منتدى بني عزيز الرسمي من مطير - قصيده في سفير الشعر الشيخ/عبدالرزاق الحمياني الشاعر سالم العزيزي

قصيده في سفير الشعر - الشيخ / عبدالرزاق الحمياني

اقولها ويقولها شيخٍ من سلالة حرار**** اعطاني الضوء الخضر ورسالة ما اردها

الأوله يامرحباء يا اخوان جوزاء ياطويلين العمار**** ترحيبة من طيبها صم الجبال تهدها

الكم مكانه عاليه بالحيل يا اصحاب القرار**** امطير تفخر فالشيوخ اللي عريب جدها

ويامرجبا بشيوخنا جميع من دون اختصار**** ترحيبة جزله ويفرق مزحها عن جدها

ويامرحبا بضيوفنا ترحيب وافي بقتدار **** ترحيبة للي يحسبها ما يحصي عدها

والثانيه سلمت ياشيخ هبد صدره وفك الاحتكار**** فك الدروب المغلقه من حدها لحدها

فكر ودها فيها علامات السطاء والابتكار**** عيون خلق الله من الغبطه علاك تلدها

فعلك مورخ للصغار وتفتخر فيه الكبار**** اللي سواتك يالحمياني تعلى مجدها

انصفت كل الشعر واركبت النشاما فالقطار**** ووقفت موجات البحور بجزرها مع مدها

بلغتهم جميع وعلنت اللقاء والاختبار**** وحطيت لك لجنه من رجالٍ ما يكشف سدها

عز الله انك يالحمياني مهندس للعمار**** تسس قواعدها وتبنيها ويصعب هدها

الشعر في ديوانه المعروف عين مستشار**** حطك يا بو مشعل سفيره والبقيه ردها

هذي حقيقه واضحه ماني مزود فالعيار**** يالمستمع هذي علومي والسوالف ودها

اقولها في ليل واغنيبها وقت النهار**** ما فيه غيرك يالحمياني زبونٍ قدها

اهداء خاص من الشاعر /سالم العزيزي..