|
المحاوره الرابعه من جدول المحاورات الاسبوعيه . الشاعر /حامد رضا . الشاعر /سعد الجريد
|
عمر عمران
الله يعطيك العافية حيا الله الشعاار ننتظر المحاوره بفارغ الصبر وننتظر إبداع الشعااااار جزاك الله خير على التنسيق وحفظ الله مشرفنا سفير المهد كونوا بخير أخوك نواف بن صعير |
بسم اللة الرحمن الرحيم اخواني اعضاء وزوار منتدى بني عزيز ارحب بسمي وبسمكم - بالشاعر الكبير - سعد الجريد واقول مرحبا اخوي الشاعر سعد حياك اللة والشكر كل الشكر لمن وضعني طرف في هذي المحاوره والامسيه الجميله وعسى انا وزميلي نقدم المفيد لهذا المنتدى الغالي ولكم اجمل تحيه - حامد رضا |
السلام عليكم ورحمة الله وبركاته مساكم الله بالخيـر الجميـع0000 ويشرفنا الحضور والتواجد في هذا المنتدى الادبي الشامخ منتدى بني عزيز الرسمي ويشرفني أيضا ً مقابلة اخي الشاعر حامد رضا وكل الشكر للحاضرين من اخوانا الاعضاء والزوار والشعراء 000 عسى الله يوفقنا لتقديم مايرضي الجميع ويليق بمستوى هذا المنتدى الراقي وكل الشكر للجميـــع 000 وبإنتظار اخي الشاعر حامد رضا 00 |
يامرحبا يالجريد عد ماهلن الامزان=من صادق المزنه اللي هلت الما من مطرها ياراعي الشرق لا تاخذ علوم فلان وفلان=اخذ الخبر من رجالن ماتكذب في خبرها |
عليكم السلام اخوي سعد حياك اللة ومشكور على حسن الحضور |
دام البقـى والوفـا والطيـب لأهل الطيــب عنــوان000من شاعر ٍ كلمتـه بين النشامـا يختصرها
ان كـــان عنـدك خبـر ، مافيـه حجـه دون برهـــان000سـج القدم والرجـال الطيبـّه يبعد نظــرها |
صح لسانك ياخوي سعد بيض اللة وجهك |
الأخ
عمر عمران نشكرك علي هذا التنسيق الطيب كما نشكر لك تعاونك الملحوظ مع الأخ قائد مسيرة الشعر والإبداع بمنتديات بني عزيز سفير المهد , ونحيي كل من شاعرنا وعميد شعرائنا ابو عبدالله (حامد رضاء) ويشهد الله اني فخور بك يا ابو عبد الله واصل الإبداع يالغالي وشاعرنا العزيز علي قلوبنا ومن ملكنا بأدبه وأخلاقه الشاعر سعد الجريد وصح الله لسانك ياابو عبد الله ومت ملك للشعر عامه وصح الله لسان الشاعر سعد الجريد ونود ان نعتذر عن عدم استطاعتنا اقامت التنسيق والترتيب للمحاوره السابقه وهذا موضوع الاعتذار لشاعرين حمد الشلاحي وابن مره خاصه وللجميع عامه http://www.azizenet.net/vb/showthrea...9155#post39155 |
انته من ايا القبايل ياعميلي طير حوران=عطني من العلم حمضه والسفينه في بحرها ذيك السنه يوم جيتونا على الترحيب ضيفان=قمنا بحق الضيافه واللة الوالي سترها |
اقتباس:
ياسلام يا سلام يا ابو عبدالله صح الله لسانك وسلمت يمينك وجزل جزل يا ابو عبدالله وسجلني من المعجبين دائما بك وبتميزك في جميع المجالات وانت الله يسلمك تميز المنتدي والشعر يالغالي |
اللة يبارك فيك اخوي - واصل عزيز - والفخر واللة لي انا بوجودي بينكم انت واعضاء هذا السرح الشامخ ومرافقتي لمسيرة الشاعر سعد الجريد - واشكرك اخوي خالد على هالكلام الطيب التي هو بلسم جروحنا وتشريفك لهذي الامسيه ودمت رافع رؤسنا بافعالك الطيبه |
السلام عليكم
هلا يالله حي الشعراء الطيبين حامد رضا سعد الجريد صح السنتكم وشعراء متمكنين يالغالين واصلو وحنا متابعين |
اخوي عبد اللة صلاح اللة يبارك فيك وصح اللة بدنك يالغالي وجودك فخر لنا |
السلام عليكم ورحمة الله وبركاته
مساكم الله بلخير ياربع صحت لسنتكم حامد رضا صح لسانك سعد الجريد صح لسانك وحياك الله في منتدي بني عزيز وسجلني في صفك ولا يهون حامد رضا دبر نفسك اخوي حامد متاااااااااااااااااابع واصلووو واصلووو الليل الليل |
طيب طيب انا سـلايـل بنـي غانـم ومن ذربيــن الايـمــــان000من عزوة ٍ تتبـع نهـج النبــــي والله نصــرهـا جيـناك ياصاحبـي حـامد رضـا كلـه على شـــان000نعطيـك شلفى وسيف ٍ لو ضرب رجلك بترها |
اقتباس:
سعد الجريد ونعم بك والله وعلومك غانمه يالغالي وصح الله لسانك يالنشمي |
واصل عزيز00الله يحييك ياخوي ويرحم والديك يالغالي ولاهو غريب الطيب من اهل الطيب 00لاهنت00 00000000000000000000000000000000000000000000000000 000 عبدالله صلاح 00عليكم السلام ورحمة الله وبركاته الله يحييك وصح بدنك ومتابعتك شرف 000 لاهنت 00000000000000000000000000000000000000000000000000 00 حصان مطير 00 رجل الانجازات000 عليكم السلام ورحمة الله وبركاته ومساك الله بالنور والسرور 0 وصح بدنك يالغالي000 الله يحييك ويرحم والديك ووقوفك في صفي يعتبر بحد ذاته نجاح وفخر00 لانك والكل يعلم انك صاحب الانجازات والنجاحات المستمره00 بما تقدمه من مواضيع هادفه ومن دعم مستمر للشعر والشعراء 00 لاهنت يالغالي |
ماعليك زود ياخوي واصل عزيز 0000 والوفا والكرم والخير في كل ديره 0000 متابعتك شرف لنا يالغالي |
والنعم فيكم على وضح النقى في كل ميدان=يالغانمي غن والايام لاتامن خطرها
جيتو من اللي هجدكم ونتصب في قصر د سمان=شلفاك مافادتك ربي عن الواجب عثرها |
اخوي العزيز حصان مطير صح بدنك وبيض اللة وجهك على الحضور الطيب |
لاهنت والطيب لأهل الطيب وانته من هل الشـــان000والناس تمشي ولاتعرف متى ساعة قدرها ماجيـت ابي فزعتك ،لانه جزى الاحسان الاحسان000جيت اطلب العزوه اللي ماحد ٍ ينكر فخرها |
انا من العزوه اللي تفتخر في قول مطران=وبيوتنا ياسعد لضيوفنا ربي عمرها لنا الفخر فالرجال اللي على الميقاف شجعان=وانا معزبك بسم ملوكنا وانت تخبرها |
ماقول فيكم قصـور ، وذكركم من ماضي الازمان000لكن لاتحـيـــي الفتـــنه بعد ربــــي دمرها يامعزّب الضيــف سّرح فالرعيـــه خمـس رعيـان000الذيب ناوي يحوف فـ ليلة ٍ غايب قمرها إعتقد حسب الشروط ان التغير عندي الآن ؟؟ |
حامد رضا و سعد الجريد صح السانك وكفيتم ووفيتم في الطاروق الاول ونعم حسب الشروط عندك التغيير ياسعد والله لايهنكم ووووووووووووووووووووووواصو متابعون لكم لاهنتم |
اخوي الشاعر سعد ماقصرت بيض اللة وجهك انت ومن حضر والان عندك البدايه |
صح السنتكم
يا شعار واعذروني على الحظور المتأخر لظروف خاصه |
الشاعر المحترف - عمر عمران صح بدنك انت والجمهور الغالي ومشكورين على حسن المتابعه |
اخونا وزعيمنا المراقب الفذ الزعيم صح بدنك وحضورك وافي ولاحصل قصور |
صح بدنك ياخوي الشاعر 0عمر عمران وحياك الله يالغالي صح لسانك ياخوي الشاعر حامد رضا 000 ولاهنت 000 واستلم يالغالي سلامي سـلام ٍ منهجـــه ديـــن ربـي والرســـول000سلام ٍ على الحضـار ينساق00رفرف ياعلم ياحامد رضـا قرّب وسولف على حسب الاصـول000ترى الصدر يارجـال ماضاق00رفرف ياعلم |
الزعيم حياك الله الله وصح بدنك معذور يالغالي |
اقتباس:
يا سلام ياسلام صح الله لسانك ورحم الله راس ذخرك لشعر طاروق ابداع في شعراء ابداع واصلو يالنشاماء ولو غبنى عن الصفحه إلا انا متابعين ومعكم بالقلوب واشوق منكم علي الرد التالي |
هلا مرحبا ترحيب من شاعرن ماهو عجول=يسوق القدم للخير والساق رفرف ياعلم
انا ياسعد عندك قريب عسى عمرك يطول=وقلبي مع الاصحاب ماباق رفرف ياعلم |
عن اذنكم خروج مؤقت يالربع |
يدوم البقـى لو كان بعض الحــكي مالــه قبول000لكن جبت انا للعلم مغلااق00رفرف ياعلـــم نصحناك عن وادي الرما والرما درب السيول000وبنيت الك بيت ٍ ماله رواق00رفرف ياعلم |
أعتذر عن اكمال المحاوره 00 وشكرا لكل من حضر هذه المحاوره من اعضاء وشعراء وزوار 00 وكل الشكر لأأخوي الشاعر حامد رضا00 وانا والله من الساعه 8 مساء على الجهاز حتى العشا مافيه وقت اتعشى والان الساعه 1 ص 000 واخوي الشاعر حامد رضا خرج خروج مؤقت ولا اعرف مدة هذا الخروج 000 شكرا للجميع واتمنى ان تسامحونا على القصور ان حصل 000 عسى ماكنا ضيوف ثقال عليكم 000 واشكر اخي سفير المهد على هذا التنظيم الرائع 00 والذي غير مستغرب منه لاانه رجل مستمر في دعم الشعر والشعراء وتنظيم المحاوره لخدمة الجميع وبالاخص الموروث الشعبي 00 (فن المحاوره )000 شكرا للجميــــع تصبحون على خير |
اخوي الشاعر سعد الجريد اول انا اشكر واقدر حضورك الرائع واقول بيض اللة وجهك وصح اللة لسانك ودمت شاعر مبدع لهذا الفن العريق وعذرنا لو حصل اي قصور في الضيافه واللة العظيم ان لي الشرف باللعب معك انت وامثالك من شعراء المحاوره والرجاء العوده لنا حسب ضروفك وقدرتك -------------------------- واشكر اخي العزيز واصل عزيز على تشريف المحاوره وخواني الاعزاء سفير المهد وعمر على التنسيق الرائع والجمهور والشعراء الحضور ولكم مني اجمل تحيه - حامد رضا ------------------------------- |
| الساعة الآن 04:35 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "
