منتدى بني عزيز الرسمي من مطير - قصيدة الشاعر عبدالله بن هلال العزيزي اداء فهد القحطاني تصميم فارسة ماتهاب

منتدى بني عزيز الرسمي من مطير (http://www.azizenet.net/vb/index.php)

- بحور الشعر الخاص (يمنع المنقول) (http://www.azizenet.net/vb/forumdisplay.php?f=89)

قصيدة الشاعر عبدالله بن هلال العزيزي اداء فهد القحطاني تصميم فارسة ماتهاب

قصيدة الشاعر عبدالله بن هلال العزيزي
اداء فهد القحطاني تصميم فارسة ماتهاب
http://www.youtube.com/watch?v=T_15QcNa-Dc

ليتك تذكر زمان العام وعصوره
........ لاتصدق ان قلت لك ماعاد تعنيني

يوم ان سلطان حبك لاعب ـن دوره
........وش لون كان اللقاء مابـينك وبيني

sa بتعليقة السلسال مسطوره
........الماس لاحلى ملاك ــن شافته عيني

من الزميزان مادورة فاتوره
........اهـديك وانا اعتذر وامد بيميني

متواضعه لاحشى مانتي بمحقوره
........لكنها رمز واكـرر .. تـعذريني

ياعز خطوه على جيتك مشكوره
........ انعشتي القلب وبفضلك غمرتيني

والعمر لكله .. على التاخير معذوره
........يـسعـد محياك هالطله تكفيني

وقزاز مستحضراته واجمل اعطوره
........وخلطات نكتار بورود ورياحيني

واسمك وسلهامتك والصوت والصوره
........فـ القلب محفور مايمحنه اسنيني

واحلى كلام الغزل والشعر واسطوره
........وش عاد اذكرك دامك انك نسيتيني

لو لك ضمير ــن وفئ للعاطفه ثوره
........ولو لك عقل يدرك ومبدأ ذكرتيني

ولاانتي على الصد والهجران مجبوره
........واقلها .. الله يبيحك مارحمتيني

ان غرك هيامي وبالزين مغروره
........قناعتي ياشهد تطرحك من عيني

عدي ضحايا الغرام بكل معموره
........ لا محصيتهم و لاربي بـناسيني

قادر على جبر قلب كثرت عشوره
........ ويسامحك ويعفي عني ويشفيني

للامانة شهادتي بشاعرنا أبو وائل دائم مجروحة فقصائده دائم تلامس أحاسيسي , وكل مايأتي بـه أبو وائل هو فريد وجميل ..

قصيده واداء وتصميم رائع

الله يعطيك العافيه اخي ماجد

الله يعطيك العافية يا ابن زويد
وشاعر كبير ابووايل
وقصيدة رائعة وتصميم رائع ايضا

:thumbs-up:

مشكور ماجد :bye:

على القووووة
قصيده زينه
وصوت اجمل
:36_1_21:

الله يعطيك العافية ياعاشق هباء
وصح لسان أبو وايل
وقصيدة رائعة وتصميم رائع ايضا

وتقبل مروري

كل مافيها جميل

كلمات اداء تصميم

لاهنت ياعاشق هبا

اقتباس:

المشاركة الأصلية كتبت بواسطة العزيزي المغترب (المشاركة 83973)

قصيده واداء وتصميم رائع

الله يعطيك العافيه اخي ماجد

العزيزي شرفني تواجدك الجميل والله يعافيك

قصيده جميله وتصميم رائع

اقتباس:

المشاركة الأصلية كتبت بواسطة الــوصــــي (المشاركة 83982)

الله يعطيك العافية يا ابن زويد
وشاعر كبير ابووايل
وقصيدة رائعة وتصميم رائع ايضا

الله يعافيك يالوصي

ونحن يد واحدة فيما يخدم قبيلتنا وشعرائنا .

وسعدت بتواجدك الجميل