|
التكاتف معزه والتفرق دبور
يـــا الله انـــي طلـبـتـك يـارحــوم ٍ غـفــور
تغفرالـذنـب عـــن مـنـهـو عـلـيـك اعـتـمـاده عبدك اللي سجدلك تحـت عرشـك شكـور يـعـبـد ك وانـتــه الـلــي تسـتـحـق الـعـبــاده يطـلـبـك تـرحـمـه يـــوم الـبـعــث والـنـشــور تـرحـمـه يــــوم كــــل ٍ يـحـتـسـب لــلافــاده يـوم كـلـش مسـجـل فــا السـنـه والشـهـور ماخسر من على مطلب ارضاك اجتهـاده وبــعــد ذكــــرك وشــكـــرك صـارلـلـشـعـردور شـاعـر ٍقــال شـعـره مــن قـريـحـة افـــواده قــال شـعــر ٍ مـنـقـا مـثــل طـلــع الـزهــور مـثــل نـبــت الـخـزامـى والـنـفــل فـالـحـمـاده مـايــبــا الشـاعـرالـنـاقـد يـحــصــل عـــقـــور ينـظـم ابـيـات شـعــره مـثــل نـظــم الـقــلاده الــذهــب نــــدري انــــه سـلـعــة ٍ مـاتـبــور يكسـب الـلـي يبـيـع ومــن شــراه استـفـاده مـرحـبــا بــــا الـضـيــوف وكــــل زايــريـــزور عــــد مــاهــب ذعـــــذاع الـنـسـيــم ابــبـــراده عــبــري يـــــا شــعـــور وغـــــردي يـاطــيــور بـــــا لـفـخـروالـمــوده والـــفـــرح والــســعــاده نـحـمــد الله تـبـيــن كــــل مــــاب الــصــدور كــــل زراع زرع ٍ قـــــام يـجــنــا حــصـــاده خـلــو الـعــود الازرق لا النـشـامـى يـــدور وقـبـلـه الـبــن الاشـقــر زودو فــــي قــنــاده حـفـلـنــا نــحــمــد الله زاد بــــــا الــنــورنــور كــــل مـــــازاد نـــــوره قــلـــت يـبــغــا زيـــــاده زاد نـــوره بـربــع ٍ مـــا لـحـقـهـم اقــصــور كـــل واحـــد بفـعـلـه فــــي يـمـيـنـه شــهــاده ربــعــي الاد مــرشـــد مـــــن ذخـايـراصـقــور عـزوتـي يــوم كـــل ٍ قـــام يـقــدح ازنـــاده رجـلـنــا فــيـــه ثــقـــل وفــيـــه دم ٍ يــفـــور نـــوب فـيـنـا جـنــون ونـــوب فـيـنـا ركــــاده شـلـفـنـا مــــا تــوقــع غـيـروســط الـنــحــور ضـربـهـا فــــي عـقـيــد الــقــوم والــلاجــواده فـــا الـزمــان الـقـديـم الـلــي رحـاتــه تـــدور من سلم من صباحـه ماسلـم مـن هجـاده ربـعــي الـلــي لـيـاجـات الـلــوازم احــضــور نـــارهـــم يــــــوم تـــالـــع مــــــا تــعــودرمـــاده نشكرالـحـاضـريـن ومــــن يـغـيــب مــعــذور يمـنـع الـضـرف رجــل ٍ مايحـصـل مــراده والـمـواقــف تـبـيــن كــــل رجــــل ٍ غــيـــور والــردي فــي رقــاده ماصـحـا مـــن ارقـــاده يـاخـذ الـحـق وافــي كــل رجـــل ٍ صـبــور والـمــعــانــد يــعــانـــد مـايــفــيــده اعـــنــــاده مــــا يـفـيــد الـتـغـطـرس والــريــا والــغـــرور كود ذنب ٍ عظيـم وضعـف عقـل ونقـاده والـتـواضــع يــخــل الــرجــل دايــــم فــخـــور والـمـكــا نــــه لاهـلـهــا والـفـخــر والــريـــاده علمـتـنـا الـتـجـارب مـــن قــديــم الـعـصــور يـسـتـفـيــد الـفـهــيــم ولا تــفــيـــد الـــبــــلاده الــتــكــاتــف مــــعــــزه والــتـــفـــرق دبـــــــــور خـــلــــو الـــــــراي واحـــــــد لايـصـيــرانــفــراده وانـتـوكـل عـلــى الله فـــي جـمـيـع الامـــور وكــل شـيـا ً عـلــى الله حـلـتـه وانـعـقـاده مـــن تـسـمـع بـنـمــات الــكــذوب الـفـجــور صـارعـقـلـه ومــخــه مــثــل مــــخ الــجـــراده خـالـف الــراي عــن ربـعـه وصــار معـثـور مـثـل مــن يلـطـم عيـونـه بـشـوك الـكــداده مـايـعــرف الـــــورود ولايــعـــرف الــصـــدور ضاع في ليل ٍ اسود مظلم ٍ به سواده والـخـتــام اسـمـحـولـي يــاطـــوال الـشــبــور اسمحـولـي تــرى معـنـاي واضـــح قـصــاده يــــا الله انــــك تكـافـيـنـا جـمـيــع الــشــرور ياعظيـم ٍ رزق خلقـه ومحصـي اعـبـاده الشاعر/ جهز الهرس |
الــتــكــاتــف مــــعــــزه والــتـــفـــرق دبـــــــــور
خـــلــــو الـــــــراي واحـــــــد لايـصـيــرانــفــراده وانـتـوكـل عـلــى الله فـــي جـمـيـع الامـــور وكــل شـيـا ً عـلــى الله حـلـتـه وانـعـقـاده كلام مليان و فالصميم اخي حد السيف سلمت يمناك وصح لسان شاعرها كل الشكر |
خـالـف الــراي عــن ربـعـه وصــار معـثـور
مـثـل مــن يلـطـم عيـونـه بـشـوك الـكــداده مـايـعــرف الـــــورود ولايــعـــرف الــصـــدور ضاع في ليل ٍ اسود مظلم ٍ به سواده تسلم يمينك اخي حد السيف على النقل قصيده معبره تقبل مروري |
الليث
برق شكرا على المرور لكم تحياتي وتقديري |
| الساعة الآن 06:31 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "