هلن دموعي يوم ضاقاً الانفاس
وعلى الهلاك اشرفت مما يجيني

عفت الحياه ولاأهتني باي مجلاس
ولاأدري متى الايام عندي تزيني

اسرح بهاجوسي وأضوي بهوجااس
والوجد في روحي يجاذب حنيني

عذبتني بالوجد والقلب حساس
ياشوقي ياللي في ضميري دفيني

عذبتني معاد للجرح مقياس
عذبتني بالجرح ماعاد فيني

صرت أدّعي بالفرح قدام جلاسّ
ووازع البسمات للحاضريني

أخفي همومي لاتلاحظني الناس
من خوف همي يكشفه دمع عيني

لكّن شفني لاغفى الناس بنعاس
ضايع مع الافكار مدري وويني

ماهي بقّلة مال ماهي من إفلاس
لكّن في صدري هجوساً تجيني

من قدم الاعذار مايوفي الناس
وكلن على نياته الله يعيني

مليت عذرك يووم دقّن الاجراس
من بوهة الافكار لاتجمّعني

اصبحت أترّجم بالقلم وسط قرطاس
وبأحزان روحي سالفه دونيني

تتعبني ادروبي اذا الهم وسواس
وتبكيني الفرحه اذا ماتبيني

على الامل باآآعيش في زحمة الياس
من شان اعيش اللي بقى من سنيني

أخفي همومي لا تلاحظني الناس
وان كان تدري! ربك الله يعيني

شاعرنا نايف
نص متماسك سهل ممتنع به نفس الحزن يشكو طول الانتظار وضياع القرار
نص جميل يصل خلسة إلى قلوبنا ويدعونا مشاركته هذا الانسكاب الرائع
صح لسانك وصح بوحك
كتبت فأنكتب أحساس نايف
لك أجل تقديري

نص جميل اخي نايف ولا هنت


شعر وجداني يلامس احاسيسنا

الله على الابداع اخي نايف صح لسانك

قصيدة رائعه

على الامل باآآعيش في زحمة الياس
من شان اعيش اللي بقى من سنيني

اجهدتنا يانايف بهذا النص حقا هنا الشعر