منتدى بني عزيز الرسمي من مطير

يـالـدفــاع الـمـجـنـد ضــــد نــــار الـحـرايــق

جيتـكـم يالنشـامـا فــي ضـمـيـري حـريـقـه

والسبايب عنود(ن) شفتها جنـب سايـق

كيـف تركـب مـع السايـق قبيـح الخليـقـه

لــدة العـيـن فــي وغـبـت خـمـسـة دقـايــق

قلـت يابـنـت سـكـران الـهـوى مــن يفيـقـه

قالـت انتـه تحـب البـوق وإلا انـت بـايـق

كل ماشفت ورد(ن) قلت ابي من رحيقه

ينبـت الــورد لـكـن دونــه الـشـوك عـايـق

وانــتــبـــه لــلــســـراب ولايـــغــــرك بــريــقـــه

قلـت اشجـع واحـب الزيـن لاصــار فـايـق

يـــوم كــلــن يـشـجــع بـالـمـلاعـب فـريـقــه

ميـر ابـي مـنـك يابـنـت النشـامـا حقـايـق

علمـيـنـي تــــراي احــــب قــــول الحـقـيـقـه

انـت منـت بسعـودي لـو طلبـت الوثـايـق

مااعلم الغيب مير الشكـل يعطـي وثيقـه

قـالــت الـعـلـم كــنــك بالـضـمـايـر مــوايــق

من ضبا نجد واسكن باالكويت الشقيقـه

مـيـر جيـنـا نــزور الـلـي علـيـنـا شـفـايـق

عطلة(ن) والصديق يـزور فيهـا صديقـه

والـصــدف مـاتـشـاور لاتـــون وتـضـايــق

والـخـطـر لـــو نـعـرفـه مامشـيـنـا طـريـقــه

قـلــت روحـــي علـيـلـه ماعلـيـهـا لـحـايـق

وألتـفـت للطـريـق وضــف ضـافـي دلـيـقـه

راح زعــــلان مــــدري مــــن تـغـلـيـه رايــــق

إلـتـقــيــنــا دقــيـــقـــه وإفــتــرقــنــا دقــيـــقـــه

مما راق لي