|
عاشق هباء ياصاحبي
هذي الابيات حين ماطلب مني احد الزوار يقول ياالليث
اكتب مطالبن بعودة عاشق فكتبت هذي الابيات ياالليث اكتب وانتق اجـمل حـروفك واكـتـب لعاشـق بيت وجمله مفـيده عاشق هباء ياصاحـبي مـانــشـوفك طال الـغــياب الـيــوم وزود رصـيده مـتـى نـشـوفك بـس تسمـح ظـروفك في عــودتك لك مــني احــلى قصيده |
كفو يامقدي الجهام
تقول وتطول ميراسمع يامقـدي الجهـام جهــزصفوفك وازهم لنا نايف ومن هوتريده واحذرمن الشعارلاحدن يطوفك خابرك شاعـر بالمـواقف وليده يعلم الله من اعجابي بتعليقك واسعدني مرورك عاد انت ونايف مافيكم حيله |
صح لسانك يالليث كفو ولعت المنتدى
شكلها ملعبها ناريه ماهم تاركينك مقدي وابن معلي حنابانتظار الشعار |
ياصاحبي مشكور منسى معروفك
............وأهل الوفاء ماهي عليهم جديده الطيب يالـيث الـعرب مـايطـوفك ............والعذر لأصحاب العقول الرشيده يالوصل كيف البعد يلغي طيوفك ............وفي وصلكم تبقى الليالي سعيده المعذرة كتبتها على عجل من جوالي وجعلي ما خلا من مشاعركم الطيبه .. |
صح لسانك اخي عاشق هباء
وبيض الله وجهك على الرد |
شعور طيب من الليث وصح لسان الشاعرين الليث وعاشق هباء كل التحايا لك
|
تسلم عـــسى راعــي الردا مايحوفك
عاشق هباء راعي الصفات الحميده ماهـي غـريبه وانت مـكرم ضــيوفك انـتـم رجال اهـل الـــوفاء والعــقيده يالــنــادر اللــي فارقـاتـن وصــــوفك جزلن وبالـــمــوقــف فـعــولك وكيده |
اقتباس:
والليث على اتم الاستعداد لهم ومنهم نستفيد |
اقتباس:
الكـــف النــــــدي شعورك اطيب وصح بدنك اسعدني مرورك |
عسى ماطول يامقدي وقوفك الوقت قاسي والليالي عنيده يلوفني يالليث مما يلوفك ومحاورات الليث فرصه سعيده بحط معدالي وعطني كفوفك ماني مخلي للشرايد شريده |
امـا تكــوف اللــيــث والايـكــوفك
بالشعــر يانايف ماهــو بالجريده عـجـزت امـيز بين امانك وخوفك واللي ماصاد الليث يمكن يصيده انكان فـيـهـا حـق جـهــز خروفك طاح العشاء والنار تشعـم وقـيده |
سليت سيفي وانت جهز سيوفك الموت واحد والمغادر فقيده.. والله لعشيك وتعشى ضيوفك وندسم الشارب على ما يريده وتروح راسك ما تشيله كتوفك وتقول يازين الحكومه رشيده |
دقيت طبل الحرب واجمع دفوفك
الــمــوت ياطيبه لروحن شـهـيده يمكن بعد يومين تـكــثر حسـوفك وترجع يانايف وتعشى العـصيده بس اطــلــب الله لاتـكـثـرحــلوفك وقل للـصـعـيدي لايفارق صعـيده اعتذر عن تاخري ودخولي الموقع من نشيط ليد نشيط بسبب تواجدي في المناسبات واشكرك اخي نايف والمعذره يابن معلى ربما تكون اخر محاوراتي لاعدم تواجدي باستمرار |
| الساعة الآن 02:15 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "