منتدى بني عزيز الرسمي من مطير - قصيـدة نخوه لأهل الطيـب

عندي رسـالــة ولا أدري من بسلمها *** فيها علوم جزيلة مالها والي

إحترت فيهــا ولا أدري ويـن أيممهـا *** ودونت موضوعها في وضعي الحالي

بإسم أهل الطيب باديها ومـبهـمـها *** تكفون ياللي لكم في المجد منزالي

خمسة عشر عام حكم الشرع مبرمها *** الحكم قاصر ولا أدري وش تبقالي

وبنخى القبايل وبزهـم لين ألـيـمه *** بإسم القبايل رفعت بصوتي العالي

وأنخى شيوخ تفاخر في محـازمـهـا *** خطو أبلج لثقيل الحمل يحتالي

شيخ ولد شيخ وجموعه تقدمهـا *** بدعوى شريفة لها مبدأ ومدخالي

تكفون حالي زمان البين ضايمـهـا *** وين أنت ياللي لواجبها تعزوالي

لولا الرجاجيل تذكر من قدايمـهــا *** ماكان باقي لكم ذكر على بالي

ولولا الرجاجيل تدفعها عـزايمـهـا *** كان إستوى عندنا الأول مع التالي

ولولا المواقف تبينا عضـايمـهـا *** ماطابقت عندنا الأقوال الأفعالي

ولولا الرجاجيل تلزمها لزايمـهـا *** كان الملازيم ضاعت بين الازوالي