وهمه وعيده لا شفتها شخصت بشماغ وعقال ***كانت تقول امي تراها شديده وبوي مات ولا ذخر عقبه عيال ***وانا اعتبرني من خواتك وحيده |
| الساعة الآن 02:52 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "