الشعر ماهو هواية أو دراسة ياجميل=الشعر مثل السحر لا من لقيت الملهمه
فيه حبك وفيه سبك وفيه للمعنى فتيل=فيه فزات الخواطر والحروف المبهمه
قاف مر وقاف أمر وقاف حلون سلسبيل=وقاف رومنسي وقافن كل مابه همهمه
وقاف حكمه ماتبي غيره من الحكمه بديل=وقاف تلقابه شجاعه والشجاعه تنهمه
وقاف طاروقه ليا غنابه القلب العليل=هيض هجوس الهواوي والخلايق تفهمه
وقاف نكبه في وصوفه قاف من آخر موديل=شاعرن شاف الفراشه فوق ورده تزهمه
وقاف لوسموه قاف نقول طبعا مستحيل=شاعرن يكتب سوالف حشموه لدرهمه
وفي ختام القول مني هاك يالطرف الكحيل=كل شعري ماكتبته غير بأحلا ملهمه

يامغن القاف معناك بالوزن الثقيل= يمكن يزيد الجروح الطبيب بمرهمه
من بناله بيت يالربع في وسط المسيل= لاحتدم سيل المخايل تراها تدهمه
القصايد شرد الصيد من عقب المقيل =والمشاعر والشواعيركلا وسهمه
أحد صاد الموالي وأحد صاد الجزيل= واحد صاغه صياغه والاخر رهمه
والشعر بالوصف ماهو من المولى نزيل= فيهن الوضح النوادر وفيهن مجهمه