|
موقف بين شايب وفتاه لاتفوووتكم
اخواني واخواتي هذه محاوره قديمة بين فتاه وعجوز في الثمانين من عمره
اتمنى ان تعجبكم بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب . فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون . راحت له وردت عليه السلام كيف حالك يا شايب رد السلام والله بخير الله يعافيتس وفجأه عطته ظهرها ومشت ولا استإذان ولا شي ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتيني لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يا بنت صدي بالعيـون الظليلـه لا صد عنك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت ما لـي بالثمانيـن حيلـه اهدف كما تهدف على البير قامه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه راحت الايام والشايب مسكين سنه خذله معها شايب وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان يا بنت ما جاتس الكبر والخشونـه وعادت شباب اليوم يجفل من الشيب ياسرع ما وبلـك تمـزع مزونـه يالفاتنه يـا ام الثمـان الرعابيـب يا بنت ما بينـي وبينـك مهونـه كلمة شرف نبي تحيـه وترحيـب الله مـن عـودٍ ثقيلـه طنـونـه ينصاه راع المشكلـه والمواجيـب على الكرم والديـن نفسـه حنونـه تلقاه بالاجـواد شـرق وتغاريـب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونـه مثل اليتيم اللي بكا ما له مجيب جداه ينثر دمعة ٍ مـن عيونـه غريق موجٍ ما لقا له مقاضيـب وسلامتكم |
ههههههههههههههههههههههههههه قصة جميلة ورائعة والله خـصــمـتــه البـنـت خخخخخخخخ الله يعطيك العافية أخوي وابن عمي سفير المهد سلمت ولا هنت الله يعطيك العافية مشكور كــُــن بـخيـــر أخـــي الــفــــــــارس |
اخوي العزيز سفير المهد الحقيقه اني تمتعة بهذي القصة الجميله وتمنيت انها اطول من ذلك لمافيها من ردود جيدة وواقعيه وعسى اللة يعطيك العافيه على نقلها لنا وشكراً وتقبل مروري |
اخوي سفير المهد ألف شكر لك
|
سلمت ولا هنت
مشكور الله يعطيك العافية |
سفير المهد
الله يعطيك العافيه على القصة والقصيده الممتعه ولك أرق التحايا |
شكرا ياسفير المهد على هذه القصه
يعطيك العافيه |
مشكوووور اخوي على الموضوع واكلها الشايب على وجهه
اقتباس:
|
سفير المهد
الله يعطيك العافيه على القصة والقصيده الممتعه |
| الساعة الآن 03:16 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "