|
ســــــلــــة الـــــنـــافــــــعــــــــيـــه
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اخواني مشرفين واعضاء منتدانا العزيز استميحكم العذر بعدم التواجد معكم خلال الفتره الماضيه لانشغالي التام عنكم او اني لم اجد مايليق بتواجدي معكم واني هذه المره اتيت بشي اتمنى انا ينال استحسانكم ويرضي ذايقتكم الذواقه وانا متاكد انها سوف ترضيكم من شاعر تعودتم على جزاله ورقه اسلوبه ولااريد ان اسهب اكثر ولاكن اتركم مع قصيده في الفخر والحماسه للشاعر علي الريض . ودمتم سالمين ســــــلــــة الـــــنـــافــــــعــــــــيـــه سليت سيف له من العز حدين=من دافع الانصاف والعنصريه وقطعت عرق وسال دم الشرايين=وكتبت به في مدح ربعي هديه وإجتاحني مثل الحمم والبراكين=وسمعت من صوت العزاوى دويه ومرو على بالي قروم وشجيعين=وكني رقيت الغيم والجاذبيه وكني أشوف جدودنا شوف بالعين=كلن معه شلفاه والبندقيه وسجيت بزحول(ن) على الارض حيين=ياحي مجدا باقيا له بقيه وشعت بروق وعود الليل ليلين=وجلست لين الصبح بين عليه وأنا أستعيد أمجاد ربعا ميامين=وحسيت كن الشعر ماهو بليه لوني أقطف من ورود البساتين=وأنحت صخر وأطوع الابجديه شاعر ولي بالشعر صوت وميادين=وعلى طروقي غنت الراعبيه ياشعر يامخلي سروج المخلين=حاول تذكرني وصافح يديه عسا القصيد ان ماوفا للوفيين=تصبح فجوجه في ضلوعي خليه بني عزيز ويكفي العز تكمين=اختار حتى أصغر عزيزي سميه مازهملنا في جلود الثعابين=ومايرضعنا غير طيب وحميه عيال عز وكلبونا عزيزين=كذا خلقنا الله رب البريه ماني بشاكي لوعة الغبن والبين=وربعي هل الطولات والمقدريه ووالله ماخاف من الجفا والمعادين=وباقي عزيزي جوفه الروح حيه من حيث ماكنا تميل الموازين=بالحزم والوقفات والصامليه نجري الهايب ونحما المتلين=ولانخاف غير من الردى والرزيه لنا منازل في حدود السماكين=يامن بها الجالي من المكرهيه واليا بغيت من الحجج والبراهين=أنشد عن فعول العزيزي خويه أقسا من الفولاذ والين من اللين=دمثين الانفس سلة النافعيه مايعيبنا لو كلبونا فقيرين=فقرا بعز ولانمن العطيه أقسمت باللى نزل الفجر والتين=ان الكرم في أبسط عزيزي سجيه مثل الذهب لو يرخص الوقت غالين=أغلى عيار ومنتجاته نقيه نهذل على الفزعات مـثل السراحيـن=وناقف عن حـدود الخنـى والخطيـه وفوق البسيطه لامشينا سلاطين=وصدورنا من وسعها جرهديه متسامحين وصادقين ونزيهين=ولا نبدل النيات دائم بنيه مانجرح شعور الخلايق وصافين=يدري بنا علام غيب الخفيه نغضي عن الزلات مره وثنتين=والثالثه ردت برانا قويه من طبعنا لأمن مشينا معيفين=مانعود لو تعود هضبه طميه هاذى مبادينا من عصور وسنين=متجدده مع كل جيل وقفيه نقنع ولاكنا على الطيب شرهين=لوكان دونه حالت المهمهيه نعدل وترضينا الشيم والقوانين=بس أن فينا عصبة الجاهليه نموت لونا على العد ضامين=اذا مايقسم بينا بالسويه على تكاتفنا قديم امتواصين=دائم ولايحتاج أحدنا وصيه عفوا بقى للمجد فصل وعناوين=للديره الى من قديم محميه اللى ربو فيها عزازن كريمين=المعشبه بالمجد والشاعريه مع ذكرها سوالف عبير ورياحين=والهيل فالح وخنت الشاذليه عساك دائم مخضره ماتحيلين=لوكان كل الأرض تبقا سنيه وماتعدمين من الوفا والمحبين=وعسا المطر يسقيك صبح وعشيه تبختـري بالطـف والمـلح والزيـن =وانـا ببـادلـك الـغـلا والتحـيـه قولى كتب فيه من المدح بيتين=شعر(ن) تغنيه السنين المديه من شاعر(ن) صافي ضميره من الشين=من كان طفل وهو مفتون فيه وانا أعتذر عن كـل غلطـه وتدريـن=قد قيـل جـزلات القصايـد عصيـه تصافقت تشبه رياح الخماسين=لين طرقت نفد الفواد العذيه شخلتها مثل الدواء للمريضين=وصارت مثل طعم العسل في خليه ونقيتها نقوات وضحى(ن) مزايين=اليا دخلن بمسابق الافضليه مع راهي(ن) ثروة رصيده ملايين=وفكره نقى وعروق كفه نديه أغلى فئه خمسين صدق ومضامين=ووسومنا تبقا عليها جليه والبستها تاج الفخر والنياشين=وقدمتها باقات في مزهريه يفرح بها النشمي طليق الحجاجين=فرحه حجيج الله بعيد الضحيه وتزعل اللى فيه شكه وتخمين=ويقول هاذي قمة العنصريه مكتوبتن من دم قلب وشرايين=هديه مابغى وراها جزيه الــــــشـــــاعــــــر / عــــــلي الـــــــريـــــــــض وســـــــــــــلامـــــتــــــكـــــم |
ولله كفوا ياااا بو نايف حرفك خلاني اكتب .................... وجابتني العنصريه على قول القاف وراعيه وعساك سالم يابو نايف وتقبل شكري على الحروف التي ساقتها قريحتك اخوك حسين العزيزي |
الله عليك يا ابو نايف جزل ونجم ساطع خجل والله قلمي أمام هذه القنبلة العظيمة فقد كتبت في ربعك ما كتبه شاعر قبلك في قبيلته فأنت والله رمز الشعر وإبداعه مثل ما كان من أخلفك بعده رحمة الله وادخله فسيح جناته فكان مهندس الكلمة وأمير الشعر وها أنت الآن نجم ساطع من فوق شعراء الساحة فما تنال مجال في الشعر إلى ويتشرف الشعر بكلماتك في هذا الغرض وربعك بني عزيز يستأهلون والله كل خير ويكفى منهم إن اخرجوا لشعر مثلك وشرواك كنز وعز فوالله انك مكسب لشعر وغنيمة له وكنز من كنوزه فقد تشرف بك وافتخر مثل ما تفتخر ربعك وعزوتك بك ومهما والله شكرُت واثني عليك في الشعر وفي هذه القصيدة التي أشبه ما اسميها بأميرة او عميدة المدح والفخر أو المعلقة المدح والحميه إلا والله انه لا يكفى فجميع الكلمات لا تجزء في شكرك وحقك او الثناء عليك وصح الله لسانك وسلمت يمنك ودمت علما شامخ في ساحة الشعر ودمت عز لربعك وعلم مثل من كان من أخلفك بعده ذخر لساحة الشعرية ولربعه بني عزيز أطال الله بعمرك وحقق لك الأمل وشرح صدرك وأسعدك في دنياك والتمس منك العذر في المرور المتواضع أمام هذه الجوهره بهذا التعليق القليل أمام الكثير من كلماتك والشكر والله موصول للأخ العزيز والغالي ابو عبدالرحمن (مختار الماشي) علي هذا المجهود فسلمت يمينه وصح لسانه وأنت صاحب محل يا ابو عبدالرحمن وصاحب مكانه ولا مجال للاعتذار وما في قلبك من محبه لنا ولهذا الصرح معلوم وفي انتظار جديدك المميز وتم تثبيت القصيده ملاحظه : نطلب من الأخوه الزوار والأعضاء عند نقلهم هذه القصيده ذكر الرابط والعضو المنزل لهذه القصيده (مختارالماشي) وذالك حفاظ للحقوق وللمصدر وامور اخرى اخوك واصل عزيز (خالد عمران ) |
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته الله ع الأبدآع على الريض تقف أقزام الكليمات, تريد أن توفي له حقه أو تعبر له عن مابدآخلنا, ولاكن لا نستطيع فقط نقول (صـــــــــح) لسانه مليوووون, مبدع ,والأبدآع علي, روعه والروعه علي, هل يكفى الكلام؟؟؟ لا أعتقد انه يوفى بحق شآعرنا المميز. قصيده حماسيه بطوليه وآفيه ,من رجل وآفي برجآل وآفيه دوما , فقط أنظر معي!! لو كل أنسان قرائ هذه القصيده للأستخرج منها مايعجبه, أو مايسمى لب القصيده , أخترت أنا وأفتخر بأنى أمر أو أدعى لحضور مثل هذه المعلقه وأسجل أعجابي بها لونـي أقطـف مـن ورود البساتيـن=وأنحـت صخـر وأطـوع الابجديـه شاعر ولي بالشعر صـوت ومياديـن=وعلـى طروقـي غنـت الراعبـيـه ياشعـر يامخلـي سـروج المخليـن=حـاول تذكرنـي وصـافـح يـديـه عسـا القصيـد ان ماوفـا للوافـيـن=تصبح فجوجه فـي ضلوعـي خليـه بنـي عزيـز ويكفـي العـز تكميـن=اختار حتى أصغـر عزيـزي سميـه مازهملنـا فـي جـلـود الثعابـيـن=ومايرضعنـا غيـر طيـب وحمـيـه عيـال عـز وكلبـونـا عزيـزيـن=كــذا خلقـنـا الله رب الـبـريـه كفى,,, والسلام عليكم ورحمه الله وبركاآآته |
لاإلـــــــــه إلا الله .. وماشاءالله تبااارك الله .. الله لايضرررك ... ويسرك .. معلقه إبدااعيه يشااار لها بالبنااااان بكل فخر .. مووودتي وتقديري .. |
علي الريض
انت شاعر نجم صح الله لسانك وبيض الله وجهك ولا يستغرب هذا الطيب الجزل منك لا في شعر ولا في حميه لانك نسل الشعر ونسل الحميه والطيب بيض الله وجهك يا ابن نجاء ولا بعد هذه الطيبه كلام وبيض الله وجهك اخوي مختار الماشي |
ما شاء الله علي الأبداع
والله انك كفو يا ابو نايف بيض الله وجهك وصح لسانك ابداع x ابداع شكرا لك اخي مختار |
شاعر ولي بالشعر صـوت ومياديـن وعلـى طروقـي غنـت الراعبـيـه ياشعـر يامخلـي سـروج المخليـن حـاول تذكرنـي وصـافـح يـديـه وانا اشهد والله يا ابن نجاء وكل من يعرف الشعر صح لسانك |
اخوي مختار ابو عبدالرحمن كما عرفنا عنك , طيب لا تأتي إلا بالطيب أحسنت والله الاختيار والهدية لا يحق لك الاعتذار عن الغيبة بعد هذه الهدية المقدمة لنا من رجل مثل أبو نايف ومن مقدمها وناقلها مثلك وشرواك اخوي مختار , واي شي من ابو نايف هو شرف وتتويج لنا فقد كتب وأجزل ومدح وأورد المدح عده في هذه القصيدة الطيبة وما أجمل ان يتغنى الشاعر بحميته واصله , ونعم العنصرية التي أفاضت قريحة شاعر مثلك ايه النجم كي ياتي بهذه المجوهرات الطيبة فالثناء والشكر وان كثر في هذه المعلقة إلى انه يعتبر ناقص ولا يوفي بحقها وحق قائلها لما لهم من ثقل مكانة بيننا وهذا والله ما توقعناه منك ايه الشاعر الكبير صح الله لسانك وبدنك حتى ترضى وسلمت اناملك اخوي مختار وتقبلوا مروري لهذه الصفحة التي أجبرتني علي التعليق والرد عندما اتيت هذا المنبر لتصفح والإطلاع علي الجديد فشدتني هذه الجزالة وحركة شجوني بمثل ما تشرف ابو نايف من عنصريه اخوكم لافي العزيزي |
مبدع مبدع بما تعنيه الكلمه
وصح لسانك وبيض الله وجهك |
أبداع في أبداع
ما شاء الله صح لسانكـ و بيض الله وجهكـ يعطيكـ العافيه لا هنت |
صح السان شاعر بني عزيز
اعتقد قصيدة اقل مايقال عنها انها رائعة من شاعر علم من اعلام الشعر في القبيلة وان كان قد ظلم اعلامياً |
الأخ مختار الماشي
لأسعد الله أوقاتك بكل خير يفرح بها النشمي طليـق الحجاجيـن......فرحـه حجيـج الله بعيـد الضحيـه نعم هذا هو على كما عهدناه نشكرك جزيل الشكر ونشكر الشاعر علي الريض على هذه الرائعة التي أحسبها من الروائع الشعرية تحياتي أخوك المهندس |
الله الله الله الله الله الله
الاخ مختار الماشي اشكرك كثير الشكر على هذي القصيدة واعترف انها من اجمل القصائد التي كتبت في هذا المنتدى منذو ان افتتح تقبل مروري وشكرا |
ياهلا بشاعرنا علي الريض
و قصيده رائعه من شاعر أروع تحياتي لك محمـد العـزيزي |
بسم الله الرحمن الرحيم
السلام عليكم ورحمة الله وبركاته اشكر الجميع على المرور الجميل واعدكم بالمزيد وتقبلوا خااالص تحياي الحاااره اخوكم مختار عبدالرحمن الماشي |
صح لسان الشاعر علي الريض قصيده تستاهل المدح والثناء .. ( جيده بجودة شاعرها ) لك الشكر على ماقدمت يامختار الماشي تقبل تحياتي |
قصيدة من شاعر عملاق في قبيلة عملاقه
ماقول الا ( مافيك حيله) وشكرا اخوي مختار على نقلك |
الوايلية
أبدأ بمن نزل تبارك وياسين * الواحد المعبود رب البريه مشكور يا ريض أولوف وملايين * يا شاعرٍ جبت البيوت النقيه عزٍ لنا يا علي في العسر واللين * تشهد لك الأفعال روحة وجيه فخرٍ لكل مطير الأقصى والأدنين * من الكويت إلى شمال الحويه السيف ذو حدين وطعن المعادين * يبقى ألمها والجروح القويه والله ما يجحدك غير الرديين * أهل الحكي وأهل العلوم الرديه على فعول الطيب ماهم مضرين * سود القلوب أهل النوايا الخفيه أقولها والقول واضح من سنين * تزعل وترضى عندنا بالسويه وإلاّ أنت طيبك له دليل وبراهين * واضح ولا يخفى يا راس الحميه تسلم يابو نايف حفيد السلاطين * فخرٍ لنا وللعزوة الوايليه فيك الصفات الطيبة والكريمين * تسلم وتسلم يا زبون الونيه وأختام قولي عطر ورد البساتين * أهديه لك بازكاء سلام وتحيه الشاعر / عبدالله صلاح العزيزي |
اشكرك يابو صلاح على ردك المعبر في قصيده ملئيه بالشاعريه ولابداع الحقيقي غير المزيف من شخصك الكريم العزيز علينا ونرجوا منكان تتحفنا منتدانا بقصائدك الجزله واشكرك مره اخرى على الرد القوي بقصيده قويه في شاعر قوي ولك مني خااالص التحاااايا الحاره . اخوك مختار الماشي
|
كفو يا ابو نايف شاعر ونجم ومبدع
وعجبني : والله ماخاف من الجفا والمعادين وباقي عزيزي جوفه الروح حيه لك مني مختار كل الحب والتقدير |
تسلم اخوي مختار الماشي على ها المعلقه التي ستظل معلقه في جدار الزمن في العزوه الويليه ابو نايف حينما يبدع يصمت الجميع وبااحترام له حضوري القوي في جميع حالاته واجمل مافيه تواضعه ومشكور اخوي مختار على ها المشاركه الطيبه وتقبل تحياتي |
| الساعة الآن 11:21 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "