خلاص ما شوفه ينفع معك ملام ولا تشره=كل ما زاد التشره زدت في صدك زياده
كيف أبصبر وأنت ما عندك وفى وإخلاص مره=التجافي صار لك في تالي الأيام عاده
كل ما عندي عطيتك ما بقى مثقال ذره =وانت ما حسيت فيني ياخي وشهي هالبلاده
تحسب إن القلب بيدينك على كيفك تفره=هيه حسي ما وصلنا لحد هذا بالبراده
أبتدينا نشرب من الماء على حلوه ومره=وإنتهينا ما يبل حلوقنا نهر ن مداده
أبتدينا مع بعضنا بالمسره والمضره=وإنتهينا من سواتك من نكاده في نكاده
مشكلتك إنك تحسب القلب بايح لك بسره=من خفوقي لو يطول الوقت ما أخذت الإفاده
يوم تضحك لي بصدق ويوم تضحك لي مغره=ما دريت إني معي من تجربة عمري شهاده
ما طرت المقفي اللي باين لي خيره وشره=ولا خضعت براسي إلا لله وهاذي عباده
ما خذينا منك كره عدتها عشرين كره=كل يوم تشن حرب كنها حرب الإباده
وكل يوم أعيد بالموال في صوتي وأجره=ولا أرتفع صوتي بسمعك زاد راسك في عناده
أتحمل وأتحمل والمشاعر مقشعره=كم فرصه عدتها لك لين مليت الإعاده
بس والله ما تحصل بعدها لوم وتشره=كان تبغى تصد عني زيد في صدك زياده