|
ديوان عبدالله بن هلال ابن صعير العزيزي
السلام عليكم ورحمة الله وبركاته يتم هنا تجميع قصائد الشاعر الغني عن التعريف عبدالله بن هلال ابن صعير العزيزي فالمملكه واحـــد وعشـــرين مليــــون وامسيت ياوائـــل حــــزين لحــــــالي كأني وحيــد ادم و حــــواء بهالكون مظلم فضاه وكـوكـب الارض خـالي لا وخـذ لي حـق ولا شــاكي ديـون واقـضي لزومــي لا نصيت الرجـالي وربعي على الشده عضودي ويوفون اخـفـهـــــم يـــرسي ســـوات الجبــالي ولـــو عنك اخبي مابقلبي من طعون مبينن شـــقــــى الليـــــــــالي بحــــــالي اجــامــلك واقـــول مـــابي ولا لون ولاعنــــدي اغلى منك بااول وتالي يابوك انا ماعاد اشوف الدركسون قمــــت اقـطــع الشــارع يمين وشمالي لكــــن خـــذ المفتاح واخذ التلفون وخــــــذ غترتي واحذف عليها عقالي ثم قـوم روح العب وشوف التلفزون واليـــا تعبــت ارقــــــد ومالك ومالي كانك تسلى لك عـلـى فـلم كــرتون انا وش يشتــــــت همــــومن ببــالي على اتصال من امس واقول تكفون وش صــــــار ثم ارجع واعيد اتصالي مالي جـــدى غـــــير اتصال التلفون وارفع يدي وادعي عــزيـــز الجـــلالي الشاعر عبــــــدالله بـــن هــــــــــــلال |
للقلب عندك صك من ضمن الاملاكـ
موهوب لك من عند جزل العطايا لا قلت لي عطني ولا قلت لك هاكـ فز وهتف من سد عوج الحنايا متربع بوسطه من هناك لهناكـ وحشرت باقي المجتمع في الزوايا مفتوح لك بابه وللناس شباكـ ومتلهفت لك شوق كل الخلايا واسألك بسم اللي عن الناس حلاكـ ولاحط لكـ بين الخليقه حلايا انكـ تصونه مثل ماهو بيدراكـ لوتحفظه بين الصور والهديا وبعلمكـ باللي بعد كان يخفاكـ غيري اشتياقي لك وحسن النوايا ان دق جوالي ولاقلت حياكـ تراك موردني حياض المنايا |
يدحر الظالم وتسلم ياوطنا كل ذره من تراب ارضك ثمينه في القلوب وعن حدودك ماغفنا نام وسط عيوننا بأمن وسكينه وياجبل دخان لا يلحقك ظنا كلنا من دونك دورع ــن حصينه من نواك بشر والله ماتهنا ولا يفكه من على فعله يعينه اخس يالحوثي ياليته ماتعنى وش يدور غير خذلان وغبينه المعارك كيفنا والنصر لنا شب نار الحرب وتعود رهينه ماتمثل شامنا والا يمنا ولاتبعت المصطفى خلقه ودينه كان جاهل فانشد التاريخ عنا من كثر ماشاف منا مذهلينه قبلك الطغيان ذاق الويل منا لين ناشدنا العفو رافع يدينه كم حريب ــن مشتهينا ماوصلنا ترتخي يمنى العدو من شوف عينه العلم خفاق وان متنا كفنا في ذرى الله ثم رجال ــن محتمينه |
اشغلت نفسك في رجـيم ولياقـــــــــه وشكيت في وضعك ولحقك وساويس والا انت ذوق وايتكيت ولباقــــــــــه لايق على بعضك بكل المقايــــــيس صحيــــح ردفك ظــــالم لعظم ساقـــه لكن قسم بالله مايحــــــتاج تخسـيــــس لاهو مخل ولايـعيـــــق الرشاقــــــــه خله على وضـعــــه تــعوذ من ابـليــس زرعت في غـــيرك شعــــور الاعاقـــه حتى اصبـــحن متــــبلدات الاحاسيـــــس كنهن من الجـمــــــــــال ذوات فاقـــــــــه لانك ملكتـــــــــــه والبــقيــــــــه مفالـيــس محتكــــــــره ومربـــــــوط فيك ابعلاقـــــه مثل ارتبـــــــاط الملك في عرش بلقيـــــــس ولاخر خـطــــــــــوط الموضه وللاناقـــــــه كانك لدى الخلـيـــــــــــــج سفـيـــــر باريـــس |
ليتك تذكر زمان العام وعصوره لتصدق ان قلت لك ماعاد تعنيني يوم ان سلطان حبك لاعب ــن دوره وش كان شكل اللقاء مابينك وبيني sa بتعليقة السلسال مسطوره الماس لاحلى ملاك ــن شافته عيني من الزميزان مادورت فاتوره اهديك وانا اعتذر وامد بيميني متواضعه .. والله ان مانتي بمحقوره لكنها رمز واكرر .. تعذريني وقزاز مستحضراته واجمل اعطوره وخلطات نكتار بورود ورياحيني ياعز خطوه على جيتك مشكوره انعشتي القلب وبفضلك غمرتيني والعمر لكله .. على التاخير معذوره يسعد محياك هالطله تكفيني واسمك وسلهامتك والصوت والصوره فـ القلب محفور مايمحنه اسنيني واحلى كلام الغزل والشعر واسطوره وش عاد اذكرك دامك انك نسيتيني لو لك ضمير ــن وفئ للعاطفه ثوره ولو لك عقل يدرك ومبدأ ذكرتيني ولاانتي على الصد والهجران مجبوره واقلها .. الله يبيحك مارحمتيني معذور من فارقك لو يفقد شعوره تعذرني الناس والا شمتو فيني ان غرك هيامي وبالزين مغروره قناعتي يا.... تطرحك من عيني عدي ضحيا الغرام بكل معموره لامحصيتهم ولا ربي بناسيني قادر على جبر قلب ــن كثرت عثوره ويسامحك ويعفو عني ويشفيني |
ويابعد دارك لابغيتك علي بعيد وبسافر لك ولاعاد لي بالسفر شده ومن كثر كبتي للمشاعر علي تهديد واقاوم وصابر بس صبري وصل حده نقاوم زمنا ماوصلنا لشئ مفيد نشد الحبل لا ارخا ونرخي ليا شده تواعدني وتكد وعود الوصل تاكيد وتفأجني ظروفك بهجمات مرتده واعذرك واجدد لك وعود الغلا تجديد اقول الزمن له وقفتن ضدي وضده واعد الشهر واراقب الوقت بالتحديد ليا فات هذا وابتدا الثاني اعده وربوع وخميس وجمعه الشوق بي يزيد ولا أمل ولا أشك بالهجر والصده ياليت الزمان اللي وضع عن وصالك قيد يحله ويعلن عتقنا عقب هالمده لكن دام ماجادت بوصلك ليال العيد عساها تجيبك عطلة الصيف في جده يابعد الرياض ليا بغيتك علي بعيد وبسافر لك ولا عاد لي بالسفر شده |
|
|
|
شاعر جزل , شاعر حساس , قصائده تعجبني كثيراً للأمانة أنا من أشد المتابعين لقصائد ابو وائل ومهما تكلمت عن قصائد فانا مقل تجاهــه أشكرك اخي البحار على طرحك الجميل وإثرائك للقسم .. ومنها سوف ترون قريباً قصيدة لأبو وائل وبتصميم جميل جداً .. |
| الساعة الآن 05:30 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "