|
ديوان الشاعر رويضي وسمي العزيزي
السلام عليكم ورحمة الله وبركاته اخواني مرتادي منتدى بني عزيز انقل لكم هذه المساجلة الشعرية الرائعة بين الشاعرين/ فهد عايض العزيزي و رويضي وسمي العزيزي البداية للشاعر / فهد
مسندي يامسندي يامزبنة الدخيل=احفظ وصاتي وامانه تعن ودها هاك ريمه ماتصنف بلوحات ومديل=بنت حرآ مقتنيها واصيلآ جدها ماشكت في دربها من عضا ولامسيل=ماوقفت قدام ورشات جيب وردها محتسيها للوازم مع الدرب الطويل=لا حداني ضيق الا يام قمت احدها ذيب ماتحتاج لوصايتن والا دليل=الجمال ظهورها للحمول وقدها جهز شدادك وعب المزاهب والصميل=ومع صلاة الفجر فك العقال وقدها خلها بالزرفله كن صايبها جفيل=تطوي بساط الوسيعه وتاطا خدها والظهر ميرادها فوق خضره والمقيل=تمسي ام الليل قبل الظلام يلدها سرها مع ضوء قمرا مثل شمس الاصيل=والضحى تمشي مع الخبت مازين فدها ثم وردها بريمان مدهال العميل=عند ابن وسمي على الباب نزل شدها من رجال الجود والطيب والوزن الثقيل=محتمي ميقافها واللوازم سدها مع رجال العرف والشعر كالسيف الصقيل=يسبح بحور الشعر جزرها مع مدها ثم لاساقلك فنجالها بنآ وهيل=بالوصايه لا توخر عليه وبدها قل لبو نايف ترى مطلبي وقتآ قليل=حسبت اليومين ماتقول ينقص عدها مرحبا واهلين منزلك فالقلب الضليل=طالبك ياصاحبي دعوتي ماتصدها في ديار مربعه زادها جوآ عليل=مع نشاما طول الايام ماأظهر سدها طيعني وابشر برد الزياره والجميل=اخذ علمي خل مزح العلوم وجدها والرد من الشاعر/ رويضي
مرحبا وأهلين ترحيب هيل بدون كيل=حي من يمي طويل المسافة كدها فوق حمراً يوم تروج مع البيدا تهيل=رجلها تاطا مع البيد ماطا يدها يوم تمشي كنها فالمناشي تستخيل=مزنةٍ لفح الصبا يوم هبهب صدها يوم أوصف زولها خصرها ضامر نحيل=وصفها وصف القديمي ليا أدبح حدها تنّحش من كل روغن وحس وتستزيل=يوم تحرف عينها للخمر وتلدها يوم جتني مقبلة زولها ماله مثيل=بينت عرقاتها ومغزلن في عضدها قلت حيا الله ركايب هل المد الجزيل =ربعتن تلطم خشوم العدا وتضدها مرحبا يالضيف وأقلط على بنن وحِيل=في مداهيلن لمثلك يعجعج ندها أنت لك واجبك وألا الذلول ألها كفيل=قوم يانواف عش الذلول وغدها ثم ثالث يوم قربلي الشاصي وشيل=الذلول ورسلت القرم تاخذ ردها فوق جيبن لاأنحدر شوفته تبري الغليل=كنه أغلى صقور سلطان يوم يهدها من مديلاتن جديدة موردها الوكيل=هو خلاصة فكرة اللي تميز بالدها أسهجه لين يتوسط من الحرة وميل=والجبال النايفة فالوطا تعدها إلف منهو عن دروب النشاما مايعيل=المراجل هي توده وهو يودها من رجالن طيبها ورث من جيلن لجيل=بالشهامة والكرامة رهين عدها قله أن العذر في مثل هاذي مستحيل=يافهد للي يمد اليمين أمدها وعد ماتبدي نجوم السماء في كل ليل=لك تحيه وافين صاعها مع مدها |
يعطيك العافية علي طرحك المميز
صح لسانك وصح لسان الشاعرين / فهد عايض العزيزي و رويضي وسمي العزيزي لكم مني خالص الود |
ياااسلام ..
صح الله السنتهم . وهؤلاء ليس مستغرب عليهم الابداع في غاية الروعه والجمال .. ابن حافل .. لك الشكر على النقل ونحن في انتظار المزيد من القصائد والرديات بين شعراؤنا المتميزون.. تقبلوا تحياتي |
صح اللسان الشاعرين
وشكرا يابن جافل على النقل المميز تحياتي |
ابن حافل
الله يعطيك العافيه صح لسانك وصح لسان الشاعرين / فهد عايض العزيزي و رويضي وسمي العزيزي كن بخير اخوك نواف بن صعير |
الف شكر لمن مر بالموضوع
|
مساء الخير
ابن حافل شكرا لك على مانقلت لنا وامتعتنا وصـــح لسان الشاعرين ونتمنا منك المزيد |
ديوان الشاعر رويضي وسمي العزيزي
تعل عالي نجد وأمطر ياهماليل السحاب =يانو ذيك المزنه اللي مدلهم خيالها اللي روافيهامن المنشا مثل روس الهضاب=البرق يبرق في طرفها والرعد في جالها لعلها تسق المواطن والمرابي والشعاب=مدهال حمرن في مراتعها يلوح هلالها وسيمت اهل العز وهل المجد دمثين الجناب=قومن الياجت حزت الشده يضل ضلالها بني عزيز اهل الكرم والجود والراي الصواب=حلالة القاله الياكبرت وهم رجالها أتمنى أن تحوز على رضاكم تقبلوا تقديري |
بني عزيز اهل الكرم والجود والراي الصـواب حــــلالــــة الــقـــالـــه الــيــاكــبــرت وهــــــــم رجــالـــهـــا صح لسان الشاعر رويضي وسلم نقلك حفيد عامر خوي الذيب |
كفو والله صح لسان ابو نايف
شاعر جزاله ولايكتب الا الجزله سلمت يمناك اخوي حفيد عامر على النقل وبانتظار جديدك وجديد ابو نايف |
عز الله إنها أبيات جزله وتساوي معلقات .. بيض الله وجهك ياحفيد عامر .. وصح الله لسان شاعرنا أبو وسمي ,,, |
صح لسان الشاعر الجزل
وسلمت لنا ذائقتك حفيد عامر،،، |
صحت ابدانكم جميع وشكرا للجميع على المرور العطر تقديري |
سلمت يمناك ياحفيد عامر صح السان قايله قصيده من حبك شاعر مبدع تقبل تحياتي |
شكرا لكل من مر هنا تقديري |
رويضي وسمي وفاتنه جديدة
مل قلبن كل ماهاد الهجوس اتله =تلت الدلو الثقيل اللي طويل رشاها ماشكا من قل مال ولا طراله خله=ذاكرن له ديرتن له مدتن ماجاها شفه المرقاب قبل الصبح يبسط ظله=في طوالن تتعب الرجلين من مرقاها الطوال الشمخ اللي للسما منتله=اتعلا روسها لو يصعب امعداها الدير يوحش خلاها والجبال مطله=من مواطي صيدها كن الدبش يرعاها وتركد بالنظر من خوف شي ازله=وابسط الدربيل لسفلها ونا فاعلاها حارصن درب الوعر من خوف لاتجفله=من حيودن رقبو خوياي يم اقصاها عادت اوحوش الخلا دوم الوعر تزبن له=لن نحشها الريح ولا حسهم جلاها وبرح ا لمقطاعهن من خوفهن ينحن له=شردن لو جفلت ولياي في مرماها في يدي سردن غليل القلب تشفي غله=مايهس عيارها من حيث مانقداها شكلها يفرق عن الصندوق طقمه كله=ميزوها شيخت الصنوق من مجناها واضحه من نقلها فالوزن يوم تقله=مامع اللي ينقلون ام القفش حلياها كل شين يابو مهدي غير هذا امله=هي طرات الروح من دور لها يلقاها سجت الدار الخلا جعل السحاب يعله=من مزونن غر لاح البرق في منشاها للشاعر: رويضي وسمي |
صح لسان الشاعر رويضي
وسلم نقلك اخوي حفيد عامر خوي الذيب |
تسلم على النقل الرائع وصح السان الشاعر رويضي |
مبدع شاعرنا ابو نايف
اجاد في تطويع الابجديه حتى خرج لنا بهذا النص الفاخر صح لسان الشاعر رويضي وسلمت يمناك ياحفيد عامر على تزويدنا بكل جديد لشاعر يطربنا كل مايكتبه |
صح لسان شاعرنا أبو نايف ,,,
وسلمت يمناك ياحفيد خوي الذيب ... |
تسلم على النقل الرائع
وصح السان الشاعر رويضي |
فعلا انها فاتنه وجزله صح لسان شاعرها وسلمت يا ناقلها |
الله الله يابونااااايف
فـي يـدي سـردن غليـل القلـب تشفـي غلـه مـايـهــس عـيــارهــا مـــــن حــيـــث مـانـقـداهــا شكلـهـا يـفـرق عــن الصـنـدوق طقـمـه كـلـه مـيـزوهـا شـيـخـت الـصـنـوق مــــن مـجـنـاهـا واضــحــه مــــن نـقـلـهـا فــالــوزن يـــــوم تـقــلــه مــامــع الــلــي يـنـقـلـون ام الـقــفــش حـلـيـاهــا ليت يدون له ديواان فهذا المنتدى الشااااااامخ |
جديد الشاعر رويضي بن وسمي
اخواني 00اخواتي
السلام عليكم ورحمة الله وبركاته انابني شاعرنا المتالق دوماً رويضي بن وسمي العزيزي بانزال هذه القصيده التي القاها في الزواج الجماعي لـ(الزهاميل من الصواونه من بني عزيز)عام 1433هـ وشاعرنا غني عن التعريف ويعرف بمفرداته النادره والفريده سخر الابجديه حتى اشبع ذايقة كل متذوق للشعر العربي الاصيل وهاهو يشدوا بهذه المعزوفه الشعريه على امل ان تنال اعجابكم يامرحبا ترحيبةٍ احلى من ثمر هدب الجريد=ترحيبةٍ تسبقها صفر الدلال وهيلها للغانمين اللي لفونا من قريب ومن بعيد=حضورهم تزها به الحفله وينور ليلها الليله اللي تجمع كبار النشامى ليل عيد=ماكنها الا ناوت(ن)يسقي الضوامي سيلها جمع النشامى راس مال اخيرمن جمع الرصيد=اللي لهم وقفات في عدل الليال وميلها ياهل العقول النيره والعرف والراي الرشيد=الارض طار غبارها والقوم (عنت)خيلها والعز بالله والتكاتف مع(هل) الراي السديد=(ال السعود)اللي ترد ترد اهل العيل عن عيلها حكامنا سور البلاد مرويه شذر الحديد=نصغي لها والا دعاة الشر مانصغيلها والدين عز ومن تهاون فيه ماحضه سعيد=(ياوي) امانه كلف الله العباد بشيلها واهوال بقعاء كل يوم وظاهر(ن)شيٍ جديد=السحب ترعد في سماها والبروق نخيلها دام الخطر ماجود والعدوان للامه تكيد=مايذبح ام جنيب من يضرب طوارف ذيلها لاصار ماتضرب بسيفٍ مثل سيف ابن الوليد=يقضي عليها في معاقلها ويبرد حيلها |
مشكور يابو فيصل وصح لسان شاعرنا رويضي |
سلمت يمناك ولاعدمناك ابوفيصل
وصح لسان الشاعر رويضي بن وسمي |
اقتباس:
اخوي البتار اسعدني مرورك |
اقتباس:
ولاشكر على واجب 00واجب علينا خدمة الطيبين مثلك ومثل ابو نايف اسعدني مرورك العطر |
ديوان الشاعر رويضي وسمي العزيزي
اخواني اخواتي اعضاء المنتدى
السلام عليكم ورحمة الله وبركاته اليوم نفتتح ديوان شاعرنا المخضرم رويضي وسمي العزيزي ليكون مرجع للجميع وحفظاً لحقوق شاعرنا |
حفيد عامر خوي الذيب علمٍ ثبات=اللي فعوله تناقلها حلوق الرواه
اوفاي حق الخوي ماهو هروج سعوات=وفاه حملٍ ثقيل يبرهنه من قواه لكن حنا لناميزه وفينا صفات=منهو نوانا بشر يذوق شرٍ نواه ناخذ بثار الخوي من ساير الكاينات=اليا أرتبطنا بخوه نفرقه عن سواه نهجي سباع الخلا ونعشي الحايمات=يوم المحارب ومن يدرك عدوه شواه كم من حريبٍ نخلي جمع قومه شتات=وكم راس شيخٍ عليه الذيب كوسر عواه من فعلنا فالقدايم يوم اخذها وهات=قدام من هجد الفتنه يحرك لواه إلنا من المجد مانرقابه النايفات=مجدٍ سلفنا وحاضرنا سجله حواه واليوم ساد الامان وساري الشر بات=ومن لامشى في هوانا ماتبعنا هواه من شافها معجزه حناهل المعجزات=من قال اهل معجزه درب السنع ماغواه ربعي مطير اهل الردات وأهل الثبات=يومن كلن يجي فعله على مستواه |
مجاراة الشاعر محمد مخلد القسامي
قصيدة محمد القسامي لاحت بروق الوسم والقلب فزي.....................قلبي على شوف الحيا دوم فزاز يهز قلبي بين الاضلاع هزي.....................هز الذي هزه مع الوقت هزاز والقنص قرب والخواطر تحزي.....................وخاويت طيري مع جراهيد الابراز من فوق جيب(ن) لانهمته يفزي.....................من وارد اليابان والنوع ممتاز لكزس اليا منه عطى الدرب دزي.....................واليا استوى ممشاه بالجايزه فاز من شان ابطرد هم قلب(ن) يجزي.....................اطرد هموم(ن) سببت لي تنفراز واسج وسط الروض مع كل حزي.....................في صحصح(ن) خالي به الصيد لي جاز ابه المها وبه الحباري ترزي.....................رزة غنادير(ن) تسبب لك اعجاز واهد شيهان(ن) بعينه يقزي.....................يفرح اليا منه سمع صوت اليعاز يصيد جزل الصيد ماصاد وزي.....................ويشوق قلبي شوفته عقب ماناز واليا طرد بالجو لصيد جزي.....................مخلابه بضربه على الصيد جزاز ومن كل صيد(ن) بالحوافض نلزي.....................حسب النضام اللي ولاعاد يعتاز اليوم اشب النار من غير قزي.....................في وادي(ن) حزه من السيل حزاز واليا طرالي طاري(ن) قلت عزي.....................للي عن المقناص حاديه معكاز القنص لهل القنص تاج(ن) وعزي.....................مع طاعة المولى على فتوى ابن باز وعد الرياح اللي هواها يكزي.....................صلو على اللي لشفاعات هو حاز بقلم/ ريف النشاما . . . مجاراة لشاعر رويضي بن وسمي / يامل قلب(ن) لزه الهم لزي.....................متلعوز(ن) من شين وقته تلعواز اليا استوى ضو القمر وابرهزي.....................وانور على حدب الفيافي والاقواز يخزني من داخل القلب خزي.....................هم(ن) يحايدبي عن الناس وانحاز بغيت اريح منه والقرم دزي.....................رسايل(ن) تسكب على قلبي القاز قامت تجي من صوب حي الملزي.....................تشبه صواريخ(ن) تجرز تجراز ياليت لو(ن) المنى ما يجزي.....................نسج ياراع الرسايل وننحاز ونصبح مراب اللي اليا شاف كزي.....................واصغى لدرب(ن) عسر ماهوب ينهاز ودك الجفيل وللعيار استرزي.....................مع العضا قام ايتركز تركاز يازين رميه شوح ماهوب غزي.....................رمي الدرك ماهوب رمي التهزهاز بمسلبات(ن) تزت الملح تزي.....................عبرودها منه ايتنقرز تنقراز وناد المنادي بالعشى واستعزي.....................ولجت حداويهم من اجهاز لجهاز وتخيرو رجع(ن) من السيل نزي.....................عقب التعب يازين فيه التمركاز جلسة ونس ماهي مجالس تهزي.....................فيها السوالف والقصايد والالغاز الشاعر/ رويضي وسمي المطيري (مهد الذهب) |
ياذيب ياذيب ياذيب الخلا يالذيب سرحان=ياذيب ياللي تجر عواك في راس الطويله انته قلاك الخلا ولا تبيلك نزل عربان=والا مهيضك سنا برقٍ سرا عيني تخيله ياذيب انا برقب في علو الضلع ورقان=ارقب معي فالجبل والصيد نير لي جفيله نبا نتصاحب بعد كنا قديم الوقت عدوان=وتشيل همي وهمك مالك الا من يشيله من شان بعطيك (سرٍ)ماعطيته ليات انسان=توصله صاحبٍ عيت مراسيلي تجيله اسمك يكفيك (ذيب)ولكعزوم ولاانت بلشان=والناس ماتتهمك ولامعي انت حيله ترا هله من معلقة الصواب طوال الايمان=من يدركه رميهم ماعاد في شوفه عقيله عطه الرساله ودور لك عن البارود مزبان=لاتامن الذبح لن ناش الزند راس الفتيله ان كان جبت الخبر من صاحبي مدعوج الاعيان=كسبت لك في ياسرحان معروف وجميله وان مت نذرٍ علي لاخذ بثارك من هل الشان=لوانهم من كبار القوم وزحول القبيله وان ماقضيت الغرض ماكن شيء بينا كان=خلك بهمك وانا بهمي وكلٍ في سبيله |
ســـــلام تـسـلـيـمـن يــعـــم اهـــــل الـحــفــل والـحـاضـريــن
000000000000000000000فالـمـحـفـل الــلــي مــثــل نــجــم سـهــيــل يـــــوم ارقـابــتــه من شاعرن يوفي حقوق اهل الوفاء في كل حين 000000000000000000000يــافـــي ويــوفـــي فـــــي مـواجـيـبــه الــيـــا مـــــن صــابــتــه بـاسـمــي وبــاســم الاد(صــــوان) الــرجـــال الـغـانـمـيـن 0000000000000000000قـــومــــن تــــــــوف الــــحــــق لامــــــــن نــــوخــــوا طــلابـــتـــه جـيــنــا عــلـــى ســلـــم الــجـــدود مـكـمـلـيـن (مـبـاركـيــن) 0000000000000لـــــلـــــي دعـــــانـــــا لـــلـــفــــرح حـــــــــــق عــلـــيـــنـــا اجـــابــــتــــه ربــعـــن لـــهـــم تـــاريـــخ والــتــاريــخ خـــصـــم الـحـاقــديــن 0000000000000000000قــومـــن تـنــومــس يــــــوم كـــلـــن يــعــتــزي فــــــي لابـــتـــه اهل النقـاء والعـرف والماجـوب مـن طـول السنيـن 0000000000000000000والــطــيـــب (بـــــــذر) ولاغـــرابــــه مـــنــــه فـــــــي مـنــابــتــه ولـعـيـال عــــودن يــدحــم الــعــدوان بـالـجـنـب الـمـتـيـن 000000000000000000اشـــــــد مـــــــن ضـــــــرب الـمــهــنــد فـالــمــعــادي جــابــتـــه (عرميط) جعله من هل الجنه ياسامع قـول اميـن 00000000000000انــشـــهـــد انــــــــه شــــــــارب الــفــنــجــال عـــــــــن شـــرابـــتـــه وابـــــــوه قـــدمــــه طـــــــوع الــقــيــفــان بــالـــهـــرج الــثــمــيــن 00000000000000000000صــــاغ الـقـوافــي لــيــن سـمـعــت بــــه عـــــداه وهـابــتــه وعـيــالــه عــيـــال الـســعــد عــلـــى الـمـسـيــره واصـلــيــن 00000000000000000يـــــوم الاســـــد يـجــيــب اســـــد يــحــفــظ هــيــبــة غــابــتــه وشكراً لبو فيصل (محمـد) شبـل مـن ذاك العريـن 00000000000000000يــكــســب بـوقـفــاتــه جــــــلال الــطــيــب مــــــع كـســابــتــه طيـب الولـد مــن طـيـب ابــوه ومــن خـوالـن طيبـيـن 00000000000000000والا الـــــــردي مــافــيـــه ثـــابــــه لـــــــو يـــشــــد عــصــابــتــه وخـتـامـهــا صــلـــوا عــلـــى مـحــمــد إمــــــام الـمـرسـلـيــن 0000000000000000شــفــيــع الامــــــه عـــنـــد مــــــن يــعــبــد وتـــرجـــى ثــابــتــه |
لاتذبح الناس يابو عين فتانه=متسلسلٍ رمشها دعجٍ محاجرها الله عطاك الحلا والزين سبحانه=حافظ على نعمة الله لك وقدرها ياعين حرٍ متمٍ ريش جنحانه=من غاليات الحرار ومن نوادرها يادرة البحر لؤلؤه ومرجانه=ياغلى من اغلى الجواهر عند تاجرها كم ناس متعطشه وقلوب ولهانه=تبدي بنظراتها ماخفت ضمايرها احذر من الغي لايغويك شيطانه=ترا صغار الذنوب اول كبايرها مالوم قلبٍ عليك اهتزت اركانه=لو تاه عن مذهب الناس وسوايرها |
السلام عليكم ورحمة الله وبركاته
تل قلبي تل دلوٍ حملها فالقامه=المحال يلج صوته والرشا يجذبها تجذبه(حمرً)ردومٍ 00حايلٍ00 رزامه=لو يتل خطامها السناي مايقضبها من زمانٍ ماعرفنا حكمته وحكامه=وهجرةٍ تبحث خفايا كل من عاشبها الجلوبه غاليه والسوق له سوامه=غير راعيها جحد والوسم في منكبها والبواخر والسفن فالبحر عوامه=والهدف مجهول والحسبه غلط حسابها وردةٍ من دونها امواج البحر لطامه= وغبةٍ ماكل من غاص البحر غاصبها مايجيها الشاوي اللي محتزم بزامه= لو 00ذلوله مع تهاتيه الخلا يشعبها من جهل ينظر وراه وعلته قدامه=والبلا من خاف له من علةٍ ماتبها كل رجلٍ حسب مجهوده وحسب اسهامه=احدِ يعدل ميلها المايل واحد ينكبها من مشى من دون عرف يعيش في دوامه=ومن عشق دنيا الغرور وحبها هامبها من رضى (ببنود عقد البيع)قبل ابرامه=لايصيح وشرهة اللحيه على شاربها مستحق اللوم مايشره على من لامه=والنصيحه فرض عين لواحدٍ يطلبها الرجل دون المصالح يكثرون اخصامه=والذكي في هالزمان من لعبته يلعبها من تحزم ماعرف رمي الهدف ووقامه=ضاع بين اقسم بها 00 وانقل بها00 واذهبها صاحب الصنعه اللي يتقن صنعته علامه=هينه عنده وعند الغير يامصعبها والاوادم في جنوب الكون والا شامه=كل اهل مذهب تشوف الصح هو مذهبها قالوا اهل العرف( بنت)الرايمه روامه=والاصايل خامس انساب الفحل ينجبها من عطا درب السنع لو يتعبن اقدامه=الجماله دوم مردوه على صاحبها الرجل مازينه عند العرب هندامه=يرتفع قدره نهار الطيبه يكسبها من بغى فرقاك مانته ملزمٍ بليامه=والاوادم صعب نرضيها بعد نغضبها |
السلام عليكم ورحمة الله وبركاته
هذه المتواضعه لعيون اخونا الليث وحسب طلبه لعلها ترضي ذائقته
ايه يامعشر الشعار والعلم خير= قبل تطرح صغار السوس سن الجما اقصمت قشة الجمال ضهر البعير= مايفيده دواء مكواه لو احتما من عطى له طريق ولاعرف يستنير=تاه اما ذبحه الجوع والا الضما والعمى اللي يتيه الدرب وهوه بصير= ماهو اللي يتيه الدرب وهوه عما الغني لو يبى ياخذ طعام الفقير=كتبت ارزاق خلق الله وهي في السما شاعرٍ مايجيب النادره يستخير= يوم يسمع كلام الشاعر الملهما خذ مثل شعر ابن جدلان ماله نظير= من سمع مفرداته شاش له واستما البيوت الجزيله نفحةٍ من عبير=كنها موعظه والا كلام حكما وكل سيلٍ ليا وصل محيره يحير= يتراكم ولامن زاد نوه طما |
تفـتخربك بني وايل وتفـخر مـطـير
معجب الليث بك والله يمين اقسما |
قصيدة الشاعر رويضي وسمي العزيزي في مدح ثامرسليمان العزيزي
ياثامرسليمان عبر المناديب / جاناخبر فزعتك في طرف ساعه سطرت مجدك في ديار الاجانيب / وتناقلوه مراسلين الاذاعه ماهي غريبه منك يامنبع الطيب / ساسك عرريب ومنسبك من شجاعه من روس قومن يحتمون المواجيب / فالسلم ولا في نهار القطاعه لله در مثيب وذخيرت مثيب / وحين نجبك وجعلها لك شفاعه نومست ربعك ياعقاب المراقيب /. يالحر يالي ماكرك فالرفاعه عادة بنيي صوان فعلن بتجريب / الطيب فعله يطمعونه طماعه وبني عزيز مغثبيرين المشاريب / الياانشلع عبرود راس السراعه مجدن لمجد امطير يزها المكاتيب / يومن كلن نجدته من ذراعه وصلوعدد ماتطلع الشمس وتغيب / على الرسول وخير هدي اتباعه الشاعر رويضي وسمي |
صح لسان الشاعر رويضي على هذه القصيده الجزله
ويستاهل ثامر اكثر من قصيده بيض الله وجهه رفع راس ربعه بفعله البطولي وسلمت يمناك اخوي الواثق على النقل |
صح لسان الشاعر الجزل رويضي وسمي العزيزي وبيض الله وجه ثامر اللي رفع روس قبيلته بهذا العمل الذي يدل على مروته وشجاعته ..وهذا لايستغرب منه..... والشكر لك اخي الواثق على النقل الرائع .............تحيتي لك.............. |
| الساعة الآن 11:37 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "