|
دق جوالي
منقول دق جوالـي وأحـس القلـب يومـه دق .. دق من ثمان شهور ما يسأل عسى الطـاري حنيـن المهـم أنـي ذكـرت الله .. وقلـت الله حــق واضغط الزر المحدد .. سم .. عفوا .. أنت مين؟ قلتها وأنـا أعرفـه ميـر الثقـل حـل وسبْـق قال أنا اللـي متصـل وأرجـوك زيّنهـا تزيـن قلت ( يعني) قال يعنـي شوفنـي ميـت زهْـق ودي أسولف معك من غير جيـم وغيـر سيـن قلت تآمر قـال تسلـم وابتـدا كشـف الـورْق واسمعه دق (السبيكر) قلت .. عونـك يامعيـن قال وش حالك عساك بخير .. قلت الخيـر طـق من عقب فرقاك يا قاسـي غـدا حالـي حزيـن قال قلبك وش علومـه .. قلـت قلبـي أحتـرُق ما قـوا هجـرك ولا بعـدك ولا قهـر السنيـن قال شعرك .. قلت شعري .. لا ابد طـب وتنْـق كل خفّاقي قصايد .. مـن يسـار ومـن يميـن قال كبه .. قلت أكبه .. قـال والمركـب غـرْق قلت مركب ايش هذا .. قـال طحـت بهالكميـن ماني بصاحبك بس أرجـوك مـن يسبـق لبْـق انت اسلوبك عسـل وانفـاس حكيـك ياسميـن بالغلط دقيـت .. وأحمـد ربـي الـرازق رزْق والله أعلم انـك مشبـه علـى شخـص ثميـن قلت لحظه ماهي الدعوه صحـن خبـز ومـرْق اصبر اصبر خلني أعرف مكـان اللبـس ويـن؟ قمت أراجـع رقمـك الموجـود واشوفـه فـرْق انت خمسه سبعتين وذاك سبعه خمستيـن!! |
اخوي محمد الذيب
احسنت الانتقاء صح نقلك وصح لسان شاعرها |
تسلم على النقل اخي محمد الذيب
|
اقتباس:
الطريس سعدة بمرورك |
اقتباس:
البيت اللي فيه باقي الارقام حذفته سعدة بمرورك ايه الشاعر المتميز انا كل ماادخل المنتدى وحصلك متكي في الصفحة الاولى لاستقبال الضيوف وبجوارك لوحة التميز لشاعر المنتدي ارتاح سعدة بمرورك |
اقتباس:
تسلم اخوي برق على المرور دمت بعز لايوصف |
| الساعة الآن 02:46 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "