في ضامر الدنيا دنو ومهاضيب =والدهر لا ماتنتهي من صراعه
عند الرجال اللي تعرف المواجيب =كلن يدسم شاربه من ذراعه
ولاأنّكسرت السّّاقه وشفت العذاريب =أبنّتقيها صيدتن من بضاعه
اصف قولي والردى فيه ماجيّب = واطبّ سوقنّ مختلف في سلاعه
أمد يدّي لذاخر الطيب بالطيب =وأكف شري عن قليل القناعه
وأحاول اكتب من هجوسي مكاتيب =تجلى خوى راسي تخفف صداعه
وياذيب ياللي من ذياب المراقيب = لاشوكلت دنياه تبقى طباعه
والذيب ماينّفر لامن عوى الذيب =وكلن على طبعه يطوّع سباعه
والدهر ماضي والليالي تجاريب =ومكتوبنا نوليه سمعنً وطاعه
لكنّ اذهن في طبوعك عن العيب =بعض العرب مخطي فكوعه وباعه
الادمي مخلوق خطاآي ويصيّب =لكنّ يعرف حسنته من خداعه
والوقت ماهو صافين بالمشاريب =والروح زايل والاوادم وداعه
ياجبّ على نفسك لذكرك مطاليب =ولا الردى يلزم قليل المناعه
فل الحجاج مرحبنً للأصاحيب =وأبدا بوصلك قبل تبدى القطاعه
والطيّب اللي ينعرف فالاصاعيب =فعله قبل قوله ويسوى جماعه
هذا خوينً انتخيّبه ولا أخيب =معرّب الجديّن ماهو صناعه
وللكذب ناس مروّجه للأكاذيب=ولصدق ناسً تملكه بالشجاعه
ومن شان قوله صابه الشك والريب =وياكلّ قولاًيسمعه قال اشاعه
ولا الصدوق يفوح قوله من الطيب =يازن كلامه مثل وزن الطباعه
وجودك يزودّك في برود وملاهيب =يرفع لقدرك غاصبه اوطواعه
ولا البخيل اللي تجيه الكواليب =لانّدق بابه ضاق قلبه وراعه
أهل الكرم والجود مليّى الدولايب =ولا البخيل يموت فقر ومجاعه
وألزّم لربعك مثل لزم المناسيب =ترفى خمالك من وجيه البشاعه
والقاصيه من بين حرش العراقيب =ياسهلها من صيدتنً في وساعه
وقمت اتناسى ودمعتي فالمهاديب =لامنّ ذكرته زاد قلبي هلاعه
لامن ّذكرته مابقى شي واشيب =يالله ترحم حالتي من صراعه
ولو ماتصبّر شقةّ الثوب والجيب =واجبّ عليّ وصيحتي فاتساعه
ادله همومي وداخل الصدر ترهيب =وعرفت شيً مادنى من وقاعه
مادايم ألا وجه من يعلم الغيب =وكلن ً على حينه وكلنً بساعه

صح لسانك اخي نايف

من اروع ما قراءته خلال الايام السابقه من قصيد

واصل هذا التألق اخي الغالي

أخي نايف الطلاحبي
سلمت اناملك وصح الله لسانك وعلا شانك

قصيده جزله
فلاتحرمنا من جديدك
واستأذنك بتنسيق القصيده
ودمت بخير

مشكوووورين على الردووود وهذا اقل شي نقدمه لموووقع بني عزيز عزوتنا والله يقدرنا على الجمييل
يعطيكم العافيه

صح لسانك أخوي نايف علي هالقصيدة الجزلة

والله يعطيك العافية وتقبل مروري

يا سلام عليك يا نايف جزل ومبدع



يعجبني ما تنتقيه من المفردات والجزالةابيات تنال أعجاب كل من يسمعها ابداع وتالق اخوي الغالي



سلم بنانك وصح لسانك وفي انتظار جديدك





تقبل خالص القدير والأحترام
واقبل المرور المتواضع مني

واصل عزيزي

مشكوووووور اخوي واصل عزيز على مرووورك


000000

تقبل تحيااتي

والوقت ماهو صافين بالمشاريب =والروح زايل والاوادم وداعه

ماشاء الله تبارك الله

صح لسانك يانايف ولاتحرمنا أبداعاتك

شرف لي يابو سعوود مروورك ويشرفني متابعة شخص مثلك


تقبل تحياتي

وقـمـت اتنـاسـى ودمعـتـي فالمـهـاديـب=لامــــــنّ ذكـــرتـــه زاد قــلــبــي هـــلاعـــه
لامــن ّذكـرتـه مابـقـى شـــي واشـيــب=يالله تــرحـــم حـالــتــي مـــــن صـــراعـــه
ولــو ماتصـبّـر شـقـةّ الـثـوب والـجـيـب=واجــــبّ عــلــيّ وصـيـحـتـي فـاتـسـاعـه
ادلـه همـومـي وداخــل الـصـدر ترهـيـب=وعـرفــت شــــيً مــادنــى مــــن وقــاعــه
مـادايــم ألا وجـــه مـــن يـعـلـم الـغـيــب=وكـلـن ً عـلـى حيـنـه وكـلـنً بـسـاعـه