|
محاورة هذه الاسبوع 2/1/1430 يوم الثلاثاء
|
يعطيك العافية اخوي عمر عمران بتوفيق انشاء الله لك نت وبن مره وتقبل تحياتي
|
عمر عمران
الله يعطيك العافية وننتظر المحاورة مساء هذا اليوم بمشيئة الله تقبل مروري أخوك نواف بن صعير |
عمر عمران
الله يعطيك العافية وننتظر المحاورة مساء هذا اليوم بمشيئة الله |
بسم الله الرحمن الرحيم السلام عليكم مساكم الله بالخير نشكر الاخ الشاعر أبن مره على تلبيته لدعوه وحضوووووووووووووووره المشرف وأشكر الموجودين والمتابعين ويعطكم العافيه حياك الله يأبن مره |
بسم الله الرحمن الرحيم
وعليكم السلام مسـّـيت بالنور والشرف بدعوتك لي ياعمر والله يحييك |
أستلم ياأبن مره يامرحبا بالرجال مطوعين الصعب .................................... لجلك يابن مره الترحيب أثنيبها أقرب تقدم وشب النار هات الحطب ................................... الليله أعذب لحون الشعر أغنيبها |
الله الله
نبغى نحيي بكم فجماد ولا رجب=وان كان كبرت وصعبت وش تسويبها على جهودك يابن عمران شكرك وجب=مشكور ياللي فعول الطيب ضاريبها |
يامرحبا بالرجال مطوعين الصعب
.................................... لجلك يابن مره الترحيب أثنيبها أقرب تقدم وشب النار هات الحطب ................................... الليله أعذب لحون الشعر أغنيبها صح لسانك يا بو عمران وهلا وغلا بك يا ابن مرة نبغى نحيي بكم فجماد ولا رجب && وان كان كبرت وصعبت وش تسويبها على جهودك يابن عمران شكرك وجب && مشكور ياللي فعول الطيب ضاريبها وصح لسانك وعساكم على القوة متاااااااااااااااابعين |
الله يسلمك ويعافيك يابن العرب ........................................... مامد يدي على حاجه ولا أدريبها فعلا ً نحصل وراه الشكر ماهو تعب ..................................... وتقدير لضيوفنا نكمل مواجيبها |
لاهنت يانواف بن صعير
على الحضووووور و المتابعه وصح بدنك ويعطيك العافيه |
عسا يمين ٍ تزوّر للعرب بالعطب=ماعاد تقدر تدوّر في وسط جيبها النار شبـّـت وتبـّـت يدك يابولهب=واظنّ بعض العرب ماهو براضي بها |
مدري وصلك الفرح وألا وصلك الغضب .................................. ياقلعك يانفس في المقفين تحكيبها الله يوفق لمن يرضى بمالله كتب ................................ ومن لا بغاها الليال السود يسريبها |
شفت المطيري مشى فالدرب ثم انقلب=والليله اللي سراها كيف يضوي بها مدري بهرجه صدق ولا بهرجه كذب=ان قال ياقشرها وان قال ياطيبها |
ماشفت من هو مع الطرقه يسد الطلب ................................ لو تكثر هروجها وتفتل فشانيبها من عصر أنا حسب حسابك قلت رجلا ً شنب ............................... لكن ضنيت بأمر وصرت مخطيبها |
المشكله طوّلت وانته تراك السبب=خلـّـيت خلق الله تطلـّـع مشاعيبها لا ياشنبها ترا هذا زمان العجب=وانا ليا شفتها بقطع عراقيبها |
ودّك ابدا بالطاروق الثاني يابن عمران الحين
حنـّـا لعبنا ثمان ابيات |
لاهنت يا ابن مره وصح السانك شااااااعر مبدع وألان لك لاختيار في تغيير الطااااروق أن أشئت ولك شكري في انتظااااااارك |
استلم
مرحبا بالشاعر اللي نحب نشوفه=فالزمان الحاضر وفالزمان الماضي فوق راسه هل ماه امن بيض قنوفه=ياعساه يعود داره وقلبه راضي |
صح لسانكم أثنينكم
كفيتوا ووفيتوا ننتظر الطاروق الثاني معك يا ابن مرة |
صح بدنك يانواف
والطاروق الثاني بديته لكن بنتظار عمر |
صح السنتكم
في انتظار عمر |
لدعينك ياولد والنظر مايطوفه ......................... مرتوى قلبك زعل مير عقلك فاضي أبن مره ياعرب عارفين ضروفه ........................ طايحا ًحظه وأنا نور حضي ياضي |
الله الله
اكثر العربان له حاجة ٍ معروفه=يبعد العربان ويردّهم مغتاضي مادرا ان الناس ماتعشقه وتعوفه=بعد خلا برقهم فالسما ماناضي |
الله الله صح لسان الشعار
واعذروني على التأخير لظروف خارجه عن ارادتي |
أكثر العربان ياربعنا مالقوفه ......................... مير عن قوما ً قصار النظر متغاضي وش تبى في طرقتا ً ماهي ابمخلوفه ......................... الدروب ميسره والسعد متلاضي |
واحد ٍ حنـّـا شواربه ثمّ كفوفه=وكان نجم الناس غايب ضميره هاضي بين لابته الكريمه يحد سيوفه=وانا طلع منهم يعوّد عليهم فاضي |
لاهنت يابن مره على المحاوره وشاعر جزل ولافيك حيله ولك كل تقديري على الحضوووووووور وأظن الطاروق تم القاف عندك تكرر وصح السانك تشرفت باللعب معك يالذيب وتصبح على خيررر |
صح لسانكم
وبيض الله وجيهكم |
كيفك يابن عمران
المهم اني استانست معك وصح لسانك ولنا لقاءات ثانيه انشالله تحياتي |
إستمتعت بإبداع لا يوصف من شاعرين أتمنى أن أصل ما وصلوا إلية من إبداع متألق
ورحابة صدر لايفوق الوصف عمر عمران و ابن مرة << الشاعرين أسعتمونا هذا المساء بإبداعكم لا حرمنا الله وجودكم صح لسانكم ودمتم بخير كونوا بخير أخوكم ريعص نب فاون << |
| الساعة الآن 03:01 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "
