يامسافـره مــع جـنـاح الطـيـر = حسبي علـى الطيـر مـن هـدّه
ضفّـك جنـاحـه وعـيّـن خـيـر = وحـبــال الأشـــواق مـمـتــدّه
يابـنـت .. مــا للسـفـر تـبـريـر = خــص ٍ لـيـا طـالـت الـمـدّه
انـتــي تقـولـيـن جـــدّه غـيــر = وانتـي بعـد غيـر عـن جــدّه ؟
جيتـي بحرهـا وجــاك مغـيـر = مشـتـال مـوجـه عـلــى يـــدّه
الـمــوج ودّه يـضـمّـك مــيــر = الــــبــــحــــر .. ودّه ولا ودّه
يانـفـحـة الـشـيــح والـنـويّــر = ســـداح بـــاح الـجـفـا ســــدّه
وش خـانـة الشـعـر والتعبـيـر = أبـنــي لـــك الـبـيـت وأهـــدّه
دايم وطيفك ضحى واعصيـر = يــشــنّ هـجــمــات مــرتـــدّه
واليا عرض لي عكست السير = وسيلّـت دمعـي علـى خــدّه ‍ !
اليـاس يقضـى علـى التفكـيـر = وافـزع ورا الصـبـر وارتــدّه
وانــــادي الـحـلــم للتـفـسـيـر = ولازلـت .. ولا زالـت الـشـدّه
من يـوم كنتـي وكنـت صغيـر = نضحـك علـى العـمـر ونـعـدّه
والـيـا حـصـل بينـنـا تقصـيـر = نـصـدّ .. ولا تبـطـي الـصــدّه
ليـن ابـتـدا الشـيـب والتوقـيـر = وعـلاقـتــي مــعــك مـشـتــدّه
محـبّـه .. وحشـمـه .. وتقـديـر = ويـضـدنـا الــحــظ ونــضــدّه
منتـي عـلـى مـوجـة التغيـيـر = يـابـنــت الأجــــواد مـحـتــدّه
ويـا اللـي تقوليـن جــدّه غـيـر = انـتـي بـعـد غـيـر عــن جــدّه