|
أكتبيني ياقصيدة
أكتبيني ياقصيده كم أنا مره كتبتك=وأشرحيني للحبيبه ليه عنيت القصايد فهميها عن جنوني لاتولمت وحبكتك=وش خطر في بال تركي غير لبّاس القلايد خبريها كم بحرٍ جيت أنا منه وقطفتك=ذكريها بالحقوق وبالسلوم وبالعوايد علميها عن ظروفي علميها لاعدمتك=ليه عيني من عناها حاربت نوم الوسايد جاوبيني ياحروفي لاتماديت وسألتك=منهو اللي في خفوقي نار حبي له وقايد ماكتبني غير قافك ماسترني كثر صمتك=كل همي تفضحينه لاغدى بالجوف زايد تنثرين حروف عشقي كل ماقمت ونظمتك=ماعصيتيني بقافك ماطلبتيني سدايد بس هالمره دخيلك بس هالمره طلبتك= فهميها ليش تركي كاتبٍ ذيك القصايد |
تركي العزيزي
صح الله لسانك قصيده جزله ولاهو غريب منك مبدع دائما يعطيك العافيه تقبل تحياااتي |
صح لسانك
اخوي تركي العزيزي قصيدة جزله |
تركي العزيزي
صح لسانك قصيده جزله وابيات جميله دائماً مبدع اخوي تركي |
بيض الله وجهك ياشاعرنا المبدع
تركي العزيزي صح لسانك تنثرين حروف عشقي كل ماقمت ونظمتك = ماعصيتيني بقافك ماطلبتيني سدايد اعجبني هذا البيت واكيد للقصيد عليك جمايل كثيره لانه مايعصاك ولايطلب رد الجميل منك بارك الله فيك وننتظر جديدك |
صح لسان الشاعر تركي العزيزي
قصيدة جزلة ولايستغرب عليك والى الامام يااااشاعرنا تركي العزيزي |
اخوي العزيز . الشاعر. تركي العزيزي السلام عليكم رحمة اللة وبركاتة ............. وبعد الحقيقه اسمع عنك وعن اشعارك وكم تمنيت ان اقرا شي من قصايدك واليوم والحمد للة ؤفقت وقريت هذي الرائعه واشهد للة بانك مبدع وترفع الراس وصح لسانك على هذى المقطوعه الشعرية الجميله ومؤفق بذن اللة والسلام اخوك. حامد رضا |
سفير المهد
صح بدنك تقبل تحياتي |
الطائر الأخضر
تسلم يالغالي تقبل تحياتي |
أبوفارس
صح بدنك شكرا للمرور العطر |
الطريس
هلا وغلا صح بدنك شرفتني بالمرور العطر وأنا والقصيد نصفين لاتتجزأ تقبل تحياتي |
أبوماجد
صح بدنك لك مني أرق التحايا |
أخوي
حامد رضا أسعدني إطلاعك ومرورك والله يسلمك ومثلك وشرواك نقف عند آراؤهم لطول تجربتهم بالشعر لك مني أجمل تحية أخوك تركي بن مرزوق العزيزي |
هلا والله أخوي و ابن عمي تركي العزيزي ياأسطورة شعراء منتديات بني عزيز صح لسانك يا الغالي وصح قلبك سيمفونية جديدة تعزفها لنا مجدداً أيها الشاعر المتألق متألق دوماً وشامخ في فكرك وشعرك دمت هكذا يا ابن العم قصيدة جزلة من رجال جزل ما شاء الله عليك موهـوب ومبدع وشهادتي فيك مجروحة يا ابن العم يا أخي والله اني استمتع بقراءة شعرك وتحيتي لشخصك الكريم مشكووووووووور كــُـن بـخيـر أخـي الـفـارس أبو عبدالعزيز |
الفارس
أسعدني مرورك ولك مني جزيل الأمتنان على المتابعه الدائمة تقبل تحياتي |
| الساعة الآن 08:33 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "