منتدى بني عزيز الرسمي من مطير - قصيدة راشد فالح (انصى الرهيف)

مشاركه من الشاعر راشد فالح الرقابي بمناسبة زواج عقاب مزيد الرهيف

بديت باســـــــم الله عـــــــلى كل الاحوال
الـــــــــخــالق اللــــــــي كلنا نرتجــــيـــله

ســــــــلام رديـــــــه وتـــقـــدير واجــــلال
اعــداد مـــــــايــــــنزل رشـــاش المخـيله

رديــــــتاً تــــــحــمــل عـــبارات وامـــــثال
تحــــمــــــل من الصاحـــب مـعاني جليله

للصـاحـــــــب اللــــــي بالوفاء والكرم نال
مــــــكارم الاخـــــــلاق عــنــده وســــيله

لازم مقام عــــــــــقــاب ناتيـــــه رحـــــال
تـــــقـــديـــــر مـــنا لازم انــا نـــجــــيــــله

ماهــــــمنا بــعـد الــمــــــسافه والامـيال
عــــبر الـــفــــــضى والا الخطوط الطويله

مبــــــــروك واســــــجل جزيلات الامــثـال
المـــــــنهــــــج الـــطـــيب مانرضى بديله

قــــــم يانديبـــــي جــهز الجــــيب بالحال
التانـــكي بـــــــــنزين يالقـــــرم كـــيـــله

عـــب التـوانك فــــــل ياطــــيـــب الــفال
واخـــذ خـــفـــيف الزاد واتـــرك ثــــقــيله

من الحـــويه خــــل مـــــشيه بالاعــــدال
الــخـــط واضــــح مـــايبـــا لـــه دلـــيـــله

من شرق سوق عكاض مشيه بالاشمال
ثـــــم اتــــــجــــه لــــديــــارنا والـــقــبيله

ربعن لهم فـــــي منهج الطيب مـــنـــوال
الحي واللي راح تــــحــــــت النــــثــــيله

اهـــــل الـــكرم والجـــود ماضين الافعال
لعـــلها ماتـــنـــقـــرض مــــن فـــصــــيله

انص الــــرهـــيـــــف لاتسمـع بالاقــــوال
مــزيد طـــلال وكل مـــن يــنـــتــــمـــيــله

فـــي مـــجـــلسه تبـــشــر بدله وفــنجال
وســوالفن تــبري الكـــــبـــود العــــليـــله

من بعدها كبشن عليه الـــــشـــحـــم مال
امــفــطــحــن على النــشــاما يــشـــــيله

عـــــن الخــوي والضــيف مايذخر المـــــال
ولاعــــقـــــد حــجــاجه يطالب زمــــيـــــله

ماهو من اللي يسمع القـــيـــل والـــقـــال
اهـل النمايم والـــــنــــفـــــوس العلـــيــله

يفداه مــــن يـــجـــفـــل ليا شـــاف الازوال
يخــــاف مـــــن ضـــيـــفـــن يعــــشيه ليله

يــارب يامـــــنـــــزل تـــبـــارك والانــــفـــال
اللــــي لــــيــــا ضــــاقت علي انـتــجـــيله

عــــســى لنا في جـــنـــة الخــلد مــنــزال
يارب نـطلب رحـــمـــتـــك والفــــضـــيلــــه