|
ياكبرحظ القبر
http://platform.ak.fbcdn.net/www/app...7%2Fssl6an.png
ياكبر حـظ الـقـبر واللـحـد والخام الله مـشرفـها بــمـسكـن عــظــامه للحل يامحـقــق عـسيرات الاحلام مــافـيه مـجــد الا تـقـلــد وســامه ماهوب حزنه عام والاطـرف عام حـزنه مقيمن لـين يــوم الـــقـيامه حزن التواصل والسياسه والايتام ومجدن رفع به رب الامه مـقـامه حزنه حزن عالم شعوبن وحـكام وحزن العزيز الي يخونه حزامه قـفيـدة الدين الحنـيفي والاســلام وفـقـيدة اسلوم العرب والســلامه سلطان مامثله على طــول الايام مخـجـل مـلاقـينه بنبل احــتـرامه لــو المداد بحور جــفـن الاقــلام في حصر ماسجل بفخر وكـرامه سلطان سلطان الحقايق والارقام المجد به حـقـق مـناه ومــرامــه هـذا وحـظ ايتام الاقــطـار به قام وحجو لبيت الله ولبـسو احـرامه عينه بركب الشعـب تـنـظر لقدام الله يـبـيـحه عــد وبل الـغــمــامه ويجبر عـزانا فــيــه والحي مادام ربن عـطـاه زمام طيب وشــهـامه عبدالعزيزبن سعود السعود(السامر) |
أول شي يعطيك العافية يالليث على نقلك ثاني شي الله يرحم سلطان ويسكنة فسيح جناته وانا أشوف الغلو الزايد يمكن نكسب أثام وذنوب وحنا ماندري تقبل ردي وودي |
صح لسان الشاعر المتواضع السامر
ولاهنت عالنقل يالليث |
اقتباس:
وبرحم سلطان الخير واي غلو زايد انت تراء مشاعر الشعب السعودي عن سلطان الخيررحمة الله عليه تعتبره اثم وذنب بل اختلف معك فاسلطان الخير برحمه الله قايد محنك على المستوي السعودي والعالم الاسلامي واعماله الخيريه دليل على ذلك |
تسلم يالليث وانا سمعته في اف ام قبل يومين مره ولا عادوه شي جميل نقلك لها وصح السان شاعرها السامر ورحم الله من قيلة فيه |
الله يسعدك اخي ابن شداد
كلامك صح سمعتها وتم حفظه من الا ام بي سي ونفلتها لكم طال عمرك اسعدني مرورك |
يالليث أنا ماقلت فيه شي محنك سياسي كريم كل الخصال الحميده فيه لكن نبالغ في مدحه حتى وصلنا للدرجة نقول ياحظ القبر بسلطان ياأخي الفاضل القبر أما يكون روضة من رياض الجنة أو حفره من جهنم حنا مانقول الأ الله يرحمة ويسكنه فسيح جناته |
اقتباس:
الوتيش انت مدني والا بالجيش رغم خيرات ولد عبد العزيزالله يرحمه تعم العسكريين والمدنيين وحتى الطليه اذا كنت طالب |
تسلم يالليث على نقلك... وكلام الوتيش صحيح.. الله يرحمه
|
اقتباس:
سلمتي والرحمه لمن هنا اسعدني مرورك |
| الساعة الآن 10:56 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "