السلام عليكم ورحمة الله وبركاته
صباحكم ندى كـ أرواحكم العذبه
مساءكم سعاده تغمر حناياكم



احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
منتدى بني عزيزالرسمي
وفي كل مره
سيكون في ضيافة همس القوافي عضو
سنبحر معه لننتشي عذب المشاعر وأروعــها
ونستمتع بعذب ذائقته الشعريـة
و يمتعنا بروعـة اجاباته على الاسئلـة التاليه

1- مامدى علاقتك بالشعر ؟!!
2- من هو شاعرك المفضل ؟!!
3- اعضاء في منتدى بني عزيز تثق في ذائقتهم الشعرية ؟!!
4- بيت شعر يحضرك دائما ؟!!
5- قصيده تعدها من اروع القصائـد ؟!!
6- اذا لم تكن شاعر .. هل لك محاولات في كتابه الشعر ؟!!
7- لك مساحه بلآ حدود امتعنا بقصيدة على ذوقك ؟!!
8-بيتين تهديها لمنتدى بني عزيز؟!!
9-بيتين أعجبتك لأحد شعراء المنتدى ؟!!

سوف يكون أول من نستضيف هو..

المتألق : العزيزي المغترب
تفضل وامتعنا بذوقك العالي
وراح يختار كل عضو اللي بعده

1- مامدى علاقتك بالشعر ؟!!
قوية جداً لأبعد حد حيث انني متذوق للشعر واقف عند القصيدة طويلاً اذا كانت تلامس أحساسي

2- من هو شاعرك المفضل ؟!!
جميع الشعراء بدون استثناء انا لا يهميني قائل القصيدة اكثر من القصيدة نفسها

3- اعضاء في منتدى بني عزيز تثق في ذائقتهم الشعرية ؟!!
عاشق هبا و الرهيف

4- بيت شعر يحضرك دائما ؟!!
ولربَّ نازلةٍ يضيقُ بها الفتى *** ذرعاً وعندالله منها المخرَجُ
ضاقت فلما استحكمت حلقاتها *** فٌرِجَت وكان يظنُّها لا تُفرجُ

5- قصيده تعدها من اروع القصائـد ؟!!
كثيره جدا لكن هذه القصيده لها وقع خاص
للمغفرله ان شاء الله الملك فيصل

سر ياقلم مالي على الصبر طاقه= صبري تعدى الحد ماعاد ينطاق
أكتب لمثلي قصته واشتياقه= في خطك الواضح على بيض الأوراق
قصة حزين صافي الحر ذاقه= انا بذكره ماصله خاطري ضاق
باقو به الأصحاب والوقت باقه= وصار الضحيه بين باير وبواق
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه= الوقت لو يصفى لك ايام دراق
لاشك يامن معك عقل ولباقه= بنصحك كان انك للأمثال تشتاق
صادق رجال يعرفون الصداقه= يقفون صفك يوم يبسات الأرياق
ومن يرغب فراقك فعجل فراقه= جاز الذي يجزيك أفراق بفراق
يقوله اللي جاير الوقت عاقه= ولازال في غيبوبة الهم مافاق
حظه على اقشر شي للنفس ساقه= بقبور الاحياء ينتظر يوم الأطلاق

1- مامدى علاقتك بالشعر ؟!!
قويه جداً
-2 من هو شاعرك المفضل ؟!!
الشاعر المبدع والتميز دائما
3- اعضاء في منتدى بني عزيز تثق في ذائقتهم الشعرية ؟!!
عاشق هبا _ والعزيزي المغترب
4- بيت شعر يحضرك دائما ؟!!
كيفي سعودي والسعودي بكيفه ــــ من شعب ابو متعب طليقين الايمان
5- قصيده تعدها من اروع القصائـد ؟!!

6- اذا لم تكن شاعر .. هل لك محاولات في كتابه الشعر ؟!!
لا
7- لك مساحه بلآ حدود امتعنا بقصيدة على ذوقك ؟!!

لشاعر \عمر عمران

نظرا لغياب أخونا الغالي همام وإن شاء الله يرجع لنا بالسلامه
سوف يتم اختيار عضو غيره ولكن دعوني افكر وأشوف وراجع لكم قريبا"

(((تريونااااا)))

أختي فــجر

يقولون الغالي يجي على ذكره وأنتي أخت غاليه ومتميزه بكتاباتك وبذائقتك الشعريه

فياليت تعطرين وتنوربن هذا الموضوع وتوافقين على إختياري لك


فأمتعينا بإجاباتك

ودمتِ بخير

مشكور على الدعوه ياعاشق

ولي عوده باذن الله

1- مامدى علاقتك بالشعر ؟!!
علاقه حميمه من صغر سني تقريبا من عرفت الدنيا تعود لجدي رحمة الله عليه فلقد كان شاعر
2- من هو شاعرك المفضل ؟!!
والله واجد ولكن لاتحضرني اسماء الان
3- اعضاء في منتدى بني عزيز تثق في ذائقتهم الشعرية ؟!!
عاشق هبا_نايف الطلاحبي_فجر
4- بيت شعر يحضرك دائما ؟!!
العام اشوف اللقب ولاالتفت صوبه_واليوم حتى ردوده تشقيني
5- قصيده تعدها من اروع القصائـد ؟!!
قصيدة الذكرى حينما يشيلها صاحب الصوت الشجي ناصر السيحاني
6- اذا لم تكن شاعر .. هل لك محاولات في كتابه الشعر ؟!!
نعم وكثير
7- لك مساحه بلآ حدود امتعنا بقصيدة على ذوقك ؟!!
لبيه ياللي وحدك ان قلت لبيه...يذبحني لبيهك ويذبحني الصوت
وإن طاح قلبي ميتن فيك خله...ياحي قلبن طاح وياحيه الموت
............
ماقلت أحبك لجل وقتي أسليه...لا والذي نجّا نبيّه من الحوت
والحب لو هو سر وأقدر أخبيه...ماقلت أحبك حتى وشفاهي سكوت
...........
لي ناظر ماغير شخصك يمليه...كنك دواي وشوفتك طب منعوت
وأن ضاق بالي أذكر اسمك واغنيه...وأتخيلك عل وعسى طيفك يفوت
...........
أهواك وهمي كيف قلبك أهنيه...من كثر ما أسمك في هالقلب منحوت
حتى الخطأ لو جاني منك أمشيه...وأن ما مشا أخلق له أعذار وثبوت
..........
وش الذي يخطر في بالك وأسويه...لو حتى في وسط البحر أبني بيوت
ياللي البحر لو جا في بالك تحليه...مريت صوبه وأمتلى سكر وتوت
..........
ولبيه ياللي لو طلبني ألبيه...للعاصمه حافي ولو دربه خبوت
لين أناديك وترد لبيه...وأطيح من طولي ويذبحني الصوت
8-بيتين تهديها لمنتدى بني عزيز؟!!
يالمنتدى اللي تضم رجالن مناعير__انا فجر اختهم بالرخا والمصيبه

9-بيتين أعجبتك لأحد شعراء المنتدى ؟!!

وش جايك مني ليه ياصخيف الروح
وقلبي على قربك شفوقآ شفاوي
ثم التفتلى وقال والصوت مبحوح
غصبآ على ماني لفرقاك ناوي
لابن شداد الطلاحبي الرائع
وايضا::
البنت لا خافت على زل الأقدام 000 عطها غلاها والعطر والأماني

للابوغاده المبدع

اشكرككم على الدعوه
ونختار

ياسلام عليكم
موضوع شيق وجميل
أتمنى أن يتواصل جميع أعضاء المنتدى
من خلاله للتعرف عليهم أكثر
تقبلوا مروري

شكراً لكِ بحجم السماء يافجر وصراحه ردك إبداع في إبداع


وبانتظار بنت الشيووخ

المشاركة الأصلية كتبت بواسطة فجر (المشاركة 80232) بنت الشيوخ غائبه ولازالت الدعوة قائمه ونختار اخونا / الوصي

أشــكـر مـراقـبـتـنا الـفـاضــلــة فـــجــر على حسن إخــتيــارهــا

ونــنـتــظــر أخــونــا الــرائـــع الــوصـــي وأكـــيــد راح نــستــمتــع بــإجـــابــتــه

1- مامدى علاقتك بالشعر ؟!!
متوسطة
2- من هو شاعرك المفضل ؟!!
لا يوجد شاعر مفضل
ولكن استمتع بقرائة قصائد الشاعر / معوض بن سودان
3- اعضاء في منتدى بني عزيز تثق في ذائقتهم الشعرية ؟!!
عاشق هبا , الوتيش
4- بيت شعر يحضرك دائما ؟!!
على قدر اهل العزم تاتي العزائم .......وعلى قدر اهل الكرم تاتي المكارم
5- قصيده تعدها من اروع القصائـد ؟!!

6- اذا لم تكن شاعر .. هل لك محاولات في كتابه الشعر ؟!!
نعم لي محاولات وذكرت بعضها في المنتدى باسم عضوية مستعار <<< خلي الادارة تحوص في الايبي
7- لك مساحه بلآ حدود امتعنا بقصيدة على ذوقك ؟!!
هذه القصيدة اعجبتني وحبيت انقله لكم

حنا مطير اللي مطرنا لهب نار
نركي على كبد المعادي مليله
ياما قصفنا من ثمينات الاعمار
وياما جدعنا باللقا كل أصيله
وشيوخنا الدوشان وافين الاشبار
الهم موازيننٍ بنجد ثقيله
كم واحد منهم شرب كاس الامرار
يبى يطاولهم ومات بغليله
مابين مكه و المدينه لنادار
وأول سلفنا با لخليج بنزيله
للشاعر:عبيدعويض الديحاني
8-بيتين تهديها لمنتدى بني عزيز؟!!

9-بيتين أعجبتك لأحد شعراء المنتدى ؟!!
عندي قصيده والقصايد عناويـن ** وعنوانها ياروح روحي نسـيـتك
عندي هنا كلمه ومن بين قوسـين ** انا عطشتك حب وحقد ارتويــتك
الشاعر /شوق المها

إجابات رائعه منك يالوصي


وبإنتظار اخونا الطريس وأكيد راح نستمتع بإجاباته

سمعت لي كلمة مدري وش اقصاهـا=حزت بنفسي وأنـا مانيـب هارجهـا
لوكـل كلمـة إلـى جتنـا طردناهـا=بعنـا الثمينـة بسعـر مايخارجـهـا
لو مـرت السمـع ماكنـا سمعناهـا=ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا=والناس واجد وتلقـى مـن يروجهـا

يامكثرين الهرج لااسمـع ولااجيـب =تريحوا من فضلكـم واسمحـوا لـي
تريحـوا لاتلحـقـون المشاهـيـب =على الردى مانـي شفـوق عجولـي
بالعقل والصبر ادب النفـس تاديـب =والا لهـا مـده تصـول وتجـولـي
خلج ترازم فـي سيـاج المحاديـب =مافيهـن اللـي بالعقـال معقـولـي
اشد وطية زور مـن شمـخ النيـب =اليا ضاع مفعو ل الحيـل والحلولـي
انـا لاقلـت ارتـب القـول ترتيـب=حتى يجـي كـي علـى فـك قولـي
اليا ارسلت لافكار القريحـه مناديـب=ترايعن مـن عقـب ماهـن جفولـي
لكن مالـي مـن وراهـا مكاسيـب =لو كان عشاق القشـر صفقـوا لـي
مامستفيـد الا العـدو والاجانـيـب =ولانـي مطيـع مقرقعيـن الطبولـي
خليتهـا تعطـي فجـوج مجاديـب =جربا تجـود فـي رسنهـا مهبولـي
والله لااجنب دام لـي درب تجنيـب =من شرهة حشـام الرفاقـه خجولـي
لو انهـا بيـن النحـر والتلابيـب =من الحيا وجهـي مهـوب مغسولـي
طبـع لنـا نشـب عليـه ونشيـب =وطبيـعـةٍ لعـلـهـا مـاتـزولـي
على الجماعـه للجماعـه مواجيـب =الا جهلـوا قـدر الرفيـق الهتولـي
ماني على ربعي قريـب محاضيـب =ادنـاة مايخلينـي اسـرج خيـولـي
ان جات من طيب شقاها على الطيب =لو انها اعوج مـن رقبـة الذلولـي
لاحركـت شعـره ولاطلعـت شيـب =ولاضيقت صـدري ولاطـق جولـي
وان كان في صبري على ميلهم عيب= العيب تفتيـش الصـرر والحثولـي
لاقمت تذكر فـي رفيقـك عذاريـب =وتبيـن عيوبـه لذولـي وذولــي
صبرك على ربعك عـلاج وتطابيـب =يقصـر حبـال السالفـه لاتطـولـي
حتى مايلقا فـي طرفهـا مقاضيـب =كـراه خيـر وللمشـاكـل ميـولـي
واليا بليت بتايـه شـره وصعيـب =يقول انا العـراف وانـت الجهولـي
قـل الله الله ياحصـان الاطالـيـب =يالفاهـم العالـم عطيـب الفعولـي
هذا الكلام اللي مافي صحتـه ريـب =لانيـب لاحولـك ولانتـاب حـولـي
حصان وبن حصان طيـب مجاذيـب =وبالمعرفـه رجـل محلـي ودولـي
خله يروح يخطي الـدرب ويصيـب =يقول مابالنـاس عرضـي وطولـي
والفرق ماهـو باللحـى والاشانيـب =الفرق بيـن النـاس فـرق العقولـي
كم واحد تحسن به الظـن ويخيـب =السـن يضحـك والفـواد معلـولـي
واللي غدت به كلمـة مالهـا غيـب =ماهو من اطيب ربعي اللي غود لـي
يالله عساها صيحة فـي قفـا ذيـب =وقلع النيـا بينـي وبينـه يحولـي
الرجل مايغصب على الطيب تغصيب =اليا صار ماهـو دل ضمـن الدلولـي
ومن عادة اللي طيبه يحضر ويغيـب =لاطالـت الرفقـة زهـوق ملـولـي
واليا بلنـك غبـر الايـام بصحيـب =في مستوى طيبـه صعـود ونزولـي
اعرف ترى الدنيا دروس وتجاريـب =والكامـل الله والنـقـا للرسـولـي
لاتصير مشـذاب يقـص العراقيـب =خلـه وراع الاولــه وش يقـولـي
اخذت حكمه مـن كـلام اللواعيـب =للطيـب نـاس وللعـذارى فحولـي

أختار الوتيش


وياليت ترسل له دعوووه

5- قصيده تعدها من اروع القصائـد ؟!!
قصيدةأبن جدلان ياذا الجلال الي عروشك فوق واملاكك حدر

6- اذا لم تكن شاعر .. هل لك محاولات في كتابه الشعر ؟!!
حاولت بس محاولات فاشله

7- لك مساحه بلآ حدود امتعنا بقصيدة على ذوقك ؟!!
الله يعطيكم العافيه بس والله أحترت ويش أكتب

8-بيتين تهديها لمنتدى بني عزيز؟!!
بني عزيز عزوتن شانها شان ,,,, أن كان ناش القلب شي يثيره

9-بيتين أعجبتك لأحد شعراء المنتدى ؟!!
كل شعراء المنتدى قصائدهم اعجبتني

:clap:هلا والله يالوتيش...مير ردودك علامها كنك ضايق..خخخخخخخ


و علامك مااخترت لنا احد الذيابه اللي بالموقع يكون بضيافة القوافي