|
مجارة الرصيف الهادي
بسم الله الرحمن الرحيم يسرني و يسعدني أن أجاري قصيدة الرصيف الهادي بقصيدتي المتواضعه جداً و للعلم هذه أول مجاراه لي لأنني لا أتعمد كتابة القصيده! متى ما أتت أنقل حروفها و لكن تلبيه لدعوة ابن شداد تعمدت كتابة القصيده و هي أول قصيده اتعمد كتابتها وهي الأولى و ابن شداد راعي الأوله و المعذره إذا كانت أقل من المستوى الذي عرفتموني عليه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ طفلٍ حفظ من مدرسة شيبانه الرجل ما يبخل على ضيفانه و انا ضيوفي ما بغيت اكرمهم اللي غزو صدري بلا ستيذانه اللي غزو صدري بغفله مني ما هم ضيوفي للصدر عدوانه توكلي يا هموم خارج صدري يكفي اعآني من سبب هجرانه تعبت من هم الطريق المظلم اللي ظلامه موحش لجيرانه لا قلت ابـ آآصل ماقدرة آصل له صعب الوصول و حافظٍ عنوانه لا اقبل علي الليل و ارخى سدوله جات المشاعر كلها عطشانه تزآآحمت في صدر من يعشقها و صب الدموع و صدرت رويانه يا ليل لو تسمح بقول لخلي كلام في صدري كُتب من شانه بقول له جمله هُنا في صدري من غيبتك نفسي ترى تعبانه و أنا على شوفك اسوق البُشرى مشتاق للبسمه و هي خجلانه حمرة خدودك من خجلك القاتل كوكتيل حآآلي طاغيه ألوانه مد الكفوف و خلها تتشابك شوف العيون لشوفتك ظميانه والله مايطفي لهيب العاشق إلا ارتماءت صاحبه فحضانه قصدي ارتماء الود يا سامعني يطفي اللهيب و تنجلي احزانه جيت المكان اللي نجيه من اول جيته وقال: فلان وين فلانه؟ جريتها ونه و قلت: بعيني شفها غفت في عيني السهرانه رد المكان و قال: ماني شايف إلا عيونك كلهآآ غرقانه قلت البلا هذا و مثلك عارف إنسان يبكي من فراق إنسانه بالله خلوني أعيش لحالي بيني و بيني و السبب نسيانه خلاص ابسآفر و يمكن مـ رجع و إذا رجعت و شنطتي مليانه فيها حروف مبعثره من اسمه اضمها و اقراه لآخر خانه و ارجع أبعثرها عشان اجمعها و اضمها و أستنشق الريحانه يوم اتذكر ما مضى و اذكرها و اذكر رماشة عينه النعسانه أشياء في صدري تهز ضلوعي هذي المشاعر تشتكي هجرانه يا ليتني طفلٍ ليا هالحزه طفلٍ يعيش ابمدرسة شيبانه |
صح السانك ابدعت بمعنى الكلمه انا عارف انك شاعر وقدها اختياري موفق وانا اشكرك على تلبيت الطلبي ماقول غير لافض افوك |
ابداع اخي سمو القاف صح الله لسانك على القصيده الرائعه |
مبدع يا سمو القاف و ما خسر من اختارك
قصيدة شاعر بمعنى الكلمه |
بصراحة .. للتفوق عنوان .. وأنت عنوان القصيد
المفروض هم اللي يجارونك مو تجاريهم والله مبدع ياسمو القاف بكل ما تعنيه الكلمة،،، |
اسم على مسمى لانك فعلا(ن) تسمو بالحرف وفالك البيرق وصح لسانك
|
صح لسانك ياسمو القاف ولله درك ابدعت في المجاراه وتقبل تحياتي
|
ابن شداد الطلاحبي
العزيزي المغترب شموخ عزيزي سمو الذات عالي الهمه مشعل العزيزي أشكركم على روعة المرور الذي أثلج صدر سمو القاف و حضوركم هو ما نبحث عنه ودي لكم |
تعمدت تكرارها لتكون ضمن آخر المشاركات
|
صح لسانك
تشكر على هذا الابداع ويشكر من دعاك له بن شداد عيني عليك دايم باردة يا سمو القاف قداد قدام ارق سنود |
| الساعة الآن 03:15 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "