|
صادني نظام ساهر بالرياض
أحذروا من نظام ساهر
أخواني في يوم الاثنين الماضي بينما كنت اسير على الدائري الشرقي بمدينة الرياض (طبعاً اخوكم متعود السرعه على الدائري 120كم/س ) دخلت على التخصصي ماأمداني أدخل الا وفلاش ساهر أكفش مشيت شوي الا وعلامة السرعه 70كم/س طبعاً انا ماجاء على بالي السرعه من 120 الى 70 علماً باني ماكنت مسرع ممكن 80كم/س انا قلت يمكن صاد السياره الي بجني لانه كان مسرع شوي يوم الاربعاء الا والله والرساله انا قلت أكيد رسائل سبق المزعجه مافتحتها بعد شوي فتحت الرساله الا والله والمخالفه المروريه وتوقيتها مع العلم انني لم أسجل في نظام ساهر والجوال ليس باسمي ممكن يوم جددت الاستماره أو الرخصه مسجل نفس الرقم. الهدف من الموضوع ليس الاعتراض او التشهير بالنظام ولكن الهدف هو تنبيه الاخوان من أعضاء المنتدى والزوار من أن السرعه ليس ثابته من شارع الى شارع والانتباه الى الكاميرات الجديدة عند الاشارات المرورية ومعرفة نظام الوقوف عند الاشارة خصوصا ان البعض يلف يمين من عند الاشارة دون التوقف التام وهذا يترتب عليه مخالفة قطع الاشارة , عموما الكاميرات تلقط من يقوم بالمشي ( تعدي خط المشاة ) بعد اضاءة الاشارة بالاحمر , كذلك يقوم النظام بتصوير من ينعطف لليمين دون التوقف التام عند الاشارة ( يجب الوقوف التام لمدة ثانتين ) آلية رصد المخالفات لقطع الإشارة: - كاميرا أمامية تلتقط صورة للوحة السيارة والسائق . - جهاز الاستشعار لمخالفة قطع الإشارة . - كاميرا خلفية لأخذ صورة السيارة وحالة الإشارة. - التصوير للوحة السيارة والسائق . شاهد الفيديو وكيف يقوم جهاز التصوير بإلتقاط المخالفات: __._,_.___ |
خلها على ربك اخوي قوقل انا بغيت احول راتبي عليهم والله ههههههههههههههه في رمضان مسددهم 1700 ريال عن ثلاث قسائم على التخصصي وأول ما أجزت أنحشت من الرياض وارجع لهم وفي أسبوع وأسدد بعد 1400 هذا وانا ملحق علينهن ولا دبلن على لكن خلاص ما يلدغ المؤمن من جحر مرتين ألان أول شي ابحث عن اللوحات الإرشادية وإذا المطلوب امشي 70 مشيت اقل ويا رب ألسلامه والله ما احد جرب الغرامات ولا يتأدب انا من النوع الي والله ما يسرع كثير واحسب السرعة الي نعرفها دامك اقل من 120 ما عندك مشكله واسمع كلام الناس ولا اهتم لين دفعوني غصب عني وأضيف على ما قلت أخوي قوقل معلومة أخرى ربما يجهلها البعض ان تحديد السرعة متغيره من مكان إلى اخر مو يعني مثلا قال ان التخصصي 80 خلاص تثبت على 80 لا يتغير اذا تعديت طريق الامام متجه جنوب تتغير وتصبح السرعه القصوى 70 واعتقد التخصص من 60 إلى 80 كل مره يتغير يعني لازم تصير حذر ولا اختصرها وحول راتبك على ساهر |
مشكووووووووور
اخوي قوقل على المعلومات المهمة عن نظام ساهر تقبل مروري |
الله يستر هههههههه سيارتي مع واحد من الربع وكل شوي يقولي شيك على ساهر هههههههههههههه :You-make-me-hurt: |
الشهر هذا 2750 لابارك الله فيهم واعرف وادر ان مافية احد استباح الرباء وسلم والايام تبدي لك ماكان خافيا نظام ساهر في امريكا 75 دولار الحد الاعلي وان كنت طالب او عاطل او زائر يعقدون لك جلسة مع القاضي وتتكفل الدولة لك بمحامي ويطرحون عنك النص طبعا مقارنة برواتبهم شئ رمزي مو مثلنا عمااار يافيزة طباخ عندهم او سائق تاكسي في لوس انجلوس هههههههههه |
والله انا صادوني الاثنين الماضي وجتني رساله بمبلغ 300 ريال
لكن الموقع والوقت غير صحيح القصد من ساهر استنزاف جيب المواطن ويصب لحساب صالح كامل الله لايوفقه اخوي قوقل مشكور على التنبيه اما اسلوبهم متخفين مثل الخفافيش |
واصل عزيز الوصي تركي سعود الطريس شكراً على المرور أما العزيزي المغترب ما اقول لك الا كما قال رفيقك شيك على ساهر |
| الساعة الآن 04:20 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "