|
محاوره نار نار بين العوني وحبيب
الشاعر فازع الصيده العوني والشاعر حبيب العازمي
المحاوره قويه وابدع فيها العوني وماقصر حبيب حاول يجاريه فازع / ...............................................ـــ ــــــــــــــــ.................................. ..... حضرنا للعزيمة والعزيمة دربها سلطان...............عاويدنا القديمة يعلم الله مانخليها حبيب/ هلا يامرحبا ترحيبةٍ يرجح بها الميزان..............كما نقد الذهب من بين بايعها وشاريها الا ياصاحبي فازع بعدما جيت للعتبان................تعين فالحقيقة والرعية عند راعيها فازع/ لعل ابك البقى يالشاعر اللي يوفي الديان.............وكل يشتري ويبيع والطالة لراعيها وراعي الشوف مثلك مايجي في قصة العميان......بعدما جات العلوم اللي جليل الملك حاليها حبيب/ منول يالمطاري ماتعدى ديرة المطران............وهالحينه تصابح في دير وديا ر تمسيها انامالي ومال المخطيه والفاضي المليان............انا اعرفك واعرف كبار عبداله باساميها فازع/ منول يالعتيبي طاردينك من ورا القريان.........وذالحين تبحلقلي عيونك كحلها فيها تقوله ياحبيب وانت في درب الغلط غلطان......قتلتوا نفس والله يا وجيه الخار محييها حبيب/ منول يالمطاري مالكم رحمه ولا غفران...........وذالحينه ماغار اذنيك ترفعها وترخيها لقانا عندنا رحمان وانتم عندكم شيطان............واخذتواعمة الشيطان وازعلتوا بناخيها فازع/ تعلم عن فضيحه يالعتيبي وانشد الشيبان............عتابه كلها ماهمني طرباق اذنيها فعلت القصة اللي مامضت في سابق الازمان......عساها ماتعود مع العرب لاعاد طاريها حبيب/ ابا اذكرك بالعصلا وعلم ربعك العصلان ...........عتابه حربها ماهو بطليان تخصيها اليا منك زعلت اضرب براسك عجة الدخان .......ترا الدخان يكحل عين اخو مره ويعميها فازع/ امانه علموني وش مضالك يوم كون هدان..........شرايدكم ثلاث ايام ماتعرف حراويها ذبحنا المرشدي يوم الملاقا طاح فالميدان...........حصانه في كراعه مربطه ماني مخفيها حبيب/ لعله ثم ليته يوم جات منك فالسلمان ............عسى خنذف على خنذف تجاهدها وتفنيها نسيت الفارس المشهور طاح وعمدة الضبطان.........واعرف الاوله والثانيه ماني بناسيها فازع/ ذبحنا قوم باسمك يوم جا للمعركة دندان...........جنايزكم كما نطل الخشب في جوف واديها دماكم مع صليب الصمد تمشي سالت الوديان.......واخذنا بارق العتبان يوم الله دعا فيها حبيب/ فناجيلك شربناها وثانانا على البرهان..........تراحيب انتهى وانته تسندها وتنحيها ترى لولا علوم ثانيه ونقدر الجيران..........فتشنا عن علوم بالغطا عنك مغطيها فازع / ليا مريت مع قرية ضرية زاوروا قشعان ...........تعشته السباع اللي تروعكم تعاويها |
هلا والله وحياك يا أخوي أبو ماجد صــح لســان شعراءنا ولسانك على هالنقل المميز بيــّــض الله وجهـك سلمت ولا هنت يعطيك العافية مشكور كــُـــن بــخــيــــــر أخـــــي الــفـــــارس |
بيض الله وجه عز الله انه شاعر كفو
|
ابو ماجد تشكر على حسن الاختيار وبيض الله وجهك وسلمة يمينك
اشهد بالله ما قصر الصيده وحبيب بعد والله ما خلي شي وفى كذب منعنده وعلى فكره نى المرشدي الي يقوله الصيده ذبحه مشخص المندهه وتحياتي لك يا ابو ماجد واصل عزيزي |
تسلم اخوووووووي ابو ماجد علي طرحك الرائع جد محاوره متعوب عليها وقويه
علي قولة القايل محاوره مولعه نار والرهيب فيها : فازع العوني لمن يقول ذبحنا قوم باسمك يوم جا للمعركة دندان...........جنايزكم كما نطل الخشب في جوف واديها دماكم مع صليب الصمد تمشي سالت الوديان.......واخذنا بارق العتبان يوم الله دعا فيها |
شكراااا أخوي
يعطيك العافية |
ابو ماجد
مشكور ويعطيك العافيه |
| الساعة الآن 08:39 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "