منتدى بني عزيز الرسمي من مطير - ديوان الشاعر سمران بن عوض ابن صعير العزيزي

السلام عليكم ورحمة الله وبركاته

يتم هنا تجميع جميع مايخص الشاعر المرحوم باذن الله
سمران بن عوض ابن صعير العزيزي

صيدةالشاعر/ عبدالمعين بن عقل الثعلي
ارس ياغرس ٍعليك النا مهابه=لاتزعزعك الحرايب والوعيده 
الحرايب من على عصر الصحابه=مضحيه ويصيدنا والا نصيده
وان قنع بالحق يوم الحق اصابه=وان جزع واللي يريد الله يريده
لاصحيب ولانسيب ولاقرابه=من بديده وانت عنا من بديده
يجتهد فينا وحنا في هبابه=واذبح الضاوي ويذبحك القعيده
لايظن بزود منا ويهقابه=والله انا اقرب لروحه من وريده
وان بغى يقنع على مابي ومابه=وان بغى كتب الافاده مايفيده
وان بغاه يروح يوم وما غدابه=وان بغيت تولع النار الوقيده
علموهم يامطير ويا عتابه=يحسب الرجال يغدي به جحيده
ما ذبحناهم عبث والا غهابه=عمد واللي ماضي منهم نعيده
سلفة(ن)ردت عليه وسد بابه=في الفقيده ما يسد الا الفقيده
جارنا وكلابنا تنبح كلابه=مانحاوج بالمطاريش البعيده
وان ورد له مارد(ن) نشرب شرابه=وان صدرنصدر ونرده مع وريده
وان بغيت الصلح بين لي كتابه=واطف نار الحرب والهجره مهيده
وان بغيت الحرب بذتك الحرابه=الحرايب قدمنا بذت عبيده
شب نار الحرب والبس من ثيابه=واعذرالحكام واعلن في الجريده
الاسود مع الفهود مع الذيابه=والبحور اللي مغارقها سديده
واحتسب للحرب واصبرفي حزابه=والسلاح جداد والفتنه جديده
ساع ما ركب حديده في خشابه=والفشق موجود وايامك وجيده
وانت من خنذف وحنا من شبابه=ثم كل عز راسه من عضيده
العتيبي من رهاط ليا اللهابه=والمطيري من طويق الى اللبيده
وانت في لابه وانا في جوف لابه=لابة(ن)تذري محاجيها جويده
من وفا يومه وزلت له وجابه=ما نقص منا الحساب ولا يزيده
وانت لك عامين تلعب بالربابه=كيف تلعب بالربابه والقصيده
تحسب إناماعليك إلنا انقلابه=لو صبرناعنك تحتر الحديده
مير حنا في محاكمة النيابه=في ورود الصك حده وتحديده
ثم والله ماتروح بزود جابه=لين ما يبقى لتالينا شريده 

رد الشاعر/سمران بن عوض الصعيري العزيزي
هاضني عبدالمعين وماحكابه=مانعرفه غير نسمع في نشيده
يحتزم للجار والجار نعنابه=جارنا ماننقصه لازم نزيده
والكرام لجارهم مثل السحابه=مثل ما قال المهادي في قصيده
والنبي وصى على عصرالصحابه=قال جارك ثم جارك لا تكيده
ولوعقله قدوة لمن اقتدابه=ماحرب جاره يبي حربه يفيده
يحسب ان الغرس يفزع له شذابه=والنخل شيران مايفزع جريده
غرسك اللي تزعمه ماهو بغابه=جحر وبري(ن) ذكاته في رصيده
ان ظهر ضب الحجا غفو شبابه=وان جحر يربض وياكل من رديده
شب نارك في طرف جحر الذيابه=وانتبه واللي يريد الله يريده
وخل مرقادك على خوف وحزابه=لين راع الدين يرجع من ضديده
مات ميتكم ومحبوس القرابه=والجلاوي مثلكم يابس وريده
كل ماخلصت لك راعي طلابه=جاك من ذنبك عواقيب شديده
وانت ماشيبك من قبل الشيابه=غير جيرانك وهمك في مزيده
واقرب الحروه يحطونك نهابه=بينهم والا يخلونك وقيده 
من خطف قش العرب دشوا زهابه=ومن زرع له زرع ياكل من حصيده
ماقنعت من النهار ابوعصابه=يوم راقت روق ربعك في الوعيده
يوم جبت سليم من حرزا وزابه=مارجع يم اهله غير الشريده
كل شاوي على هرشة لبابه=تشتريه بدين من فرقة حديده
ثم يوم هدان يوم الانقلابه=علي باشا عندكم سيد وسيده
زبنوك الغار مافي الغار ثابه=وعابد الاصنام مانفسه شهيده
والثبيتي ماربح يوم(ن) مشابه=طاح قرص الشمس ماهون طريده
احد ميت واحد يذرف صوابه=واحد(ن) لومات سترا مع عقيده
احتس بقربه لميراد القصابه=عان أبن عمك شرب كرش السعيده
وربعك اللي يم حبروالغرابه=زورهم وواجدهم الحادث وزيده
وطيح والاصيح واجمع لك عصابه=ولاتخلى من عتيبه لو بديده
لن سلمت الدرب لك مفتوح بابه=وان فدوبك مانت الاول من فقيده
محتسينك باشقرا حمرا ارقابه=ويوم بكره مثل يومك في اللبيده
ترا ابوك مكفنينه في ثيابه=وان نويت نعيد يوم ابوك اعيده 
ومن حمل سيف ولا حنا نصابه=راح مخذول على خطة زهيده

رحم الله ابو ابراهيم رحمة واسعه