ياكثر تفكيري اليا مر هاجسي = وعبرت بأحكام البيوت أحكام
دنيا يالو تقبل بلاشك زايله = تبًرق وفآخرها يجي الإعدام
والياك فاض اليد ومسؤل عنها = ومصوره تصويرة الأفلام
وتشوف عملك لو وزن الذره =موجود في كتابك وفـ الأرقام
ويالله عفوك عن عبادك كلهم =تباعة السنه بوجهِ عام
عز الله إني معترف بـ ذنوبي = وخطاي فالتقصير والإجرام
بمجالس أهل المهزله والنمه =لو ماهرجت أضحك وأقول تمام
واليوم اتوب وعن خطاي استغفر = عن مامضى في مقبل الآيام
ياغافر الزلات تغفر زلتي =اليا انتهينا وانتهى الكلام
يومٍ من الدنيا اطوى صحايفي = طوي الكتاب وجفت الأقلام
ودوني الحفره وجوني قرايبي =وفيدي من الدنيا مغير احرام
وهبطت بالحفره وقالوا تعاونوا = وكلاً بحيله هد يالهدام
حتى الولد بكريك معهم فازع=ينسف علي من التراب اكوام
ودموا عليه تربها ثم روحوا = وتفرغوا للشرب والطعام
وقالوا فمان الله ودعت دارنا = الدايم الله غير ماأحد دام
ماعندنا غير الدعاء ندعيلك = عساك فالجنه وفالأنعام
والناس زرعِ به جديد وبايد= النبت فيه ويصرم الصرام
وخليت فالحفره وحيد لحالي = وجوني ملايكة يبون أعلام
وهما ملايكة الغضب والرحمه= في سرع مع تحريكة الأقدام
يالله تلهمنا الجواب الطيب = نرجي من الرب الكريم إلهام
الله إلاهي والرسول نبيي = وبالدين اجاوب ديني اللإسلام
وتشاوري قالوا من اهل الجنه = بعفو خلاقه وعفوه قام
يامزبن الخايف تمن خوفي =يومِ يجي فوق السراط زحام
وابغى من الحوض الموضح شربه= يوم الظمى يوم الكبود حيام
ياسامعين القوم هذي منوتي = أحلم بها وأصحى من المنام
وختامها مني صلاة على النبي = اعداد من صلى وحج وصام

المشاركة الأصلية كتبت بواسطة الليث (المشاركة 132535) صح لسان ابوفهد وسلم نقلك ياعاشقنا وننتظرجديد شاعرنا بن غالب الطريس

المشاركة الأصلية كتبت بواسطة إمتنآآآن... (المشاركة 132571) اللهم صلِ و سلم على حبيبنا محمد وتشاوري قالوا من اهـل الجنـه بعفـو خلاقـه وعـفـوه قــام يا جعله من آآهل الجنه و النار ما تمسه يارب العباد هو و كل من يقرى قصيده تحمل في طياتها اجمل المعاني لا يسعني وصف جمالها فكل بيت قصيده صح لسآآآآنه عدد ما قال و لا هنت على النقل المميز عآآشق هبآء...

المشاركة الأصلية كتبت بواسطة معلا رزن البنيد (المشاركة 132803) تحية وتقدير عاشق هباء أنت فعلا أضفت للشعر الكثير وأتمنى من الله عز وجل أن يوفقك في الدنيا والآخرة اخوك : البنيد