|
تدري وش الي يتعب البنت ياخوي ؟!
تدري وش اليي يتعب البنت ياسعود ..؟؟ رجل يخون اشواقها والمودّه .. إللي الى احتاج الغلا صار نمرود .. وإليا شبع مما عطاه استردّه .. البنت ريحانة غلا ناعمة عود .. تبي لها رجلٍ ورث طيب جدّه .. رجلٍ فعوله كلها جود في جود .. مايلتفت للي كفوفه تمدّه .. رجلٍ الى جته الليالي بمنقود .. يتكي لها مابيّح الوقت سدّه .. ماهو بخيلٍ مارعى للهوى عهود .. وادناه ماعارض طريقه يردّه .. ولاهوب لاعلّه ولاهوب ملهود .. ولاشكوك وكل طاري يحدّه .. ماأشين من الرجّال لاجاك ببرود .. وان قال له ترف القدم شي صدّه .. تبي لها برّاق طيبٍ له رعود .. ان اجدبت يمطر على ريف خدّه .. وان نادته تكفى لقت عنده الفود .. يشيل عزّتها على قو زنده .. كفه نفل وانفاس صدره لها عود .. وظلاله الضافي بيدها تمدّه .. البنت قد .. وخد .. ونواظر سود .. وريحة غلا ياسعد من شمّ ندّه .. البنت الى ضحكت ثمرها له ورود .. ياخوي مين يقطف نواوير ورده ..؟؟ واللي يهين البنت ناقص و مقرود .. فرسٍ غلا ,,, ماهي حمارة مكدّه .. |
البنت ريحانة غلا ناعمة عود .. تبي لها رجلٍ ورث طيب جدّه .. دائم ذووق ودائم رائع لاأستطيع الا أن أرفع القبعه لك تقديرأ واحترامأ تقبل مروري |
صاحب الفخامه الله يعيطك العافيه ياشوق البنت راااااائع جداً |
مميز دائماً
|
اختيار وذوق رائع اخي صاحب الفخامه |
واللي يهين البنت ناقص و مقرود .. فرسٍ غلا ,,, ماهي حمارة مكدّه .. اختيار رائع اخي صاحب الفخامه لاهنت |
صح لسانك ولسان الشاعر الرائع أعجبني :.. البنت الى ضحكت ثمرها له ورود .. ياخوي مين يقطف نواوير ورده ..؟؟ واللي يهين البنت ناقص و مقرود .. فرسٍ غلا ,,, ماهي حمارة مكدّه .. قصيده جدا جميله ومرهفه ابدعت في اختيارك وذوقك الجميل تقبل وجودي طير القوافي |
| الساعة الآن 01:38 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "