|
بالله ياقوقل( اكتشف السر) اخوكم نايف معلي العزيزي
هذه ابيات توي الان وانا على قوقل كتبتها يعني على عجله حبيت اضع بها سر وعليكم اكتشافه ... اترككم مع القصيده بـــالله لاتــقوقل ياقـــوقـل لنايف.... يكـــفـــيه ربعــــه دايــم مقــوقــلينه نـشرف على روس الطوال النوايف...يوم الضعيف يحوس وسط الدفينه يــاليت قوقل يلتـــفت للضـــعـــايف.....اللي على شــعره مســوي كبينه عــمــود فالصــفــحه وشلــة ولايف ...ولاهــو عشان ابيــاتــه موالفينه زوار من جنــس العـقــول الخفايف... يرطــنلــهم ويصفــقـون لرطينه يــاقــوقل اخذ العلــم من عند نايــف....ان كان تبــحث للصروح الثمينه زيــن علــومــك ثم خلــك مــهــايف.... على بني عـــزيز وانسى الغبينه .................................................. ............................... |
صح لسانك اخي نايف عزالله انك تقول وتطول ودرر حروفك وياقوت |
اقتباس:
اخوي : نايف معلي العزيزي جبتها يانايف مشكور وما قصرت شاعرجزل وصح لسانك يابو معلي دمت بقلم شاعر يكتب لنا عن المشاعر |
حياك يانايف
الدعوه كلها قوقله عزالله تقول وتطول قوقل العضوالي مسجل هنا تقصده ولا غيره اوتتكلم عن الاحداث الاخيره صح لسانك يابن معلي |
صح لسانك يانايف
السر في هذا البيت زوار من جنس العقـول الخفايف يرطــنلــهم ويصفــقـون لرطينه والفرق بين منتدانا وبعض المنتديات الأخرى وأعتقد اني فهمتك وفهمتني يالنايف والله العالم وأتمنى بعد المشاركات أن تبيّن لنا السر وشكراً . تحيتي لك الح ـب حاكم ـني |
صح لسانك اخوي نايف بن معلي وتقبل تحيتي جتنا الذلول اللي عليها الكلايف وعيونها فيها دموع حزينه راع الذلول يقول بالوضع شايف تمشي ذلوله والرسن في يدينه لين بركت مابين ربع ولايف وقامت تخايلها العيون الفطينه حيث القصايد بين شرد وعسايف واللي تثمنها العقول الرزينه والناس تبحث مثل بحث الوظايف للشهره اللي بين غث وسمينه والحمد لله ماش جرح مسايف ربع ورفاقه فالقرى والمدينه لو إن فالدنيا هموم وحسايف العاقل اللي مايفرط بدينه |
حيث القصايد بين شرد وعسايف واللي تثمنها العقول الرزينه والناس تبحث مثل بحث الوظايف للشهره اللي بين غث وسمينه والحمد لله ماش جرح مسايف ربع ورفاقه فالقرى والمدينه لو إن فالدنيا هموم وحسايف العاقل اللي مايفرط بدينه صح لسانك يالشمالي كفو |
صح لسانك اخوي نايف بن معلي
والسر جابه الشمالي صح لسانه على الرد الجميل |
حياكم الله جميعا ويشهد الله تواجدكم ومروركم فخر لي وشرف اشكركم فردا فردا العزيزي المغترب ... ما عليك زود يالغالي ودي لك معلا بن رزن.... تسلم يالغالي ومرورك شرف لاهنت الليث .. يامرحبا يالقرم . هي الدعوه قوقله بس مدري على ويش... تقديري لك لاهنت الشمالي.... صح لسااانك وشاعر جزل ما شاء الله ... وبيض الله وجهك الطريس... حياك الله يالغالي ومرورك يكفيني فخرا وعزه... تقديري لشخصك .................... بالنسبه للسر هو/ لو اخذنا اول حرف من كل بيت سوف نكتشف السر البيت الاول/ حرف ب.............. البيت الثاني / حرف ن...... البيت الثالث / حرف ي البيت الرابع/ حرف ع......... البيت الخامس / حرف ز......... البيت السادس / حرف ي البيت السابع / حرف ز....... اعتقد اتضح الان السر نجمع الحروف بالترتيب والنتيجه هي/ بــــــنــــــي عــــــز يــــــــز تحيتي للجميع |
صح لسانك ونعم بك وبربعك بني عزيز
|
| الساعة الآن 07:49 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "