منتدى بني عزيز الرسمي من مطير - قصيدة الشاعر/ خالد بن صنت الوصي

منتدى بني عزيز الرسمي من مطير (http://www.azizenet.net/vb/index.php)

- بحور الشعر الخاص (يمنع المنقول) (http://www.azizenet.net/vb/forumdisplay.php?f=89)

- - قصيدة الشاعر/ خالد بن صنت الوصي (http://www.azizenet.net/vb/showthread.php?t=11626)

قصيدة الشاعر/ خالد بن صنت الوصي

قصيدة لـــ الشاعر / خالد بن صنت ابن صعير العزيزي

طلبت الكريم الي بلاامره ما شيء صار
... بعد دقت هجوس الضماير بمافيها

بعد ما نصاني معسر(ن) شاكي الاعسار
... وشكى لي ضروف(ن)عندي ربي مشاكيها

نخاني وقلت ابشر ودمعه بعينه حار
... وقطع تالي الكلمة ما يقدر يوفيها

ونخاني وقلت ابشر وقدمك فرح وانوار
... انا شلت حملك قوم سالم يا راعيها

تريح تطمن عنك ما اقدم المعذار
... من الكيس والا من ربوعي نصفيها

وانا عارفن ربعي ليى عميت الابصار
... هل الطايله دايم طوال(ن) يمانيها

ربوع(ن) لهم في الطايلة طول الاشبار
... هل الطيب والطالات حاضر وماضيها

رجال الوفاء اللي معاوز كما الامطار
... كما مزنة(ن) يوم امطرت سال وأديها

وانا عن لزومي ما تدرق بسد جدار
... اسد الخسارة عنك والعرس قافيها

براي الا اله الواحد الكاسر الجبار
... دلولي على الحر لاكن ما ني مضريها

لاضاقة اموره اسج القدم محتار
... اسج القدم والله يثبت مواطيها

الله يثبت مواطيها
صح لسان الشاعر خالد بن صنت

ولاهنت يالوصي على النقل تسلم يمينك

تقبل مروري
الح ـب حاكم ـني

قدها وقدود ابن صنت

صح الله لسان ابن صنت

قصيده رائعه ومعبره

سلمت اناملك اخي الوصي

صح السان ابن صنت
وبيض الله وجهه
ووجه ربعه لفزعتهم مع رفيقهم
ولا هي غريبة عنهم
وقصيدة جزلة من راس جزل
ويستاهلون ربعه المدح

وسلمت يدك اخي الوصي على النقل الرائع

صــــــــح ذووقك ولســــــــــــــــــــــــــان قايلها

صح لسان ابو محمد وبيض الله وجهه
قصيده جزله وموقف ليس غريب عليه

وتسليم ياناقلها

صح الله لسان شاعرنا الكبير خالد صنت على القصيد الجزل وانا اشهد انه اذا قال طال وتسلم يالوصي على هذه الابداع

صح السان الشاعر ابن صنت
وبيض الله وجهه ووجه ربعه اهل الوقفات
لياقالوا فعلوا ويا حظ من وقفوا في صفه