منتدى بني عزيز الرسمي من مطير - عفت كل الناس في نشوة غلاك

يا حبيبي آه من روعة هواك
وآه من حبٍ رشف همس وقصيد
في حروفي شوق قلبٍ ما نساك
حتى نبضاتي لها شكلٍ جديد
تنتعش بي كلما اشتمت شذاك
وفي كياني انت محبوبي الوحيد
عفت كل الناس في نشوة غلاك
وان بغيت اوصف شعوري ما أجيد
انت أغلى انسان عندي يا ملاك
انت عندي حب يسري في الوريد
كل هذا الكون ما يسوى رضاك
أشتريه بروح وحبٍ ما يحيد
تدري وش حلمي أنا حلمي لقاك
ما أريد الهجر منّك ما أريد
خافقي يهواك من نبعه سقاك
ومايبي غيرك ولو شوقه يزيد
من هويتك ما بغيت الا عطاك
من مشاعر داخل اعماقك تقيد
وما لقيت انسان مثلك في نقاك
أنت رائع انت انسانٍ فريد
أنت مُذهل انت راقي مستواك
وكل شيٍ يطرحه فكرك مفيد
ما ندمت بيوم أو لحظه معاك
كل ما شفتك أحس اني وليد
همسك وأعذب قصيده في شفاك
تخترق سمعي وانا اترجى تعيد
يا حبيبي كلما عيني تراك
أشعر إني في وسط قصرٍ مشيد
وسط جنه تزدهي بروعة حلاك
وسط عالم يحتضن فكرٍ رشيد
هذا شعري يا حبيبي اللي قراك
آه يا شمس اشرقت لي من بعيد
أنت معزوفه بقلبي في سماك
أنت رمضا ذوبت فيني الجليد
لو يجور الوقت انا كلي فداك
أجمع اشتاتك بعزمٍ من حديد

ممــا رأق لي