|
ياأعضاء المنتدى انتبهوا لانفسكم
بسم الله الرحمن الرحيم السلام عليكم ورحمة الله وبركاته صباح الخير / مساء الخير موضوعي هو يوم ادخل المنتدى اذكرالله واكبر واهلل واقول الله لا يفرقهم من كثر ماشوف من الاعضاء وتواجدهم ويوم تنزل مواضيع اقول الله يرزق المنتدى باعضاء جدد والله الى الان مدري ويش مشكلتكم فيكم خمول زايد بصراحه ياخي حرام عليكم والله منتدانا بالعربي ميت ليش مدري انا اشوف المشاهدات للمواضيع كثيره والردورد 2 او 3 ليش وشفيكم متكاثرين تكتبون تقبل مروري ولا تضحك هههههههه ولا تقول الله يعطيك العافيه بصراحه يوم ينزل عضو موضوع ولا رد تجد واحيانا تروادني افكار شيطانيه من الانسحاب من المنتدى لان اكثر مواضيعي الي انزلها منقولها من المنتديات الاخرى وبصراحه تجد منتديات القبايل الاخرى والعامه تجدها حرررررريقه وحنا الله يخلف على منتدانا ابغى منكم بس اذا احد نزل موضوع يا انك تقول تقبل مروري ولا تضحك ولا تقول يعطيك العافيه ولاالله لايهينك لف في المنتديات الثانيه وانقل لنا مواضيع مفيده واسف اذا كلامي قصرت فيها او جرحت احد فيه وابغى ردود ومشاركات واراء الله لايهينكم |
جميعنا مقصرين اخي الوتيش انا وانت واغلب الاعضاء ولا بد ان كل شخص يبدا بنفسه وعند عمل ذلك لا يلام بعدها لكن نقصر في منتدانا ونطالب الاخرين هذه مشكله |
يعطيك العافيه |
اخوي الوتيش
لفته طيبه وحماس ليس بغريب برجل بقامتك لكن هذي المشكله والله الى الان مالقينا لها جواب وقد يعود السبب الى خجل بعض الاخوان من المشاركه والاكتفاء بالاطلاع ولكن الاهم مثل ماقال اخونا العزيزي المغترب ان نبداء بانفسنا لاننا والله مقصرين كثير والله ماتهمنا الردود على المواضيع بكثر مايهمنا التواجد وطرح المواضيع الهادفه اشكرك يالقرم وليت مثلك كثير |
موضوع جيد أخوي الوتيش والله يعطيك العافية وأنشاء الله نشوف تغير |
يكفيني تفاعلكم انتم ونتمنى من الباقين المشاركه |
الله يعطيك العافية
وكلامك في محاله وفعلنا كما قلت تجد منتديات القبايل الاخرى والعامه تجدها حرررررريقه وحنا الله يخلف على منتدانا وكلنا مقصرين ولا كن ان شاء الله ما تجد الا اللي يسرك واشكرك على الموضوع |
دائما وأنت مميز وتبحث عن التميز وتشكر على المواضيع الي تنزلها يالوتيش تقول أنها مكرره أقول ولكنها مميزة وبقوة ويكفيها تميز من اوصلها لنا لاشك ان المنتدى قائم ووضعه ومن أطيب المواقع ولله الحمد وخاصة انه قبلي وهذا حال المنتديات القبلية ويكفي ان للقبيلة منتدى ومرجع يتعرف على القبيلة من خلاله وفيه كل ما يخصها ولكن نطمع في المزيد واما بالنسبة لقولك اخوي الوتيش ان فيه شي من الخمول فهذا كلام طويل ويحتاج إلى مواضيع وبالتأكيد ان المعنيين فيه هم الأعضاء والزوار والجميع وليس لشخص عن أخر وبما انك تجرأت وفتحت هذا الموضوع أمام الجميع سنضع النقط فوق الحروف من عتبات هذه الصفحة بني عزيز هم ومن يعرفهم ويجاورهم ويحبهم فيهم ميزة حب بعضهم فمعروف عن بني عزيز الوفاء والوقفة التي تصل إلى الآثار عن النفس لذلك تجد في هذا المنتدى التواجد اليومي والمتابعة المستمرة وبعضهم يتصل بي ويبلغني بالإحداث أول بأول وما حدث ولماذا العضو الفلاني يكتب كذا ولماذا تعملوا كذا وإذا سألتهم انتم مسجلين في المنتدى قالوا لا بس نطلع طبعا صرنا نقفل نحجب المواضيع عن الأعضاء وصاروا يسجلون ولا يشاركون إلى درجة ان البعض مسجل من تأسيس المنتدى عام 2006 وللأسف انه ما كتب ولا حرف واحد واذا نزل موضوع وتصفحته أجد أسماء أعضاء مرة على هذا الموضوع ولم تعلق بحرف واحد كل هذا حياء وخجل من الكتابة وفك عنان القلم وهذا ما يجعلنا نحجب المنتدى في بعض الأحيان عن الزوار لأنا نريد ان نجعل الجميع يتجرأ ويكتب ويطور ثقافته وينطلق معنا ويطلق قلمه السجين وهي عند البداية فبعضهم متردد حتى في كتابة حرف واحد وكأنه يعلم انه اذا كتب موضوع او رد فقد بدأ بنزل ستار الحياء وانطلق معنا والموضوع اطول من ما ذكر ولا اريد الحديث فيه اطول ولكن مثل ما ذكر اخوي العزيزي المغترب انه ما علينا ان نبدأ بتصليح الذات يحث كل منا نفسه ويجتهد في المواضيع والردود في كل مره يدخل فيها المنتدى او يدخل النت عام ومن عمل بهذا الشى فلا يلام ووجهه ابيض أمام الجميع وبلاشك أنا نفخر ونتشرف بوجود الجميع مشاهدة وتصفح ولكن نطمع منهم المشاركة أولا لتطوير ثقافتهم وتعودهم على الحوارات والكتابة وثانيا لمشاركتهم إيانا كل ماهو مهم وجديد في حياتنا ولنقرب من بعض أكثر من خلال أقلامنا ولنحقق مقولة نلتقي لنرتقي وأحيي فيك روحك الحية الطيبة اخوي الوتيش واسأل الله لك التوفيق والسداد |
تسلم أخي واصل والله يعطيك العافيه على مشاركتك وطرحك الجميل ولا بد ان نكون يدأ بيد للرقى بالمنتدى والله ان ودي احضر جميع الكتب والمقالات والصحف والمشاهير في هذا المنتدى لكي يليق بمستواه أما بالنسبه لنقطتك التي تتحدث فيها عن بني عزيز فهم بلاشك مشهود لهم بالطيب والكرم والفزعه وليس انا الي اقول هذا الكلام بل جميع قبائل مطير والقبائل الاخرى والله لو تجد اكثر الاشخاص الذين هم ليس من قبيلة مطير يسالك عن قبيلتك وتقول لهم انك مطيري تجد اكثرهم يقول لك عزيزي فهم الله يبيض وجيهم بني عزيز ماقصروا ومثلونا خير تمثيل عند القبايل الاخرى وهذا اصلهم ومعدنهم الطيب |
أخوي الوتيش اشكرك على طرحك واذا على الردود يعلم الله \اني اخجل على نفسي من هاذي الناحيه ولايمكن أعذر نفسي واتمنى ان ياصل طرحي لكل موضوع تم تنزيله وان شالله تنحل فيني عقدة التكاسل وعدم النشاط الهادف لخدمة المنتدى العامر من جميع أعضاااء المنتدى أشكرك على الطرح |
| الساعة الآن 02:47 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "