|
مـن قـصائـد الشـاعـر / ثـواب مـعـاصـب المـنـدهـه
قصـيدة فـي عايـض بن زيـد المــندهه شيــخ بنــي عـزيز رحــمه الله للشــاعــر/ ثـــواب بن مــعاصــب المـــندهــــه يالله يـاللـي ماتــرددعــطــايـاه =ياواحـدن تبــدي وبأمـرك تـعـيدي أفرج لشيخن بالمرض زاد شكواه=الـناس تسـعى والـمشاكـي تزيـدي المـندهـه ياجـاهـلن فـي سـجايـاه =أنشـد وتـلقى لـه فـالأمـه شـهيـدي اللي مضى يوم أهل الشور تنصاه=في مـقدمتهـم مثـل سيفن حديدي والـيوم أشـوف الشـوف قام يـتعداه=مـاكن ماضي له فالأيـام عيدي وحنا مشـينا بـه علـى كل مـجهاه=نبغى الدواء مار الدواء مايفيدي يالله تجـعل جـنـة الخـلد مــأواه =ياواحـدن تـأمـر علـى ماتـريدي |
الله يرحم الشيخ عايض المندهه وصح لسان الشاعر ثواب و سلمت على النقل ياعبدالعزيز والشاعر ثواب له قصائد كثيرة فزودنا بها الله يجزاك خير كل الشكر لك ياعبدالعزيز المندهه |
قصيدة نصـــح لكـــل ابـــن
للشاعر/ ثـواب بــن معــاصــب المــندهـه يا أبـني تـرى الـناس لو تضــحك حــواجــبها أحدن يحطه عليك قمار وهوالي أفـطــن لـضـحــك العرب والـنــاس جربـــها لاتلــفت للــــطمــان ولـــد للـعــالي والنــفـس فــــالـديـن والــطـاعــات رغـبـــها في طـاعة اللي خلقها فـأول وتـالي وأبعــد عــن اللـي عمـيـل الـشــر معـطـــبها فالـذوق مافـرقت فــالمر والحــالي كـم واحـــدن راح حـالــه من ســبـــايـــبــها ماعـاد له في قلوب الناس منـزالي عنهـا أبـعد الــنشر لـو الـرجـــل تتـــعبـــها لا تـعترض للخبيث وشر الأقوالي وأحــذر ربــوعك مـع الأجنــاب تـشذبــها سوات من يصفق بدلوه على الجالي ربعـــك لـحــافــك لـيــا هـبـت هـبـايــبــهـا لن صافقت بالهبايب شرق وشمالي لـو شـانـت أوقـات فيـه أوقـات تغــــصبها في يـوم ماله عن الميقاف محوالي وأغرس لروحك غروس الطيب وأحجبها بالطيب والمعـرفة مع نــاس عقـالي هــاذي دروب الرجـال اللـي مـناكـــبــها تشـتال كثـر الحمـول خفـاف وثقالي نـــصيحتــن قــلتـهـا وأبـاك تــكتـــبــــها في داخل الفلب ماهي فـالخلا الخالي وأن كــان جـا نبـتهـا مانــتــه مراقــبهـا مـــانـــي لــمن يعـــتمـد بلــواه دلالي أبـديـت مافـي ضمـيري وأنت صـاحبها والنـاس قبلــي تــقــدم نصـتح وأمـثالي |
شكراً لك أخي عبدالعزيز على النقل والافضل تحط القصيدة الثانيه في موضوع جديد للاطلاع عليها أكثر كل الشكر لك |
قصيــدة رثـاء فـي عــوض بـن مــعـــصـب الـمـنــدهـه رحـمـه الله
للـشاعـر/ ثــواب بن مـعاصــب المــنـدهـه فقـدت لي حين معي سر وأجهـار وليـا نوينا الـدرب نمشـي جميعـي يصغي عن الظلـما ويقبل للأنـوار وأقـدام رجـلــه للخطـأ ماتتـيعـــي اليـا ذكرتـه تـقـل فالقـلب مسـمـار يـدلـه قليـل وقـال أنا مأستـطيـعـي وأنا أحمد الله ذاخرن ناسن أخيار تـنـزل منـازل من مـكانه رفـيــعي القلب يـدري مار مايسمـع الـشار اليـا ذكـر له حال فكـره يضـيـعي حـين رحـل مازعـل العـم والـجار وبـيتـه لمن ينصاه مثل الربيـعـي أبو عبيد اللـي ليـا جات الأذكـار يـذكر بـخير وللأمانـه وديــعـــي عســاه فـالجنه مـع النـاس الأبـرار بحـكمة اللي بـالعـطايا سريـعـي |
سلمت اناملك اخي عبدالعزيز على هذا الطرح الرائع |
اخوي عبدالعزيز المندهه
حياك الله في محلك سعداء بتواجد مثلك وشرواك ونفتخر به ياليت توافينا بكل قصايد ثواب بن معاصب المندهه حتى نحط له ديوان نجمع فيه قصايده نقل رائع لقصايد لها معنى وطعم رحم الله المتوفي وابقاء الحي واطال في عمره |
صح لسان الشاعر ثواب وسلم بنان ناقلها،،،
|
الله يحيك ياعبدالعزيز في منتدى ربعك ونفتخر بتواجد مثلك وشرواك .. وجعل عمر شاعرنا ثواب المندهه طويل وأسأل الله له مداد الصحة والعافية .. ورحم الله شيخنا المحبوب وطيب الصيت عايض المندهه رحمة واسعة .. وسلمت يمينك على كل ماتزودنا به من قصائد نادرة ومعبرة .. وأستئذنك بالتنسيق .. |
| الساعة الآن 10:16 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "