ودعتــــــــــهم
 

أتمنى أن تنال إعجابكم





ودعتــــــــــهم قالوا نشوفك على خير === ودعتـــهم وجروح قلبي وساعي

ودعتهم واقـفيـت مـقـوى علـى السـير === والعيــن للـدار العــزيزه تـراعي

دارٍ بـها تلقـــى الوجيـــه المسـافــــير === اللي مفــــارقهم يــزيـــد التياعي

ربـــعٍ لهــم بالقــلب حشمـه و تـقــدير === تقـــديـر من قلبي ولاهو صناعي

هم مسندي لن جا من والوقت تقصير === هم راس مالي فالظـلايـم شعاعي

لي حــال معهم واصبحت دونهم غـير === فـي دار (؟؟؟؟) نـايـم الهم يـاعي

ودي بقــرب الــدار مــير البـلا مـــير === ودي وحـكم الشغـل يلوي ذراعي

و الرزق عند اللي رزق تــايه الطــير === مكتـوب فيـها لقـمتـي وانتـفـاعي

هــذا القدر والله كتـــب لـــي مقـادير === لاشــك مـانـي للـمـقـاديــر راعي

ليـت الزمن يِدهن وندهن لـه السـير === وليت ألإجــآزات الطويــله تباعي

ودعتــهم وآقــول يالله عســى خــير === يالله عسى عقب الفراق إجتماعي

يعطيك العافية اخوي الوايلي

صــــح بدنك يالفارس.

والله أنت ألأميز

أخوي الطريس صح بدنك.

أشكرك كل الشكر على هذا ألإطراء. ومن شخصيه مهمه مثلك

الله يعافيك يالطائر الأخضر

يالواايلي ياقشر فرقى المناعير ... ماخس منها الا ثوان الوداااعي



صراااااااحه انك مبدع يالوااايلي ..

اقولها وحــظي على الله..

صح لسانك
يعطيك العافيه علي طرحك المميز
تقبل تحياتي

عز الخوي اشكرك ويعطيك العافيه

بيرق مطير

صــــــــــح بدنك ياغالي

مشكوووووووووووووووووور يا الوايلي
قصيدة جزله
تقبل مروري

اخووووووي الوايلي
صح لسااانك والله لا يهينك والله انك مبدع
فااااااااااااااالك المليوووون
زودنا بكل جديد يا عزوووتي

شاعر كفو وصح لسانك

مشكور
ويعطيك العافيه

الله يعيطكـ العااافيه اخوي الوايلي على هالطرح الاكثر من رااااااائع ,,,,,,

اعجبني:
ليـت الزمن يِدهن وندهن لـه السـير === وليت ألإجــآزات الطويــله تباعي
ماننحرم من جديدكـ اخوي الوايلي ....

تقبل مروري

ليـت الزمن يِدهن وندهن لـه السـير === وليت ألإجــآزات الطويــله تباعي

ودعتــهم وآقــول يالله عســى خــير === يالله عسى عقب الفراق إجتماعي

يلعن ابو البيت هذى نادر من نوعه
مشكلة الزمن مايقبل دهن السيروالاجازات رسميه
صح لسانك يالوايلي
ولك مني اعذب التحايا

اشكر جميع من مر على قصيدتي

وهذا يدفعني لتقديم الأفضل

والله يعطيكم العافيه