منتدى بني عزيز الرسمي من مطير - ولاهوغلط عشان ادور صوابه

ماهو خطا عشان ادور معاذير
ولا هو غلط عشان ادور صوابه

اليــوم تـوه عـود لـــوكــره الطــير
واصبح يشوف العالم اكثر رحابه

مستغربين انه ملى قلبي الخير
ليه الغرابة! وين وجـه الــغــرابة؟

تعبــت ادور للخطاوي مشــاويــر
ليـن التعب زاد اللــيالي رتــابــة

يبكي فرح من شاف بعض التباشير
مــعــذور لــو دمــعه يبــلل ثيــابــــة

من كنت بأول خامسة طفل صغير
كنت امتلي حزن وغــموض وكأبه

كنت أشعر اني غير والمدرسه غير
هيمان في جــو النبــي والصحابة

كنت الــمح بوجــه الليالي تعــابـير
وأقــراء همومي قبل أعرف الكتابة

والشعر غاااب وله محبة وتقــدير
اول غيــابه شــلت هـم لـــغيابه

بالنفس كان لبعض هالأمر تأثير
والليلة اهون من جناح الذبابه