|
وجد حالي وجد
بسم الله الرحمن الرحيم السلام عليكم ورحمة الله وبركاته اعود لكم بهذه القصيدة اللتي ارجو ان تحوز على رضاكم ..... وجد حالي وجد من ساق ذوده واحتزم ذخر ابوه وذخر جده قويين العزوم جاه شيخ القوم من عقب ماشار وحزم صيرمي(ن) من عرض قدم سيفه مايقوم هو شجيع...وكثرهم هد حيله وانهزم عظـــم ساقه من بواريـــدهم غاد(ن) لهوم استداروا حول عفر(ن) لها حن ورزم اختفت عن شوف عينه ولاحدن به رحوم اختلط عجزه وكسره وبالصمت التزم هل دمعه واثــقــلت كــاهـــله جل الهموم حالتي هي حالته يوم شفت العلم زم يوم بعض الناس سلمه جهل طيب السلوم يوم جاء بهزال هرجه جهول(ن) معتزم مخطر(ن) هرجه يعقب على كبدي وسوم آه... يالولا غلاته .. تلازمني لزم كان باح السد وابديت له بعض العلوم خذ كلام الشاعر اللي على العلياء جزم مثل حر(ن) لأعتلى في سماء جوه يحوم بندق(ن) ما تذبح الصيد واقعها يزم حالف اني ما اتعصم بها وقت اللزوم ..............................وسلامتكم............ ................. |
وانت سالم وغانم صح لسانك ايه الشاعر المحنك سلمت وسلمت اناملك التي خطت هذه القصيدة تم النشر على توير https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn </B></I> |
[
اخوووي ... خوي ساالم .. صح الله لسانك واشكرك جزيل الشكر لاضافة قصيدتي في مواقع التواصل الاجتماعي ولك مني خالص التحايااا واجملها |
وانت سالم يابوعادل
صح لسانك واعتلا شانك وتقبل ارق التحايا |
الله الله يابو عادل للابداع رونق وانت اساسه جزل وامتعتنا بهذه الرائعه تسلسل وتصوير وصور لا يتقنها غيرك دمت متألقاا |
شاعرنا القدير منيع الله
نص فاخر بكل ماتعني هذه الكلمه من معنى من المطلع الي الختام وكل بيت اجدني مشدود فيه اكثر واكثر فعلا لن اظلمك اذا قلت انك مدرسة شعر مستقله لا تشبه احدا تقديري واحترامي لفكرك النير ياراقي |
اخوي : منيع الله داخل
صح لسانك واعتلا شانك وانت دايم شامخ ابداع ياشاعرنا تقبل مرور البنيد |
أخوووووي الليث ..... صح يدنك .. وأشكرك جزيل الشكر......... لك مني خالص الشكر والتقدير أخوووووي الشاعر نايف بن معلي ........ سلمت ولا هنت وأنتم أهل الأبداع ... والجزاله ..... تحيتي لشخصك أخوووووووي الطريس ................ تواجد أمثالك لمتابعة ما أطرحه من قصايد فخر لي وأعتزاز ، وهذه الشهاده وسام يبقى مدى الأيام على صدري وهذا الأطراء يزيدني فخر وعزة بهذا المنتدى ..... لك مني أ جمل تحيه...... أخووووووووووي البنيد ..........صح بدنك .......... وأمثالكم هو من جعل هذا المنتدى منتدى الشموووووخ والابداع اشكرك على مرورك العطر المميز |
| الساعة الآن 01:14 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "